KA THIANNU THLARAU EMNI ANG????

Ka zàn mu chu dàn pangngai ang bawkin hun
ngaite ah chuan ka thangharh leh nge² a.Sana en
kher ngailo in zànlài dar 12:00 pèl hret a nileh
chiah tawh ngei ang ..!!
Ka han harh hlawl chu pangngài tè² in ka zun ,a lo
chhuak leh hle tawh mai a,tihdan dang ka la
hriatloh avang nge dàn pangngai ang thlap²
zèlin,tho chhuak lawk peihlo in ka la ìp lui leh
tang² phawt a.Rei erawh ka ìp thei lo!!
Pàwn ka han chhuak chu,khua chu a lo thiang èm²
mai a,engmah inbello a chhuak ka ni bawk a,
thlasik boruak chu duhthusam a vawt a ni ngat
mai !!
Kan In piah lawk a, Khawhar inriak tlangval ho
pawh chu an reh thap tawh hlawm a.An varanda
light èng bàwmtu rannung thlawk neuh² te chu
thilnung che ka va hmuhte chu anni mai a,thil che
zeuh dang reng² hmuh tur a awmlo hlè a,an kawt
a Silpauline zar chu,a khat tawka thliin a chhèm rìk
leh hluap² thin pah a,in zàp che dulh²chu a ni leh
mai a..!
Ka zung zo ka in her tur chuan mitthi In lam chu
ka va melh leh zawk a ni ang chu,YMA Thutthleng
chunga mi tu emaw? thu reng mai chu ka va hmu
a.
Mahse,tlangval muhil theilo,thu chhuak mai²te anih
ka ring mai a,engah lem mah ka ngailo a...!!
Mahse,engemaw thil ka hrechhuak ta thut mai a!!
Mitthi hi nimin mai a thi a ni a,ka thianpa nu a ni
nghe² a,a ruang pawh kan thianho in kan kíl ve
a.Ka damsam loh èm avangin ka riahpui ve thei ta
lo a ni.
Ka va thlèk nawn leh ngat chuan,Amah ngèi kha a
ni chiah mai le..!nimin mai a,a ruang kan kíl ka
thianpa Nu thawmhnaw hàk ang chiah² khan chu
mi chu a in thuam a ni.
A thut ngaiin a la thu reng a,chìang takin lang vek
theilo mahse,èng chhun chin chu ka hmu chiang
hle a ni.A hmèl tak va hmu chiang theilo mah
ila,min rawn thlìr ve reng niin ka hre tlat a,ka hlau
ta èm² mai a,kawngkà ka kàn lùt dawn chiah tih
phei chuan ka aù chhuak lo chauh a ni.
Hlauhna chuan min man tlat tawh a,midang pawh
hrilh hman tawhlo in ka mu leh nghal vat a,puanin
ka in lukhùp nghal ta tlat a,dik tak a soi chuan mi
ràp takzet a ni....!!
Hlauh tawh nàklai chuan,varanda a kan Àr dahho
chuan hmuh an nei a ni ngèi ang tihtur in an tik
rual dial² hlawm a,kan Uipa lah chuan enge maw
hi a ngùr chhùr² mai bawk a,a hnu lawk ah phei
chuan kan Uipa chu In chhungah rawn lùtin a
ngawita hlè² mai a.
Chutah le...!! Kan kawngkhar kalhna chu a tla ri leh
ta kauh mai a,min ti phu zawk hial a ni.Ka kalh
nghehloh ka hre silo!! Ka chian ngam tak² hma
chuan sitting room leh chokaah te chuan mi tu
emaw chu a vei tawn ta tul² mai a,mak tak maiin
kan Uipa lah chuan a bauh ngam dèr silo a...!
Reifè chutianga a veikual hnu chuan a reh ve ta
hlauh mai a,kan Uipa pawh chu a thawm atang
chuan,a che chàng ngam leh tawh tih ka hre thei
mai bawk a,ka thaw huai a,mahse,ka la hlau èm²
tho mai a ni. Min ràp èm a ni,kum 19 chhung a
minit 15 hun chhung rei,ka la tih ber tum a ni hial
awm e..!!