Kha zan ka thiltawn RAPTHLAK TAK kha!!!

Ka hnathawhna atang chuan kan in chu Km3 vel a ni
a,kan hna kan laklawh avang chuan zan dar 7 velah
ka bike trawng ve tak,a man zat deuh thaw kick
ngai nen ka inkhalh haw a...Chutia ka tlan chu
kawng sirah hian nula pakhat hi ruih hmel tak hian a
lo thu niaih mai a..Tlan pel ka tum chu ka inthiam
thei nganglo a,ka ding ta a,thil awm zia chu ka zawt
a.
'Birthday party naah kan kal a,ka thianten min haw
san vek a' tiin min chhanga...Ka han hawi kual
a,amah chiahin a awm a,birthday han lawmna tur in
vel chu vang tak a ni..ka hruai haw ang che ka tih
lahin 'Haw thei ka nilo' a ti mauh mai bawk si..'Anih
thiannu,ka bike ah hian lo chuang ve phawt mai
teh..Ka in luahah ka hruai haw mai ang che' ka ti ta
a..tichuan ka inkhalh haw ve ta a.
Chu hmeichhia chuan ka taksa vel a deh chuan a
taksa chuan pang ti lum a neilo tih a hriat theih a,a
vawt thler reuh a..In kan thlen chuan kan lut ta a..A
zawi em em a,ka mut naah ka muttir anga,keichu
chhuatah ka mu mai ang ka ti a..Ka khumah ka han
mut a,puan ka sin tir hnu chuan ka kalsan ta a..Ka
mut dawna ka va luh leh chuan a khua hi a lo sik
deuh a,tuilum in ka dep a,mahse a taksa chu a
vawt vek lawi bawk si..Vawt tiawm pawn a
awmlo..A mutna ka khum bulah chuan puan ka
phah a,ka mu ta a..Chhun lama hna ka thawh nasat
deuh avang chuan ka muhil zui ta a..Reilo te ah zing
chu a lo ni ta der mai.
Ka tho a,ka khuma mu hmeichhia chu en tumin ka
tho vat a,mahse chu hmeichhia chu hmuh tur reng
reng hi a lo awmlo a..Pawnah ka tlanchhuak vat
a,ka inluah bul vel chu ka zawng a,ka hmu tawh
bawk silo a.tichuan ka khumah chuan ka let leh ta
a..Ka khuma ka thru chu lukham zawnah hian
lehkha,thu inziak hi a lo awm a..ka la a,ka han
chhiar ta a:
''Ka pu,

nizan avang khan ka lawm lutuk aw?? Mahse
tawngkam khat tala lawmthu ka sawi hman ta lo
kha min ngaidam dawn nia..Ka hming chu Mawitei
a ni a,in veng dawt chiahah hian kan awm a..Tunah
chuan hmuh tur ka awm tawh lo ang..thlakhat liam
ta khan ka chhungte chuan inawkhlumin min chhar
a,(Ka tiril a fan a,ka trim sung sung mai..Nizana ka
buaipui hmeichhia kha mitthi tawh anih
chu..Chuvang chu aniang pang ti lum reng reng
aneih loh)..Mahse ka pu min hlau suh aw...tunah ka
lehkha i chhiar lai pawh hian i bulah ka awm reng
ania.(A la ti ta deuh deuh.ka khur ru der der mai.)
Ka bialpa hian hun rei tak atang khan min mutpui hi
a tum thin a,mahse engtin tin emaw ka hnial fithla
thei hram zel a..inawkhluma min hmuh hma zan
khan ka thiannu birthday party ah kan kal a..Midang
zawng chu an rui vek a,ka in ve duhloh avang chuan
ka bialpa chuan coke min lak sak a,chutah chuan
damdawi a lo pawlh ta a..tichuan ka duhlo chung
chu min sual ta a..Ka lo hmangaih em em,pasal
atan pawha ka duh thin mi khan ka taksa chu
nawmchen na mai mai a lo hmangaih reng si
a..Beih let ka tum pawhin chakna ka nei silo.
Tichuan min sual zawh hnu chuan min rek hlum
a,mahni intihlum a inawkhlum angin min chhuah ta
a ni...Mahse he thudik hi tumah
hriattir lo a liam pui hi chu ka theilo a.He thudik
hi mi zawng zawng lo hriattir hram ang che aw???'
oooo..

I thian
MAWITEI.
TIH hi alo inziak a hmeichhe khawngaihthlak...I hmangaihna
chuan inneih puan mawi tak sin a va phu
em..Mahse i tan chuan khawvel hi a tawp ta si
a..Ni e,ti tura min tih chu ka hlen ngei ang...He
thudik hi ka puangzarlo anih chuan hremhmun
kawngka ka rawn dai ve ngei tur a ni...
AW..THLARAU RETHEI,CHAWL HAHDAM MAWLH
ANG CHE.....