THLAHRÂNG VÂKVÀI!(Wandering Ghost!)* Chhantea Pautu *¤Pûk pakhat, tihbaiawm leh nèlawm loh zet chanchin ka sawi pahin, he Pûk chanchin ngaihnawm tak ka ziah mêk láia ka hmuh fo thlarau pakhat chanchin karawn sawi tel dawn a ni!.
He thlarau hi ka hmuh hmasak berna chu Tuikuala kan Inluahah a ni a; chumi hnuah ka khawilo kalna leh chhuahvahna hmunah ka hmu ta zeuh zeuh reng a. A tawng ngai lova, a châng phei chuan thi tawh a ni tih a inhre lo a ang zawk hial thin; hmeichhe hmeltha tak a ni nghe nghe!.
A Intanna Chu--- 14 June, 2017(Nilai) zàn rei tawh tak a ni a..Ka naute chu an mu reh thiap tawh a, kei chuan Japan rama ngaw chhah zet, Aokigahara ngaw hnuaia Akimitsu leh a thiante thil tawn mak danglamtak chanchin chu ka tuichilh èm avangin sana en nachang pawh hre lovin ka Computer hmaah ka thu a, ka bih ngar ngar mai; chutih lâi tak chuan ka hnunglamah thil engemaw a tla ri rawk a, ka phu chiang hle nghe nghe!.
Phu chiang hle mah ila hlauhna ka nei zui lem lo va, sana ka han en a, zàn 12:07am a lo ni reng tawh mai!Ka nau pakhat, ka nu laizâwn fanu upa ber Hriati, Class-XI zirlai chu a rawn tho a, Bath-room-ah a va zung ri sur sur a; a zung zo chu a mu leh mai a, a muhil zui leh mai bawk..Kei pawh chuan Computer Keyboard chu ka khâp zuileh mawlh mawlh a.
Hetia phu chiang hle chunga ka hlauh zui lem loh chhan hi ka chanchin ziah laia ka rilru ka sawrbing lutuk vang a nih bâkah, kan In luah hi sazu tualchaina hmun lùn tak a nih vang a ni pakhat. Heti ang thawm hi chu zan dangah pawh ka hre fo tawh reng reng a..Ka naute hi lehkhazir vek an ni a, kan In luahah hian kan vaiin mi 4 kan cheng a ni.
He tih hun lai vel hian Tuikualah mitthi an awm ngun hle mai a Information atanga mitthi an awm thu an puang thin chu ngaiah ka nei hial tawh a ni..Computer chu ka bih leh ngar ngar tawh a, thu chu ka chhu mawlh mawlh a, sawi tawh angin he Pûk huaisar tak chanchin ka ziah hi ka tuichilh em avangin mutchhûak pawh ka hre chang lo!
Chutih lai chuan kan hnung lam, a hmâa thawm rawn riknaah bawk chuan thawm a rawn awm leh a; sazu bawk a nih ka rin avangin ka ngaihsak lem chuang lo. Mahsethawm chu a khât tâwkin a awm ta reng mai a, a hnuphei chuan sazu chetla thawm pawh a ang tawh lo hialin ka hria!.
Khua chu vawt thar ta riau hian ka han hria a, ngaihthat lohna emaw, hlaua tim rûk er erna emaw chu ka la nei hran chuang lo. Ka thu chhut laklawh lai chu ka han chawlhsan a; ka hnunglam, thawm awmna pindan lam chu ka han en phei ta a....Kan In luah hi kawng àna awm, Assam-type Building, Tenis Court atanga Dinthar kawn panthlâkna kawng àna awm a ni a, In hlui lam pang a ni tawh nghe nghe.
Mi 4 lek kan nih avangin kan luah seng mang lova, Pindan pakhat chu luah mang lovin kan dah a; mahse darthlalang lian a awm avangin kan lûtchhùak fo tho. Chu Pindanah chuan a ni thawm chu lo awm..
Ka han en chuan chu Pindan kawngkaa kan Parda zar chu a lêng delh delh a; thawm ri hraih hraih a awm leh thin, sazu chu a nih hmel ta hlek lohin ka hria! Ka thil chhut chu ka han save te te a, Computer shutdown lem lovin Pindan lam enfiah tum chuan kathuthmun chu ka thawhsan ta a....
