DIL MAKSAK TAK MAI NESSIE DIL CHU

Hetianga mithiam rualte an beidawn lai hian,mi
naran mai2 dil en tura lo kal khualzin naran mai
maite chuan rinloh tak takin chiang fe fein an hmu
fo lawi si a.Kum 1974 pawh khan truck driver Andy
Call-a leh Henry Wilson-a te chuan he dil kama an
tlan laiin an thlanga dil chu a lo phul bulh2
maia,chutah, sa mak deuh mai hi a rawn dakchhuak
ruau mai a.Andy Cole-a sawidan chuan sa mak chu
a dum a ni a,ft 60 ai maha sei tur hi a ni a.A mu
chu sakawr lu ang deuh a ni a;minute 15 vel lai an
thlir nghe2 a.An hmuh laiin vawi 3 lai chu a inchiah
zuk2 niin an sawi.
Hmanraw tha hmanga dil chhunga rannung mak tak
a awm ngei tih finfiah tu chu,kum 1975 a America
Scientist pakhat, Dr.Robert Rine a hova a thla an lak
kha a ni.June 20,1975 khan Urguhart kulh bul
lawkah lawng hnuai atangin tui hnuai thla lakna tha
chi, han hmeh veleh a eng chak chi,amaha eng de
zuai2 thei chi chu ft 80 a thukah an thlak thla
a.Second75 danah a inhmet trek chuai2 a.Darkar 24
chhung vawi singhnih lai thla a lakah chuan,
rannung sen uk deuh taksa chum but mai,ft12 a
sei,a nghawng ringawt pawh ft8 vela sei thla hi a lo
lang ruau mai a.A lu chu tihbaiawm tak,ka ang zau
phuau mai, a chung lama dawt (pipe) ang tak
pahnih chawr chhuak a ni a.
A landan atangin rannung mak tak,eng nge a nih la
hriat chian theih si loh a ni a.Chiang zawka hriat
tumin mithiam te chuan an la chhui zui reng
a.Dinosaur zinga mi Plesiosaurus an tih, thlah kal
zel a nih an ring deuh. Khawvel hmun danga
awm,Plesiosaurus te an thih zawh vek hnuah Loch
Ness dil fianrial takah hian nungdamin a lo la awm
niin an ring. Chuvangin Nessie pawh hian tunlai
rannung dang a ang lo bik ni in an ngai a ni.
He dila rannung danglam bik a awm ngei tih an
finfiah hnu pawh hian awih theilo tawk an la awm ve
zel a.Chung mite sawi dan chuan, Nessie hmuna
insawi nazawng te hi chawtak khuka khukpui tlakah
an ngai lova.Thlalak an sawite pawh chu a lem mai
a ni te an ti a,siamchawp leh ziakchawp ah an ngaih
sak tlat a ni."Egtin nge hetiang dil zim te,a dung
mel 24,a vang zau lai pawh mel hnih lek,a thuk lam
pawh metre 200 chauh ah hian,chutiang sa lian chu
hmuh theih lohva a bihruk reng theih ang?"an ti a
ni.
Kum 1983 khan "Loch Ness thuruk hriat
chhuahna",tih bu, Ronald Blins leh T.J.Bell a ten an
ziakah chuan, hemi dila thil hmuh tam zawkte hi,tui
chunga sa ruang leh thingtuluang lo lang nul2,a
hmututen an hmuhsual mai2 niin an sawi a.Hmuthei
riau bik leh atchilh tawk an awm nual dan atang
hian,an rindan chu a chiang tawkin an hria a ni.
Kum 1987,Oct 10-ah khan, Nessie hmuhchhuah
tuma beihpui lian ber,"Deep-sea Operation" an nei
a.Mithiam te chuan tui chhunga thil thlirna, Sonar
khawl, USA siam tha ber2 an hmang a.Chutiang
khawl tha an hman takah chuan darkar khat
chhungin metre 230(feet 700)-a thukah thil
hlauhawm lian tak an hmuchhuak ta a.Mahse eng
thil chiah nge hriatchian theih a la ni chuang loh a
ni.
Engpawhnise, Scotland tlang ram dilah hian rannung
dangdai tak a awm ngei tih chu a chiang phawt mai
a.Kum 1933 atang khan mi sangli aia tamin mit
ngeia hmuin an insawi tlat a.Finfiah a nih hma
chuan'THILMAK' a ni reng mai dawn anih hi.