Khawvel puma users engemawzat tan WhatsApp down a ni a, outage nasa tak a awm nia sawi a ni

Source - Emcee Kawlni

Social media messaging platform WhatsApp chu Zirtawpni khan khawvel pumah users eng emaw zat tan WhatsApp chu a down a, miten app hawn theih loh leh message thawn theih loh vangin complaint an thehlut a ni. He thil thleng nghal mai tur hian official response a awm lo. 

Meta-owned social media giant WhatsApp chu Zirtawpni tlai khan khawvel pumah users sang tam tak tan a down a, hei hi outage tracking website Downdetector chuan April 12, 2025 khan a tarlang. 

Data aṭanga a lan danin, disruption tracking platform hian tlai dar 5:30 (IST) thleng khan social media hmangtute hnen aṭangin outage report 600 vel a register a, zan dar 7:30 (IST) vel khan report 173 dang register a ni bawk, tiin Downdetector website chuan a tarlang.

Data aṭanga a lan dan chuan user report zinga zaa 88 vel chuan social media platform kaltlangin an thuchah thawn chungchangah harsatna an tawk niin an sawi a, user complaint zinga zaa 10 chuan application ngeiah pawh harsatna an tawk tih an sawi bawk.

Chutah pawh chuan he thubuai sawitu zaa 2 chuan Zirtawpni tlai khan social media messaging platform-a log-in harsatna an tawk a ni. 

India, United States leh khawvel hmun dangah te chuan app hmangtute leh message thawn chungchangah harsatna an nei tih an sawi. User eng emaw zatin social media platform-ah message thawn lovin screenshot-te share turin an ti bawk.

WhatsApp a down thut chhan hi hriat chian a la ni lo.

Netizens te hian an chhang let

Social media platform-a mite chuan status story emaw, message emaw an post thei lo tih an post ṭan ta a ni. An screenshot te chu finfiahna atan an share a, social media hmangtute chuan outage rang tak chhan ni thei tur chu eng nge ni thei tih hriat tumin an bei a ni.

WhatsApp lo uninstall phah loh tur a ni e.

Share ve rawh le.