Hotel LEH thliarkar tihbaiawm thenkhat!!!!

Ancient Ram Inn:
He khualbuk hi Gloucestershire, England a awm ani
a, 1145 kuma sak daih tawh kha a ni nghe nghe.
He a building an sakna hmun hi kum 5,000 kalta a
Pagans ho thlanmual hlui a ni a, a building pawh hi
a lai takah hian ngil taka daidan a ni nghe nghe a,
hei hi thlarau biakna hmanrua tura duan anih vang
niin mi tamtak chuan an ngai.
Tin, he building hi a satute hi hriat chian an ni tawh
lova, an sak tirh hian nausen hmanga inthawina te,
ramhuai biakna leh a kaihhnawih thil tihna atana
hman niin sawi a ni bawk.
He hmuna mikhual thleng tamtak chu zanlai vela
tukverh parda phena thla kal zul zul an
hmuh thin te, an ke leh ban vela pawttu awm ang
mai a an hriat thin vangte, an beng bula te (scream)
ri an hriat thin vang te leh an mutna bula mi lo
dinga lo thlir rengtu awm tlata an hriat vangte hian
hlau thlabarin an room atangin an tlanchhuak fo
reng a ni.
Tuna a enkawl mek tu John-a pawh hian alo tawng
ve nual tawh a, a zanriah hmasak ber
(1968 kum) chuan a banah hmuhtheih si loh hian a
room atangin a pawt chhuak nawlh mai. A hruai
zela staircase hnuaia naupang ruhro pahnih leh
chemte hlui tawh tak awmna ah a hruai a, chumi
hnuah ah thisena inthawina hmun leh evidences
awmna roomah a hruai lut leh a ni tiin a sawi thin.
He hmun hi England mai pawh ni lovin Khawvela
hmun hrang nasa berah mi tamtak chuan an ngai
hial a, Paranormal investigator te leh Ghost Hunter
ho pawn an tlawh ngun khawp mai.
Fort George (The Citadel):
He Star shape fort, Nova Scotia, Canada ami hi kum
300 laia upa a ni a. kum 1749 a sak kha a ni a,
tichuan kum 1856 khan sak that leh a ni. He hmuna
an hmuh ngun ber chu sipai pakhat uniform nen
inthuam thlap mai tanin (prison) hluia room pakhata
a lut lai hi a ni a, mahse an va kal hnaih chuan
boruakah a ral riai riai zel niin an sawi.
Hemi bakah hian putar leh pitar nih hmel tak tak te
leh pa pakhat coat sen ha te an hmu thin a, an
landan atang ringawt pawn mihring nungdam
pangngai an nilo tih a hriat ngawih ngawih a ni.
Heng zawng aia miten an rap leh tih ber, hmuh an
hlau ber chu nu upa lam tawh darthlalang(mirror) a
inen laia an hnung lama lo lang ve thut thin chu a
ni. Tin, gosh hunter group pakhat ten investigation
an neih laiin hmeichhe naupang pakhat hian a zui zel
niin an sawi bawk a. Mahse va hnaih tum chuan a
bo leh daih thin. Tin, mak deuh mai nia an report
leh pakhat chu a chhan awm lova hlauh thutna an
nei ziah te, room inkhar phui tlat chunga thli lo thaw
leh huk thin te leh room kawngka in kik thawm te,
furniture an dahna lo insawn ringawt thin te hi a ni
mak ti a an repot thin chu.
Banff Spring Hotel
He hotel pawh hi Alberta, Canada a awm a ni a,
kum 125 kalta a
Canadian Pacific Railway in khualzin te chawlhna
hmun leh intihhlimna tura a sak a ni.
He hmuna tihbaiawm tak mai mi tam takin hmu nia
an in report thin chu hmeichhia, mo thuama inthuam
magang taka room 873 atanga a thuamhnaw kang
(mei a kang, ‘burn’) chunga rawn tlanchhuak a step
a tlu
palha lum thla a, a tawpa a ringruh sawh tliak a sir
zawnga thle bui thin an hmuh thin chu a ni.
Ballroom ah pawh he nu hi a pawnfen alh
hluah2 chunga a lam lai an hmu fo bawk. Tin, he
nu bakah hian he hotela tirhkah (bellman) Sam
Macauley a thla pawh hi an hmu thin a, 1960’s vela
a inthuam dana inthuam chungin mikhual lo thleng
thar te chu an room tura an chhoh dawnin an hma
ah a kal thin a. Light te on in an room tur chu
chahbi a hawn tum niawm tak hian a awm thin a,
mahse biak han tum chiah hian a bo daih zel a ni
an ti.
He Hotel building hi pawn lam atanga en chuan
mawi leh nalh tak mai, fai nalh em em
leh thlen chakawm hliah hliah a mawi a ni a, mahse
he a pawnlam mawina hi inbum tir suh, a chhung hi
khawvela hotel hrang nasa ber pawla mi sawi a ni
si a.
Poveglia Island
He thliarkar te takte hi Venice Lagoon (Venice leh
Lido inkar), Italy a awm
a ni a, kan hre tawh mai thei. Top Ten Most
Haunted Island countdown ah pawh khan pakhatna
a hauh a nih kha. AD 421 lai daih atang tawh khan
mihring an cheng tawh thin a, mahse 14th Century
atang khan tumah cheng ngam tawh lovin an
rauhsan ta vek a, Bubonic Plague an tih hripui lenlai
khan a vei te dahkhawm nan Italy sokar khan a
hmang zui ta kha a ni.
