I LO HRE VE TAWH EM?(hriat zau nan)

1. Khawvel huap a Musician lar, classical/piano/violin tuipuite phei chuan hre lo kan awm kher lo ang tih theih khawp a mi turu Mozart kha kum 5 mi lek anih laiin ama irawm chhuak liau² Music a phuah daih tawh.

2. 1863 khan mipa naupang kum 11 mi lek sual tawrawt zet mai Santiago Ramony Cajal (1852-1934) chu ama siam chawp laipui (cannon) hmangin khawpui pakhat main gate a kah chhiat avangin man ani a, mahse a lo puitlin meuh chuan a thiamna chuan avawrhsang khawp mai. 1906 khan scientist ropui tak niin Nobel Prize a dawng daih tawh. Amah hi kan hriat theihna tur awlsam ber chu T.B natna hmuchhuaktu ani a, a thil hmuchhuah zawng zawng sawisen vek ani love. Hman a naupang sual pawikhawih nuam ti mi kha ani ve tho.

3. Halpuah hi Chinese ho in ramhuai/thlarau sual hnawh bo na atana an siam chhuah zu han ni teh daih a!

4. Lei hipna awm lohna hmun vansang(thengreng) ah khian muthilh lai a hnar hi thil theih miah loh (impossible) ani tlat mai. Hnar thin ho tan chuan harsatna eng² emaw chu a awm duh hmel!

5. Ancient Egypt hun lai khan Pharaohs te chauh kha pa (mushrooms) ei phalna nei an ni. Midang zawngin an ei ngai lo nge phei chu kei mimawl hian ka hre law, A tui lutuk vang a pharoah te chauh in ei thei an nih leh nih loh pawh ka hre lo.

6. Hmanlai English mite thil chin dan kha amak ve awm khawp mai, in nei an awm reng²in an in kutsuih zawh chiah hian mipui lam in an pheikhawk bun laiin nupa tuak tharte chu an vawm thin. (A chhan leh avang ka hre bik lo, min zawt su :-P )

7. Ruahsur laiin Mupui (eagles) te hian ei tur (thilnung dang) an man thei miah lo.

8. Rul (snakes) te hian Malaria zu han vei thei teh tlat a mawle! Rul khawsik tlun lai vel ka hmu chhin chak . :-D

9. Jellyfish taksa 95% aia tam mah hi tui (water) ani.

10. Camel te hi an tuihal tak² chuan minute 13 chhung lek pawhin tui 135litres a in zo nghal vek thei.

11. Carrot hi eitam lutuk chuan vun hi serthlum rawngah a chantir daih thei.

12. Sea star (sangha chikhat arsi ang deuh) te hian thluak zu han nei miah lo a mawle. (in² an duh hmel :-P)

13. Tower sang leh hmingthang turu lutuk Eiffel Tower, Paris ami khu rawng hnawih chhuak vek tur chu rawng (colour) 60 tonnes a ngai nia mawle.

14. Kum sang chuang fe kalta a sak, Rom khawpui tilar tu leh ennawm chhuahna hmun hmingthang lutuk Colosseum ah khuan en nawm an chhuah lai khan mi 50,000 (singnga) zet mai zu han leng a mawle! A hunlai ngaihtuah khan hmingthang lo chi hi a lo ni lo reng², a lo lian hem hem em ani. Lammual hi chu a chhungkhung hneh sawh kurung karang viau ang.

15. American mipuite khuan chawrual in mipakhat hian kum khat chhungin Banhla (banana) hi 10.5kg an zel ei ang an ni. (an hmeichhe ho vang khuan % asan phah ani lo maw? Hmanna tur apui hi an hriat hmel riau..kiri kiri)

16. Scottish dan (law) pakhatah chuan mi tupawh thil tisual a puh anih a man anih chuan ni 110 chhung enchhin/enthlak an ni thin a, chumi chhung chuan ramchhungah thil sual ti an awm miah loh chuan chhuah zalen theih an ni.

17. U.S.A a khawpui pakhat City of Lincoln ah chuan vawk(pig) hi tuihawk/tui tling a chen phal ani lo a, chutiang a tuihawk vel a cheng vawk an awm phawt chuan a neitute ramchhung pawh ni eng ang mahse man hmak hmak ani mai.

18. Australia a Northern Territory velah khuan foxes(bak chikhat) chu thlawk ve tur in phalna a lak hmasak angai. (bak in phalna va lak thu awm suh, eng dan nge mawni)

19. Valetine Card siam chhuah hmasak ber chu 1840s vel atang khan hralh tan ani.

20. The Dutch East India Company hi history lam tuimi kan ni emaw ni lo emaw kan hre fur awm e. Khawvel a Corporation hmasa ber ani tih kan thai lang ve mai mai ange.

21. Khawvel a thlawhtheihna thlawk tak tak thei siam chhuah hmasak ber chu seconds 12 chhung a thlawk!

22. Peanuts (badam) hi Lunghlu (diamonds) ah a insiam/chang (made) thei. (in badam kha en zeuh zeuh ru :-P )

23. Bawng te hi ding chung pawhin duhtawkin an muhil bawrh bawrh thei a, mumang nei tur erawh chuan bawkkhup a an muthilh kher angai.

24. Polar bear (vur ram savawm) te hian vur khal hnuai tui feet 3 a thuk chhung a awm seal(tui a cheng chi ve tho kha) te rim hi zu han hre thei a. (i vawih rim phei chu a hre rang teh ang chu)

25. Pack rat (sazu chikhat) te hian bu chhep nan thil hriat/hmuh theihna (e.g radio,tape recorder,phone,t.v tereuhte) ang chi hi an hmang thin a. Tichuan an bu chhehna atan an duh chu an ru hmak hmak a, mahse mak ve deuh mai chu an thilruk duhte reng reng hi thildang nen an thlakthleng (replace) thlap zel, Sazu maktak an ni e.

26. Dan tlangpuiin mipate hian thumal words 7,000 vel sawi thin ang kan ni a, hmeichhiate hian nikhatah thumal words 15,000 vel an hmang thin. Zet zawt hlawm mai. (Mizo hmeichhiaah phei chuan hei ai hian atam mai thei, mihlim mi rel hrat kan ngah dan em em ah hian!)

Duhtawk tawh mai ang, mi te hi an taima ngawt mai, hetiang lek ziakchhuak tur pawh hian site hrang² a en lawr dun² te angai a, ka taimakna in a tlin tawh lo e. Ka lawm em² e.