*Introduction tawi te:*

"I phone in 'Google Drive storage full' a ti reng tawh em? WhatsApp backup vang a ni tlangpui. Thla tin ₹130 seng a storage lei kher ngai lo. A thlawna tihfai dan ka hrilh ang che. Dinthar atanga ka tih chhin ngei a ni."


*A chhan - Engvangin nge a khah zung zung?*

1. *Video ho*: Group a video fiamthu inthawn kha MB 20-100 a ni zel. Ni khat ah 10 i dawng a nih chuan 1GB a khat nghal.

2. *Auto-Download*: WhatsApp setting ah a in-on sa vek. Thlalak/video a lo download nghal vek thin.

3. *Backup tinah a in-khawl*: Thla 3 kal ta ami pawh a paih lo, a backup belh zel.


*Tihfai dan - Step by Step, Thlalak nen*


*Step 1: A ti khat tu ber hre rawh*

1. WhatsApp hawng la a chung kila dot 3 inrem kha hmet rawh. > *Settings* > *Storage and data* > *Manage storage* ti la.

2. Tah hian "Larger than 5MB" tih leh "Forwarded many times" tih i hmu ang. Chu mi chu video ho, a ti khat tu ber an ni.  


Thlalak: Manage storage screenshot

*Step 2: A tul lo paih rual rawh*

1. "Larger than 5MB" kha hmet la, video hlui ho a rawn lang ang.

2. A chung veilam ah *Select all* hmet la, *Trash* bin lem hmet rawh. 

3. "Forwarded many times" ami pawh ti ve nghal rawh. Fiamthu hlui, a ngai inthawn nawn ho a ni tlangpui.


Entirna: I duh tak video chu select lo la, a bak chu paih vek rawh.


*Step 3: Auto-Download ti tawp rawh - A pawimawh ber*

1. *Settings* > *Storage and data* > *Media auto-download* ah lut rawh.

2. *When using mobile data* tih ah: Photos, Videos, Audio, Documents untik vek rawh.

3. *When connected on Wi-Fi* tih ah pawh: Video untik tal rawh.  

A chhan: I click chauhin a lo download tawh ang. Group video ho in a tih khah tawh lo ang.


*Step 4: Chat backup a tel tur thlang chhuak rawh*

1. *Settings* > *Chats* > *Chat backup* > *Include videos* tih hi *OFF* rawh.  


Hei hi a pawimawh chu a ni. Video tel lo chuan i backup hi 500MB pawh a tling lo ang. Thlalak leh text chauh chu a tet em a.


*Step 5: Google Drive atangin backup hlui paih rawh*

1. Google Drive app hawng la > tlar pathum > *Backups* ti rawh.

2. *WhatsApp backup* i hmu ang > a sir a tlar pathum > *Delete backup* ti rawh.

3. WhatsApp ah lut leh la, *Back Up* ti leh la. A thar, a tê chi a siam leh nghal ang.


*Tih tawh loh tur:*

*Chat ho delete kher duh suh*. I number pawimawh a bo palh ang. A media/video chiah kha paih rawh.


*A tawpna:*

Tun atang chuan thla 6 danah tihfai ziah la, storage lei a ngai tawh lo ang. I pawisa ₹1560 kum khat a save tihna a nih chu.


Mizoram ah internet a la chak loh avangin backup te lutuk hian a tihzia phah lutuk. I thianpa buai ve tan share sak ve la.Tin ka blog hi subcribe in lo share ve rawh le.