Tin, 1630 a Black Death an tih mai hripui bawkin
Venice a tuam lai khan he Island ah hian mi sang
tam tak thi turin an thawn lut bawk a ni. A hnu
1800’s vel khan rilru buai ho enkawl nan an hmang
leh a, hetah hian an doctor pakhat chu a nunrawng
em em a. Rilru buai ho chu kut te a thlak chiam a,
a then a that a, a chan darh a, an sa te a ei thin!
Mahse a hnuah amah chu a buai ve ta a, bell tower
ah lawnin a zuangthla ve ta a ni; he bell tower hi tun
thleng hian hmuh theihin a la ding reng bawk.
Tunah chuan he thliarkar hi tuma tlawh theih lova
khar a ni tawh a, sanghamantu te pawh
he thliarkar hnaihah hi chuan an kal duh reng reng
lo. He thliarkara kal tawh te chuan a leilung an rah
rual hian thlarau bawlhhlawh in a rawn pan nghal a,
an mahni khan feel thei a ni an ti deuh zel a,
hlauhna mak tak te leh
engemaw mawlh tu awm tlata hriatna an nei thin.
Tin, heng natna avanga mi tam tak thi an phum tak
te thlarau khan an lo au thin a, te (scream) ri
tihbaiawm tak tak te, thildum-
hlimthla ang mai lo thlawk leh fua thin te an hmuin
an hre fo bawk. Chu aia hlauhawm leh pawi thin chu
heng thlarau vakvaite hian a chang chuan ava
tlawhtu te kaw chhungah hian an lo luh chilh thin a
ni. Hman deuh ah pawh khan Ghost Adventure a an
hotupa Zak Bagans pawh he thliarkara investigation
an neih lai
hian hetiang thlarau hian a luh khung a, an buai
phah viau a nih kha.
Island of the Dolls
Xochimilcho, Mexico rama awm thliarkar pawh hi a
rapawm khawp mai!
Lake Teshuilo dil liantak a innghat a ni a. Kum
1920’s vel khan hmeichhe naupang pathum chu he
hmunah hian an infiam a, vanduaithlak takin an
zinga pakhat chu a dil
kam lam kurung ang deuh ah chuan a tlahlum ta
hlauh mai a. Heta tang hian mi tam takin
he hmeichhe naupang thla hi an hmu ta fo mai a, a
hnu phei chuan tumah zanah phei chuan he thliarkar
leh a bulhnaia kal ngam reng an awm ta lo.
Mi pakhat- at huai deuh a ni ber ang chu- Julian
Santan an tih chuan hetia miin a hrang an tih pawh
hi pawisa lovin 1950 vel khan he thliarkar ah hian
cheng turin a lut rip mai le!
Hepa hian a hnua a sawi danin he thliarkara a luh
veleh hian hmeichhe naupang pakhat hian a rawn
biak thu a sawi a, a thih dan te a hrih a, tin he
thliarkarah hian a thlarau hi a tang (trapped) tlat a ni
tiin a sawi bawk. Tichuan Julian chuan naupang
thlarau tih lawm nan chuan thlai hmun te a siam a,
a hralhna chuan nautelem (dolls)hlui te a leikhawm
sak thin a,
thingkung ah te chuan a khai fer fur mai a ni.
Mahse a hnu chuan Julian chuan a tupa (nephew)
hnenah chuan chu hmeichhe naupang chu tihlawm a
har telh telh thu a sawi a. Tin, amah zawm turin a
thihna zawn dilah chuan kal turin a turlui ziah thin
niin a sawi bawk. Hetia a tupa hnena Julian an a
sawi tuk hian a tupa ngaihthalo chuan a zuk tlawh-a
he thliarkarah hian. Mahse a pu chu a hmu ta tlat
lo!! A zawn fe hnuah chuan a pu chu a hmu ta….!!!
Hmeichhe naupang thihna lai tak dilah chuan a pu
chu a hmai phum zawng (bawkkhup zawng) a thi a
lo lang pup pup in a zuk hmu ta a nih chu!!!
Tun thleng hian he hmun tlawhtute hian heng
nautelem thinga inkhai ho hian an kal lai hi an enzui
ve kur zel niin an sawi thin a. Tin zanah phei chuan
heng nautelem ho hi inhrilhru ang mai hian an phun
ri sur sur zel an tih tlat chu!
Chateau de Brissac
He castle ve thung hi chu Maine-et-Loire,France
rama awm a ni a, 11th century lai vel daih tawha
Counts of Anjou sak kha a ni. Mahse kum 1502
khan Charles II, Duke of Brissac khan a sa tha a ni.
He hmun hian a tlawhtu te hi thlabar leh hlau namen
lovin a siam ngun hle.
A history an chhuina ah chuan 15th century lai vel
khan tualthahna rapthlak tak Brissac
chhungkaw chungah vawihnih lai a thleng. Hei hian
he hmuna thlarau sual hmingthang tak “Ia Dame
Verte (the green lady)” an tih chu a hring chhuak ta
a ni. He Green Lady an tih hian a hmun tlawhtu
thenkhatte chu nasa takin a tihthaih thin a, Chapel
room an tih lai velah hian hmuh a ni ber thin. He nu
hmel hi a rapawm hle niin an sawia, a mit leh a
hnar awmna tur hi a kawrawng vek niin a hmutu te
hian an sawi a ni. Tin, zanlaiah a tap thawm hi he
chapel room ah hian an hre fo bawk.