Hnawhchizuar tapthawm

A hming sawi ila,in hre dawn lutuk! Kohhran leh khawtlanga a nihna leh dinhmun sawi ila, thenkhat chuan in chhui dawn thiam mai ang. Min hrethiam ula,a zahawmna neih ve chhun tlemte humhim nan ka sawi lo phawt mai ange.


Thingtlangkhaw chengker leh pilril ve taka thirsakawr awmchhun an sawi ang mai in an khaw tlangval zawng zawng a chungah an chuang kim deuh vek tawh ange an ti fiamthu teh fo a,
ka hriat chian ve hma kha chuan fiamthu in an sawi uar mai mai emaw ka ti thin. Mahse an kohhran buatsaih camping-a a rawn luh laia kan inkawm na atang chauh in ani he thu mak, rapthlak leh ropui tak si hi ka hriat chian ve tak ni... Chutia mahni bial chhung kohhran in camping meuh an han buatsaih takah chuan tiin riak lut
meuh in ka awm chilh ve chawt a,he nu pawh hi tha takin a rawn lut ve a.

Mahse chhuah dawn zana speaker in inhlanna hun a siam ah chuan a inhlan ve thei ta tlat lo mai a,councellor te riah
khawm naah chuan inkawm fal turin ka chhuk pui ta ngawt a. A han in ep rih ren rawn naa,a nun a beidawnna
beidawnthlak lutuk chuan a chanchin zawng zawng chu a inpuan tir ta kelh a.
.
.
.
.
.
Ka pahrawn hian kum 12 ka nih in min pawngsual a,tun thleng hian ka khaw loh phah ta anih hi. Pawngsual ka nih duh loh entir nana ti ni awm fahran in MHIP te chuan ka chhungte nena min
hrilh hre hmasa lovin kawngzawh an lo huaihawt mup mup mai hi alo ni a.....Ka thlavang an hauh na kha chu lawm awm ka ti;ka lawm lutuk! Mahse
ka thlavang an hauh dan khan tun thlengin min ti chhe ta ka ti lo thei lo.
Kawngzawh an tam poh leh ka vanduaina hre tu leh sawi darh tu tur an tam a,an au rin poh leh ka mualpho na a thangkhawk nasa mai ani ta!!!
Khawilai hmun pawh ka tan chuan zahna kawn an chang zo a,tahna leh mualphona tlang chu ka khawvel thar an ni ta! Min en hrek hrek na leh ka
lam hawi paha an in bekbawr ser ser na te avang chuan inkhawm leh school kal chu a ngama ngam rual ani ta lo!


Ka han tleirawl chhuak ve a,mite anga ngaihzawng ka han neih ve pawh in ka vanduaina avang khan min zuam bik em em a......... (A hrawk a hnawhtu awm avang chuan a han ngawi vang vang a....)Ka pahrawn kha ka haw thar leh ngawih ngawih thin a,ka nu pawh kha ka dem;a thiamloh chu engemaw chen a awm in ka hre ve tlat! Sapial tlata tla mai mai turin em ni van laia tla ang maiaka vanduai bik tiin ka inngaihtuah leh vawng vawng thin.Hmeichhe a, vanduaina mualphothlak tak avanga inthlahrung leh tri dek reng,mi hmai eng hmu ngam mang lo khawp pawh bum duh tawk an lo awm lehzel a,nula awmherh tiin kan khuaah chuan ka thangtlawm ta hle mai a. Ka zak lutuk
leh beidawng chuan Aizawl lamah chhuk ve phawt mai ila a ziaawm ve deuh mahna tiin ka thuamhnaw neih ve chhun; Rambo polythene fun khat lek nen chuan ka chhuak ve ta rawih a.
Awmpui duh te ka han zawng ve lauh lauh a,mahse ka vanduaina bulthum hre si lo khan ka chanchin mawilo lai bawk an lo hre ru leh thina,ka hnawng
leh nge nge zel thin. Beidawnna khur a thuk telh telh a,chhia leh tha hriatna in duhlo eng ang mahse ka nunna chelh ding ve hram hram tur chuan thawh tur neilo na na na chuan ka tak......ka
taksa hmanga ei ka zawn mai alo tul ta hial a!!!!
.
.
.
.
(A mittui chu a rawn luang chhuak ngiai ngiai a,a tah chhuak insum chu a inpet fan fan a).
.
.
Mihring hi duh loh lamah pawh a lo kal trauh trauh theih khawp mai! Ka nun beidawng lutuk chuan ruihtheihthil lam pawh pawisak loh na min pe tam
tial tial a,ka chahthlak lai chu ka ruih buai loh lai ber a ni thawthang ta... Nun beidawn vanga intihhlum ka tum ngun tawh zia te hi tuman min hriatpui mawlh lo asin!!! Ka rilru ah tak phei chuan he camping ah hian thlamuanna leh hahdamna ka hmu lo anih chuan tur in a ka nunna chhah mai ka lo tum tawh asin!” Hnuk ulh treuh chungin ka lo ngaithla a,“Ka tawngtai sak ang che aw?”, ka tih chuan a lu a bu nghat nghat a. Hemi tum ai baka Pathian hnaih a ka tawngtai hi ka la hre ngai lo.Tap zawih zawih in kan tawngtai dun a,”I inhlan thei tawh angem?”, ka
tih chuan,“Aw”, a ti tham triak a.
Biakin chhungah chuan an lo tawngtai mur mur a,kei chu thutthleng tlar hnung ber bulah chuan ka ding a,ka han hawi kual vel a. Speaker in sawmna a han siam leh chuan a ding chhuak a, inthlahrun hmel taka kun ngaih chung chuan lamtualah chuan
a va thingthi ta a. Keyboard chu nem takin a rawn ri riai riai a,ka lo phun rem sep sep a. “Enna nunnem,thimin ka vel a bawm, Mi kai ang che. Zan a ni e,in hlatin ka lo awm, Mi kai ang che.
Ka ke veng la,thlir hlat ka dil lo ve,
Tlemte a tawk - pen khat pawh ni mahse.” A biangah chuan mittui a lo luang thla ngiai ngiai a,keipawh engtik lai khan nge ka mittui hian ka khabe a thlen ka hre bik lo. A hmui phun sep sep chuan a Pathian a ko tih ka hre thei mai a.. Hei pawh hi chiang takin ka hria -
“VAN AMI KHIAN HE NAWHCHIZUAR TAP THAWM HI A NGAITHLA RENG A NI.” tih hi.