A nute-i lehkha ziah chu (copy)

*Bawihte, i thihna chuan Zoram a deng chhuak ngei e, Nangmah hma ngaih tu che hi kan dam thei mawlh lo a ni. In thian zaho a zu Rs 200 man in in lei tawm kha e, thil tha chu a ni ka ti lo; mahse, nang kum pawh tling lo, hmun rapthlaka dah luh nan che chuan ka hmangaih vang che pawh a niang a nep ka ti.

Mahse YMA hruaitute pawh rim taka khawtlang thatna tura lo thawk thin tu te an ni si ka dem ngam si lo, hetiang hi i chan tur tih hria se an dah lut bik lo ang che, i nu lahin anmahni zah vangin leh i tana thatna tur pawh alo ni mahna tih vangin a hnial ngam si lo, mahse maw bawihte i hetih dawn vang a mi i luhni ni 9.7.2017 ni khan i nu chu a chau vek asin...Ni 19.7.2017 tlai a lo thlen meuh chuan i damloh thu phone in i u in a dawng a, mangang em em in i nu nen an rawn tlan nghal a, mahse maw..

Bawihte, lo chhawn tur reng i awm tawh si lo, thutthleng pathum dawh zawmah i tana tawiah lu lawrin an lo zalh che a, hla de daw atang an lo kil che a, i nu in i kal tawh tih hre si loin, "Min tanpui ru, damdawi inah min hruaipui ru," tiin mangang in a tap a, tumah chhawntu an awm lo, tuman kâ an ang lo, in va riang nufa em ! Bawihte Pathian mite nia an rin, an belhtir che hnen atang khan thlamuanna thu emaw i nat dan thu emaw dawn tur a awm lo. Tawngtai Bethel Camping Centre khan, i ruang thlah liam tur pawn, a dintu pawh a tawngtai si lo maw..!?

Bawihte i piantirh atang ka thinlung hian a chhuichhuak a, i nu hrisel lohna avanga ka hnutetui i rinlai te, i lo thang liana ka tan hian hmuh i nuam asin, i ruang dai pawh ka kil ve thei si lo..Ka thinlung tina tawp thei lotu chu e i nâ tih pawh kan hriat loh laiin, nang chu na tuarin i lo rum a, tanpuitu reng i nei si lo, damdawi mum khat pawh pe tur che an awm lo maw, i mit a thim a, khum nei ve si lo, zah pawh dawn loin mi khum i pan tawk tawk maw, Bawihte i natna a lo na si, i hmuhchhun ORS no khat kha chu i tan dampui ngaihna a awm si lo.

Ka nau riangvai ka lainat lutuk che..a nâ tih hria ila i damnan chuan neih lungkhawn pawh kan huam asin. Damdawi in te bel hman ila heti em hi kan thleng lo tur. Bawihte a na ka ti, kan hmangaih kha hmangaihtu nei lo ang maiin thihna khawp hial na tuarin, tanpuitu i nei si lo...Bawihte a pawi vawng vawng.*

Share and subcribe enjoy.