Anti-Supernatural Assault Team(ASAT)

Nî chu Tokyo hnuchhawn chuan zawi muangin a inher liam a. Van boruak thiang takah chuan arsi chu an lang riai ruai a, Chawngmawii takngial pawh a êng ?ha hlei thei bik lo. Mahse Tokyo khaw dâi hmun fianrial tak pakhat a?ang chuan chû‘ng vân boruak thiang kara arsi eng chu a no nalh em em mai a, chutianga van boruak thiang nalh chu an la hmu ngai lo. 

Eng dang a awm lo a, lirthei tlan pawh hmuh tur a awm hek lo, a reh ruih mai a ni. Thlasik kawng pawh no nalh tak maiin ngaw chung zawnah chuan a inkham ruih a. Chû ngaw pik tak hnuaiah chuan a bika chher hriam ?hian sawm leh pahnihte chu thlûr hrang hranga in?henin fimkhur takin an chê a. 

An zinga pathum chu mâu hmun pik tak karah chuan dimtê-in an petek phei ta a, an ?hian ?henkhat pawh lei châr-ah leh chirh dûp-ah an lansarh loh nan tîin ?hing?hî-in an kal a, thingkung lama lo chetla pâwl pawh an awm bawk a. Chutih lai tak chuan an hmâ hruaitû ber pakhat chuan “thil fello a awm” tî niâwm takin a bân a rawn phar nghal vat a. 

Vawilehkhatah an awm hmun ?heuh vah chuan che lo châng lovin an hruaitû chu an ngaichang ta rân mai a. An chhehvel hmuh phak chin chu an melh kual ta hrâ hrâ hlawm a.

An hruaitû chuan kan hmachhawp chu kan hlen ta tiin kir leh tûrin a hui lêt ta hlawm a. Hlauh tûr a awmlo nî-a an hriat hnu chuan an rawn inlârchhuak ta a, thawmhnaw dum hlang hlakin an inthuam tih pawh a hriat theih tawh bawk. 

An hnungah chem kûl sei ?ha tak an pai a, an kawnghrenah thîr danglam bik aṭanga siam thil tle ?ha tak, te reuh tê tê an tlar ?hût bawk a. An hmalamah chuan Japan lal In lian tak, rauhsan tawh niawm taka ramchhe tawh tak hi a ding luah a. 

Ramngaw pilril kara biru taka sak niawm tak hi a ni. Chulai hmun chu tlawhpawh loh leh midangin a awm tih pawh an hriat loh a ni.

Kum zabi sawm pasarih lai khan helai hmun hi khaw te taktê-a inkulhin mawi takin an khua hi an chei a. A mi chêngte hi an tam lo nâ a an kawlhrawng hle thung. Hê khaw mî leh sâ-te hian chem vai zirtirtu an nei ?heuh va ni. An ram tâna rawngbawl chu an duh lo va, an ram dân zam chu zawm an tum hek lo. 

An zinga mî zâ vêl chu lal ram hungchhung ah chuan khung khawm an ni a, chu’ng ho chu indonaa chetla tura chher hriam an ni. Kum 1608 khân ram awptû Tokugawa chuan Tokyo khaw daia a ruka lal ram lo awm ve chu tichhia a, a mi chengte leh an sal zawng zawng that chimit vek turin sipai singkhat a tîr chhuak a. 

Katana ngûnhnam,meteorite ngata siam neitu General Hakizama’n hêng sipaite hi a hruai a. Katana ngûnhnam hian engpawh a tan chhum hamwk hmawk thei a ni. A siam nana an thir hman hi khawvelah hmuh tur a awm mang mang lo. Carbon fibre aiin a khawngin a chang zawk a, lithium aiin a zâng zawk a, a rawng chuan a pâwl da lam hi a pawl mah mah. Mi ?henkhat chuan bluenium te pawh an tih phah nghe nghe.

June 1608 a lo inherchhuak a, an thupêk chu zawmin sipaite chuan chulai hmun chu a bei ?an ta a. Chulai hmuna mihring awm tawh phawt chu that chimit vek tur-a thu pêk an ni. Sipai rual lo do let tur chuan chulai hmuna bawih awmte chu an engtham mah an ni lo, an inkhan lo em em mai a.

Mahse an inpe mai duh bik lo. Thi leh thau pawlhin bawih chanchhe zawk chuan han bei let chiam mahse an tan chuan lung bang sut ang mai a ni. 

Sipai chuan bawihte chu an tukdawl chiang hle. Indona a han zawh hnu chuan lalram leh a chhehvela an indona hnuhma chu a rapthlak hle mai a, bangah te, khawlaiah te leh daiah te chuan thisen hi a pherh nian nuan mai a. Lubung leh taksa bung hrang tla hlang lah hmuh tur lah a tam nangiang mai. 

Bawih ho chauh chuan chû indona chu an tuar lo va, sipai lam pawh chu an kiam nasa ve em em tho va, an general Kakizama pawh an chan nghe nghe. Sipai thah bang tlem azawng an la awm a, chu’ng ho chuan an ?hian te ruang chu an phum a, an zawh fel hnu chuan an khua chu an rauhsan ve ta a ni. 

Tokyo khaw daia a ruka lalram an din chu tunah chuan thing leh mau chhah takin a bawh vek tawh a, tuman tlawh en-ah an en tawh lo.

Ninja ho chu an lalram beih tur pan chuan dim takin an kal phei ta ?ham ?ham a. An hmuh dan chuan chu lal in chu chhawng thum niin a bangte leh a chhuat te chu hrui zam chi leh hnim hnah te’n an bawh khat titih a. 

Inchung lam a?anga an luhna tur an rehpawh mai loh chuan tih ngaihna vak a awm dawn loh avang chuan ?henkhat chu inchung lama lawnin an luhna tur kawng chu an verh pawp ta a