Pindan chhungah chuan ka va lût a; ka thil va hmuh avang chuan vawikhat ka rak thawt a, ka tirilah chuan mi tham er er mai bawk! Hmeichhe pakhat, kahmuh fo, ka biak ngai lem loh hian ngun em em hian min lo en reng a; a mit a khap eih lova, a dâng béi a, a thawmhnaw hâk pawh a lang chul rep a, a sam a thlah a, a thawmhnawin a khuh bâk a tisa lang ang ang chu a dâng var pap a!
Chutia mit khap hlek lova min en lai chuan chet reng reng ka che thei lo; mi aikaih a niawm e! Ka ding khawng lah a, kei pawh chuan amah chu ka en reng ve ta ringawt a!.Chu hmeichhia chu ka mi hriatchian a ni, a hming pawh ka hria, kan thenawm lawk ami a ni nghe nghe!
A tawng miah lova, min en reng ringawt mai a ni. A thih thu ka hre lova; mahse a dam lo tih chu ka hrechiang hle. Tun hnai karhnih kal ta phei kha chuan hmuh pawh ka hmu lo hrim hrim! A hming hre mah ila vawikhat mah ka la be lo va, ka la ko hek lo!.
Ka intipachang lui a, inthin harh pahin thlarau nge mitak tih rin ngaihna pawh ka hriat loh chu bìak ka han tum a. Ka aw chu a làwi rût a, a chhuak tha thei hlek lo lehnghal; mumal lo zet hian,"Mma...mma...mahming i lo kal a ni maw...?" ka han tithei hràm a.
Min chhang lo! A mit a la sawn a, ngawi rengin min kalpel a, kawngkapui inkalh a hawng ri rak a, a chhuak ta a ni ang! Ka va enzui a, pawnah ka va chhuak a, ka hmu zui ta lo!.Ka Computer chu ka han en a, a lo in-shutdown daih tawh!
Tinunga thuziah leh pawh tum tawh lovin ka mu zui a; muthilh chu har tak a ni. Ka ngaihtuah zui neuh neuh reng a; mak ti tak chungin! Chumi hnu darkar 3 vel a ralah, 03:00am ah chuan Tuikual Information a rawn ri a, Nl. Lalhmingliani boral thu chu an rawn puang a...!.
Hemi ni, 14 June hi ka Birthday a ni nghe nghe; zantirlamah ka thiante pahnihin Mombati min chhemhlum tirin Present min rawn pe a. Zanlai zanreia ka present dawn leh erawh a dangdai ta hle a ni!
He thlarau hi ka hmuh hmasak berna chu Tuikuala kan Inluahah a ni a; chumi hnuah ka khawilo kalna leh chhuahvahna hmunah ka hmu ta zeuh zeuh reng a. A tawng ngai lova, a châng phei chuan thi tawh a ni tih a inhre lo a ang zawk hial thin; hmeichhe hmeltha tak a ni nghe nghe!.
A Intanna Chu--- 14 June, 2017(Nilai) zàn rei tawh tak a ni a..Ka naute chu an mu reh thiap tawh a, kei chuan Japan rama ngaw chhah zet, Aokigahara ngaw hnuaia Akimitsu leh a thiante thil tawn mak danglamtak chanchin chu ka tuichilh èm avangin sana en nachang pawh hre lovin ka Computer hmaah ka thu a, ka bih ngar ngar mai; chutih lâi tak chuan ka hnunglamah thil engemaw a tla ri rawk a, ka phu chiang hle nghe nghe!.
Phu chiang hle mah ila hlauhna ka nei zui lem lo va, sana ka han en a, zàn 12:07am a lo ni reng tawh mai!Ka nau pakhat, ka nu laizâwn fanu upa ber Hriati, Class-XI zirlai chu a rawn tho a, Bath-room-ah a va zung ri sur sur a; a zung zo chu a mu leh mai a, a muhil zui leh mai bawk..Kei pawh chuan Computer Keyboard chu ka khâp zuileh mawlh mawlh a.
Hetia phu chiang hle chunga ka hlauh zui lem loh chhan hi ka chanchin ziah laia ka rilru ka sawrbing lutuk vang a nih bâkah, kan In luah hi sazu tualchaina hmun lùn tak a nih vang a ni pakhat. Heti ang thawm hi chu zan dangah pawh ka hre fo tawh reng reng a..Ka naute hi lehkhazir vek an ni a, kan In luahah hian kan vaiin mi 4 kan cheng a ni.
