KA VA HAN NUI HNEM TEHRENG EM

Ka pi chu a hmài leh a taksa thenkhat lai vèlte chu
a pilh nasa in thisen pawh a chhuak tam hlè
a,amah lah chu biak theihloh in a awm reng bawk
si a.Kan mang a angin hmanhmawh takin Hospital
lam chu kan pan ta nghal chùk chùk a ni...!!
Hetia ka pi inhliamna chhan tak hi enge maw
kawng zawnga ngaìhtuah chuan a nuihzat thlak
letling hial thei awm e!!Mahse,khatia unconsious a
awm lai kha chuan nuih chu a za lèm vaklo a ni.
Ka pi chuan veng hrana awm ka nutei te chhung
chu tlawh tumin auto rickshaw a hmang a,rickshaw
pù chuan fiamthu deuhin ka pi hnenah chuan,"Ka
pi,ka nam deuh phùt tawh si a,ka accident pui
maithei che a nia." a tih chu hlauthawngin
rickshaw pawh tiding hman tawhlo in a tlan chaklai
chuan a zuang chhuak ta phut mai a nih chu...!!
Ka pi hi rickshaw hian a hma kum daih tawh ah
alo chìl tawh nghe nghe a,hei vang pakhat a hlau
thawng hma viau pawh a ni thei a.Mahse,kei
chuan zurui a rinloh theih zia kha hre karin a zuan
chhuah chhan chu tu hrilh leh hranpa ka ngailo..!
Ani tar chak tawh bawk silo chu,chutia engmah
ngaihtuahlo a a zuang chhuak thut chu kawng awih
lai tak lo niin kawng thlang thuifè chu a lum zui ta
a ni.A hmunah biak theihloh in a awm nghal a,ka
pi chu ka lainat hle a,chu rickshaw pù kher kher
chu han chutih sawk pawh ka nàp hle a.Mahse,ani
fiamthu mai mai te,ka pi in a lo la lungrun viau
tawh a,a thih phah thelh chu a ni si a,kei a tupa
lehzel in lo lak lungrun ve leh zèl chu ni lullo e,ka
ti a ka insùm ta hram hram zawk a ni.
Tichuan,ICU ward ah kan awm nghal a,kan thian
thar turte natna chi hrang hrang a na tak takte mi
paruk lai anlo awm bawk a ni.Hospital han thlen
chuan rilru pawh a zàngkhai ve deuh hlek a ni.
Ka pi chu karlo ah a rawn zia awm ve thuai a,han
en mai chuan nat hmel bùr bùr tak a ni,a lang chin
zawng chu an tuam vàr lùk mai a. Mahse,chutia a
lang chin bàk chu nà dang em em a lo neilo hlauh
a ni.
Ka pi mutna sir dinglam ah chuan putar kum 60
chunglam mah tawh tur nerve lam thatloh a vanga
taksa zeng che theilo hi a let ve ngàt bawk a,a
veilam sirah chuan Pitar upa ve tawh tak mai
Asthma avangin a mu ve reng bawk a,midang
pawh chu na tak tak vek anni a,a hahdam thlak
loh hle mai a ni.
Kan sir a pitartè chu zing lam dar 3:00 chho velah
hian a thawhah chu zùal ziahin oxygen pek a
longai ziah thin a lo ni a.A khawngaih thlak hle a
ni.
Chumi tukzing dar 3 vel ah pawh chuan a dàn
pangngai te in a thawhah chu a rawn zual leh hle
mai a,chutiang hunah chuan thàwm a rin duh bik
em avang chuan tumah reng reng kan muhil
tawhlo a,pitar chu kanthlir thap hlawm mai a ni..
Nurse duty pawh chuan hmanhmawh takin oxygen
pekna tur chu a buatsaih nghal zung zung
a.Mahse,tihsual palh a nei nge maw ni a,a vuah
fel chu a tút ri ta vak mai a,chuveleh nurse chu
hman hmawh takin,engmah sawi chuang bawk silo
chuan a tlàn chhuak leh nghal vut mai a...!!
Chutia nurse ber hmanhmawh taka a tlanchhuah
tak thut si ah chuan,keini midangho chu kan
phawklekin a hlauhawm a nih kan ring a,in saseng
tum chuan kan phu ve ta suau mai a leh!!
Kan sir chiah a mu putar zeng ber chu rang
mangkhengin a rawn in perh tho zawk
a,thawmhnaw pawh in bel hmanlo chuan a englo
thèn nawlh nawlh chuan a lím chhuak hmasa ta ber
a nih chu....!!
Pitartè thawhah ber pawh chu a awmpuitutlangval
chuan a pawm lawk a,hmanhmawh baklèng chuan
a tlan chhuan pui ve dàwr dàwr bawk
a,chutianghmun ralmuang lo ah chuan nà pawh a
sawihleih theihloh a ni ber e.A awm viau a ni,dam
duh a kalkhawm kan ni miau a....Thih chu a
hlauhawm èm a ni..!
Thil awmzia kan hriat chian chuan kan nui nasa
hlawm ngang mai,khatia kan tlan chhuak sung
sung mai kha ward dang a mite pawhin hria in
anlo tlan chhuak ve hlawm bawk si a,Putar
zeng,saruak ngalngat a ding uai hnuang chuan
lawm a hlawh bìk teh a sin..!Darwina theory te
pawh minti hre chhuak rùm rùm nia mawle...!!!
(PhoeniX)