FACEBOOK SOCIAL NETWORK VANGIN NUNNA LA

Zofate'n Social network kan hmelhriat tirhte Frenzo hunlai atang tawha lo uarve em em thin Remkunga chuan Facebook chu nuam ati hle mai a,nupui fanau aneih hnu thleng pawhin ahrat berte zinga mi ala ni fan a,hunawl aneih hlek tawh chuan a fb deuh reng mai thin a ni.Hetiang taka ahrat avang

hian chanchinthar leh thil tam tak ahriat phah hle
a.Mahse,hengte hi anuam tihchhan takte anni
angem?
Social networking hi athalo zawng a hman chuan
thil pawi tak athleng thei a ni.Remkunga pawhin
karloah hmelhriat leh thiantha tak tak a chharthar
teuh mai a,chung zinga nula fel leh kawm nuam
zet mai nen chuan an inbe nasa thin bik hle a,chu
nula chu Zonuni a ni a,Aizawl-a private damdawiin
pakhatah nurse hna thawkin akhawsa ve mek a ni.
Hun leh ni te aherliam zel a,Remkunga leh Zonuni
pawh anla inbe reng a,ahma ai chuan an inngaina
tawn tawh hle a ni.Thian tha tak anga inkawm thin
kha tunah chuan an inkarah hmangaihna apiang tan
mek a,Facebook mai duh tawk lovin phone call leh
sms hmangte in an inbe char char reng tawh a ni.
Remkunga nupui Mathangi pawh chuan thil a
hrethiam thuai a,an nupa pawh an inkhak phah ta
zauh zauh a.Mahse,Rema chuan,"Engahmah ka
ngai hleinem,online ti nuamtu atan mai mai alawm
ka tih...i â em mai!ka hmangaih berte chu ka nei
mai che alawm..in nufa hian ka tan intawk reng
asin! tiin tawngkam mawi tak hmangin anupui chu
ahmin thei rih zel a,tichuan,Zonuni pawh chu ala
be zuita zel a.
Kum pui avei meuh chuan Zonuni chuan
Remkunga chu tlangval fel leh hawihhawm tak ni a
ngaiin a hmangaih hman hle tawh mai a,atello
chuan darkar reilote pawh hrehawm ati hman em
em zel tawh mai a.
Remkunga erawh mipa lerru ngang a ni a,chutiang
takin Zonuni chu aveive hran lova,a hmangaih ve
bawk heklo a,tisa chakna hmanpui beisei avanga
ngaizawng der pawh a nilova,a Fb ti nuamtu atan
chauha ti lek fang a ni a,chu chu Zonuni chuan hre
ngat sela chuan Chatuan atan a kalsan duh awm si
a.
Remkunga chuan mi rilru atinâ anga,an hmalam
hun thlengin atihchhiat sak mai ang tih hlauhna
reng reng a neilo,an chan tur adâwn sak lova,amah
chauh a inngaihtuah a,mahni hmasial tak a ni
a.Zonuni'n a hmangaihnate chu a intithei hle
a,vannei pawh a inti rilru hle a ni.
Mahse,Zonuni chuan an inkar chu angai thutak
thung hle a,a thinlung zawng zawng apek tawh si
avanga chuan Remkunga chanchin pawh ahre
theita hle mai a,nupui a neih leh neihloh chu
Remkunga chu a zawt ta zauh zauh a,"Ka neilo" ti
a chhanna pawh chu a ringhlel tan tawh a ni.
Khaw hrang a awm annih avangin a chanchin dik
tak chu Remkunga chuan ala thup thei rih a.Thudik
lan hun erawh ala awm dawn tho tho tih chu a hria
a.Mahse,thudik hrilhse inthen mai angai dawn si
a,chuti mai a Zonuni chu chân aphal bawk silo a,a
rilru chu a nuamlo tan ta viau mai a.Thudik hrilh
chu angam mai tawh bawk silova.Buaina lo thleng
tur ang ang chu hmachhawn turin a inpuahchahta
zawk a ni.
Zan dar 11:17 a ni a,Remkunga chu anupui leh
afanu bulah chuan a mu hnar sûk sûk tawh a,a
hma ni lawka Zonuni nen an inhauh chiam avangin
Online pawh a phurlo a ni.Chutih laitak chuan
amutna sira aphone dah chu a ri ral ral a,chu
chuan Remkunga chu atiharh a,phone chu ahan en
a,Zonuni phone alo ni a,rang taka thovin Bathroom
lamah aluh puita daih a.
Bathroom ah chuan an inber sar sar reng a,reife an
inbiak hnu chuan a awki chu a sang sawt hle
a."Thudik vek a ni.." atih ri chu chiang takin ahriat
theih a,a hnu lawkah chuan ngaihdam dil niawm
takin,"Min ngaidam rawh" atih mawlh mawlh ri
pawh chu fiahlo ruaiin a hriat leh theih a.Chumi
hnu lawkah chuan Zonuni chuan phone chu adahta
a ni ngei ang! Remkunga
chuan,"Zonun..hallo,hallo" ati leh a,a hnu lawkah
chuan Bathroom atanga lo chhuakin an room lam
chu apanta hnu hnu a.
Zing khawvar dawnah chuan Remkunga chu a
muhil leh thei chauh a,dar 6 pelh daih tawhah
chuan aharh ve chauh a,a phone la in a fb account
ah chuan a han lut nghal a.Message pakhat lo
awm va chu ahawng a,arin ang ngeiin Zonuni
message alo ni a.Mahse,a beisei ang a hmu em?
Zonuni'n ama thlalak alo thawnna a ni a,a chungah
chuan, "Ka hmangaih berin min bumta si a,ka tan
damve rengin awmzia a neilo a ni,..heihi ka thlalak
hnuhnung ber a ni a,hemi i hmuh hunah chuan kei
chu nangmah nghakin Famkhawpui kawngkharah
ka ding reng tawh dawn a ni,ka lo nghak reng ang
che.

Kumtluang atan Mangtha" tih alo ni a.Remkunga chu ngaihthalo takin a out a,Zonuni chu a call nghal a,mahse tumahin anlo chhang mai silova,a mangang hman hle a.Nakinah chuan hmeichhia in a rawn chhangta a.Tunge a nihte ain sawi takah chuan phone lo pikup tu chu Zonuni an ilo tih a hriat theih a.Chumi hnu chuan ngawi rengin phone chu angaithlata vang vang a,a khat tawkin athaw leh halh halh thin a,nakinah chuan chuai deuh raihin,"Awle" ati a,phone chu adahta a.

Tukin dar 5:00 velah chuanZonuni chu a khumah thi a hmuh a ni a,Postmortemah chuan Drug overdose a ni.Nula fel tak mai OD-a athi mai chu mi zawng zawng mak tih a hlawh a ni.A chhan diktak chu mi pakhat chauhin a hre zui ta reng a ni.