He tih hun lai vel hian Tuikualah mitthi an awm ngun hle mai a Information atanga mitthi an awm thu an puang thin chu ngaiah ka nei hial tawh a ni..Computer chu ka bih leh ngar ngar tawh a, thu chu ka chhu mawlh mawlh a, sawi tawh angin he Pûk huaisar tak chanchin ka ziah hi ka tuichilh em avangin mutchhûak pawh ka hre chang lo!
Chutih lai chuan kan hnung lam, a hmâa thawm rawn riknaah bawk chuan thawm a rawn awm leh a; sazu bawk a nih ka rin avangin ka ngaihsak lem chuang lo. Mahsethawm chu a khât tâwkin a awm ta reng mai a, a hnuphei chuan sazu chetla thawm pawh a ang tawh lo hialin ka hria!.
Khua chu vawt thar ta riau hian ka han hria a, ngaihthat lohna emaw, hlaua tim rûk er erna emaw chu ka la nei hran chuang lo. Ka thu chhut laklawh lai chu ka han chawlhsan a; ka hnunglam, thawm awmna pindan lam chu ka han en phei ta a....Kan In luah hi kawng àna awm, Assam-type Building, Tenis Court atanga Dinthar kawn panthlâkna kawng àna awm a ni a, In hlui lam pang a ni tawh nghe nghe.
Mi 4 lek kan nih avangin kan luah seng mang lova, Pindan pakhat chu luah mang lovin kan dah a; mahse darthlalang lian a awm avangin kan lûtchhùak fo tho. Chu Pindanah chuan a ni thawm chu lo awm..
Ka han en chuan chu Pindan kawngkaa kan Parda zar chu a lêng delh delh a; thawm ri hraih hraih a awm leh thin, sazu chu a nih hmel ta hlek lohin ka hria! Ka thil chhut chu ka han save te te a, Computer shutdown lem lovin Pindan lam enfiah tum chuan kathuthmun chu ka thawhsan ta a....
Pindan chhungah chuan ka va lût a; ka thil va hmuh avang chuan vawikhat ka rak thawt a, ka tirilah chuan mi tham er er mai bawk! Hmeichhe pakhat, kahmuh fo, ka biak ngai lem loh hian ngun em em hian min lo en reng a; a mit a khap eih lova, a dâng béi a, a thawmhnaw hâk pawh a lang chul rep a, a sam a thlah a, a thawmhnawin a khuh bâk a tisa lang ang ang chu a dâng var pap a!
Chutia mit khap hlek lova min en lai chuan chet reng reng ka che thei lo; mi aikaih a niawm e! Ka ding khawng lah a, kei pawh chuan amah chu ka en reng ve ta ringawt a!.Chu hmeichhia chu ka mi hriatchian a ni, a hming pawh ka hria, kan thenawm lawk ami a ni nghe nghe!
A tawng miah lova, min en reng ringawt mai a ni. A thih thu ka hre lova; mahse a dam lo tih chu ka hrechiang hle. Tun hnai karhnih kal ta phei kha chuan hmuh pawh ka hmu lo hrim hrim! A hming hre mah ila vawikhat mah ka la be lo va, ka la ko hek lo!.
Ka intipachang lui a, inthin harh pahin thlarau nge mitak tih rin ngaihna pawh ka hriat loh chu bìak ka han tum a. Ka aw chu a làwi rût a, a chhuak tha thei hlek lo lehnghal; mumal lo zet hian,"Mma...mma...mahming i lo kal a ni maw...?" ka han tithei hràm a.
Min chhang lo! A mit a la sawn a, ngawi rengin min kalpel a, kawngkapui inkalh a hawng ri rak a, a chhuak ta a ni ang! Ka va enzui a, pawnah ka va chhuak a, ka hmu zui ta lo!.Ka Computer chu ka han en a, a lo in-shutdown daih tawh!
Tinunga thuziah leh pawh tum tawh lovin ka mu zui a; muthilh chu har tak a ni. Ka ngaihtuah zui neuh neuh reng a; mak ti tak chungin! Chumi hnu darkar 3 vel a ralah, 03:00am ah chuan Tuikual Information a rawn ri a, Nl. Lalhmingliani boral thu chu an rawn puang a...!.
Hemi ni, 14 June hi ka Birthday a ni nghe nghe; zantirlamah ka thiante pahnihin Mombati min chhemhlum tirin Present min rawn pe a. Zanlai zanreia ka present dawn leh erawh a dangdai ta hle a ni!
On 09 september 2024, at 03:26, Anonymous commented on 
0 Comments
I ngaihdan han thawh ve teh le!