Android TAWNGKAM TLEM I HAN TARLANG TEH ANG

Heng a hnuaia mi te hi android hmangtu ten an
sawi kan hre fo tawh thin ang a, mahse enge a
nihna? Enge a awmzia? Enge an sawi tum kan hriat
thiam theih nan android tawngkam bungrua mi
nawlpuiin kan hriatthiam theih dana ziah kan tum
dawn a ni.
ADB : Android Debug Bridge tihna mai a ni a.
Computer leh phone thunzawmtu ti mai ila a fiah
awm e. ADB hmangin computer atangin android
phone chu awlsam zawkin a khawih (control) theih
a ni.
AOSP: Android Open Source Project tihna a ni a.
Android an siam chhoh dan (program) a ni mai a.
Heta AOSP atang hian tupawhin android chu an
khawih danglam thei a, mi zawng zawngin an
khawih theih tura dah chhuah a nih avangin open
source tih a ni.
APK : Android executable file a ni a, .mp3/.mp4 kan
tih ang kha a ni mai. Android apps te file hming a
ni mai a, android package tihna a ni. Android
application reng reng chu .apk a dah thin a ni.
Apps2SD : Hei hi chu apps leh cache files te internal
ni lo, micro SD card vela kan move (dah) sawina
kha a ni mai.
Bloatware : Phone siamtu ten a tira phone-a an lo
dah sa, I root te a nih loh chuan I delete theih si
loh ho, kan hman tangkai si loh sawina kha a ni
mai.
Boot Animation : Hei hi chu I phone I han on chiah a
animation (thil che thei lem) lo lang kha a ni mai.
BOOTLOADER : Hei hi chi hnihin a sawi theih a -
Primary leh Secondary Bootloader tiin. I phone I han
on chiah khan I phone kha eng angin nge a in boot
(a in on) dawn tih zuk hrilh hriatna a ni ti ila a fiah
deuh awm e. Phone thenkhat chu mi dangin an
khawih dang lam mai mai loh nan tiin bootloader an
lock thin a. Chu'ng phone chu bootloader unlock
phawt loh chuan rooting te, custom recovery hman
te a theih loh thin.
Bootloop : Hei hi chu I phone nung tlang (boot up)
thei lo a boota nimation a a tang char char sawina
kha a ni mai.
BRICK : Brick pawh hi chi hnihin an then leh a - Soft
Brick leh Hard Brick tiin. Engemaw I tih danglam
(root/custom recovery/custom ROM) vanga I phone
a lo chhiat khan bricked tiin an sawi thin. I phone a
la nun theih det det khan soft brick an ti a, a nun
pawh a nun theih miah loh khan hard brick an ti
thin.
BUILD.PROP : Hei hi I phone chungchang system
emaw file kha a ni a. Heta tang hian awlsam takin
android version, model hming, etc kha ziah
danglam mai theih a ni a. Mahse chu chu a tak
taka a version chu a ni si lo. Build.prop atang hian
tweak tam tak, eg.: jepeg, mpeg, internet, audio,
etc. chu a tih that ve deuh theih nia sawi a ni.
BUSYBOX: Hei hi chu thil tam tak I tih theih nan a
program tangkai a ni ti ila a fiah mai awm e. Vawi
lehkhat sawifiah chi a ni chiah lo a, nakinah post
dangah a chiang zawka sawi kan tum dawn nia.
Cache : Application emaw engemaw I mamawh atan
tia systemin a lo dahthat, nakina I tana awlsam
nana I phone in a lo dahthat sak che kha a ni mei.
CM : CyanogenMod tihna mai a ni a. Custom ROM
siamtu lar berte an ni a. Custom ROM mai piah
lamah company thenkhat thawhpuiin phone thenkhat
chu an siampui tawh a ni.
CPU : Central Processing Unit hi computer/phone ah
chuan a khawl pui ber a ni a, I phone-a hna thawh
tur zawng zawng lo thawk tu kha ti ila a fiah thei
mai awm e.
Custom : Mahni duhthu a phone khawih daglam thin
ho (independent customers) ten an phone khawih
danglam sawina - Custom ROM tih ten an sawi
thin. A chunga kan sawi tak AOSP khi mi thiam
developer ten an khawih danglam thei a, chu chu
custom a ni mai.
CWM : ClockWorkMod Recovery tihna a ni a, a tira
android phone in a rawn chhawm sa recovery
(phone khawih danglamna/resetna etc.) khawih
danglamna chi khat a ni a. Custom ROM vel emaw
tweak thenkhat flash a ngaih chuan custom recovery
hman a ngai thin.
EMMC : Embedded Multi Media Card tihna a ni a.
Memory chi khat sawina tho a ni a, chip architecture
niin amahah hian thil tam tak a dah (store) theih a,
hei bakah hian amah hi flash theih a ni bawk a. A
awmzia ah chuan system files te dahkhawmna a ni
deuh ber.
EXT4 : Hei pawh hi file system chikhat, Linux ten an
hman thin deuh chi khat a ni a, hetah hian thil tam
tak dah theih a ni.
EXTERNAL SD : Hei ve thung hi chu I phone chhawm
sa ni lo, memory card I hman emaw kha a ni mai,
phone chhawmsa (internal memory) ni lo kha a ni
deuh ber mai.
FACTORY RESET : I phone a tira mi (I lei laia a awm
dan ang deuh) a dah let leh na (restore-na) a ni
mai. Hei hian memory card vela I thil lo dah kha
chu a khawih pawi lem lo.
Gapps : A lampum chu Google Application tihna mai
a ni a. Google ho in an app siam bik - Google,
Gmail, Playstore, Map, YouTube, library files, etc. -
vel sawina a ni.
HSUPA/HSDPA : High Speed (Up/Down) Packet
Access. A awlsam zawngin 3G+ tihna a ni a,
internet speed sawina chi khat a ni ber mai.
IMEI : Hei hi International Mobile Equipment Identity
tihna niin eng phone pawh - GSM, WCDMA, leh
iDEN phone-te - chhinchhiahna a ni a, phone pakhat
hian number pakhat zel a nei a ni.
INTERNAL SD : I phone in amaha memory a neih zat
(memory card tel lovin) sawina a ni.
KERNEL : I phone thluak bur ber - a nun theih nana
hardware leh software inkara hnathawktu ti ila a fiah
thei mai awm e.

I'll tangkai pui ngei Ka beisei

Enjoy