KALNA DAMDAWI

Kal (kidney) hi mihring taksa peng
pawimawh tak pum chhung dinglam leh
veilama awm hnathawh pawimawh tak
nei a ni a, a tel lo chuan mihring a dam
khawchhuak thei lo. Kal hian thisen a
thlifim a, bawlhhlawh paihchhuakin
zunkawngah a pechhawng a, thisen
thlifimin thisena tui bawlhlawh leh
chemical te a paih chhuak thin a, chu
chu zunkawng pipe (tube) chuan kal lai
tak ve ve renal pelvis an tihah chuan
vuah zawmin phingah a lo dawng
khawm a, pawnah a paih chhiakleh thin
a ni. Kal hian thisen kal blood circulation
mumal takin a siam a, red blood cells
chu mumal takin hna a hawhtir thin a ni.
Kal natna hi tui thianghlim lo in atang
leh ei leh in fimkhur tawk lohna leh thil
dang tam tak avangin a awm thei a,
chuvangin, kala lungte awm thinte pawh
hi kal chak tawk loh avanga hna a thawh
that theih loh avangin thisena
bawlhhlawh thlifim tha thei lovin a lo
awm a, chung bawlhhlawhte chu
inhlawmkhawmin lung ang maia changin
a lo sak a, a len deuh phei chuan
zunkawngin Kal a rawn zawmnaah a
hnawh thin emaw zunkawngah a tang/
tangkhang a, chu chuan phinga pawh
thla zelin zun dawt atanga zun engthawl
taka lo luang chhuak tur chu a dal a,
chuvangin, Zunin a siam a, mihringin
nasa takin a tuar thin a ni. chuvangin kal
hi uluk taka enkawl a ngai a,
conventional medicine (vai damdawi)
side effects tam tak tak nei ei vak vak ai
chuan mahni in lama damdawi ei mai
theih nature’s remedy lam hi hmang uar
ila a tirah dam nghal vut lo mah se, a
dam a nghet a, a dam a chiang bik a,
nghawng tha lo a nei tlem bawk a ni.
`
Heng a hnuaia mite hi mahni in lama
kan hmuh mai theih leh sum sen vak
ngai lova kan hman tangkai mai theih a
ni a, i kal a fel lova i hriat chuan a
engemaw ber hi regular takin hman tum
ang che.
`
Baking Soda:Tuisik thianghlim no khatah
baking soda thirfiante khat
chawhpawlhin nitin no khat in thin tur.
`
Purunvar :Chaw ei apiangin purunvar
(Garlic) fang/mum 5 tal hmeh tel thin tur.
`
Parsley Juice :Nitin parsley Juice no khat
in thin tur.
`
.Theitui :Theitui eng chi pawh nitin in a
tha a, Nimbu/Hatkora tui nitin no khat
tal in a tha leh zual.
`
Ramtheihmu tui :Nitin Ramtheihmu tui
rial no khat in thin a tha.
`
Vitamin C :Nitin Vitamin C mun khat ei
thin a tha. Vitamin C hi conventional
medicine ni tho mah se, nghawng tha lo
lutuk a nei lo nia ngaih a ni.
`
Alovera tui:Alovera tui nitin no khat tal
in thin a tha.
`
Apple um :Apple vinegar nena umah
khawizu pawlha in thin a tha.
`
Green Tea/Herbal Tea :Nitin Green Tea/
Herbal Tea no 1-5 tal in thin a tha.
`
10.Tui Thianghlim :Nitin tuisik
thianghlim tam tawk in a tha a, zan mut
dawnah leh zing thawh veleh in a tha
ber.
`
.Hlo nuar :Hlonuar hnah mal 30 leh
purun var mum 7 chawhpawlh densawm
tui in thin a tha a, a zung chhum tui in a
tha bawk.
`
Sumbul hnah:Sumbul sen chi emaw a
var chi emaw a hnah chhumtui in thin a
tha.
`
Ram lakhuih:Ram lakhuih zung, a hnah
emaw a pil chhum tui in thin a tha.
`
Heng bak pawh hi ramhmul damdawi
tarlan tur tam tak a la awm thei. A
pawimawh ber chu a enga pawh khi i
hmang a nih chuan i ei hunbi dik takah
zel pelhsawlh lovin regular takin ei thin
la, a rei lo berah thla khat emaw a aia rei
emaw ei la i thatpui dan tur a chiang thei
chauh ang. Vawi hnih khat eia dam mai
tura inngaih avanga damdawi ei
chawlhsan chin hi natna cho chhuahna
tawk lek a ni thei tih hria ang che.