MAK LEH DANGDAI III

1. A VIRGINITY A HRALH :
Kum 2009 khan kum 19 mi, Romanian nula Alina
Percea chuan a Virginity chu a chhang huai ber
hnenah EBAY kaltlangin a zuar hem mai a. A
tawi zawngin, Italian Sumdawng hausa pakhatin
$11000 in a lo leisak zan a nih kha.’
2. HNAP MAN TO
Scarlette Johansson hi kan hre theuh awm e.
Kum 2008 khan “The Tonight Show” ah a inlan
ve a. Hemi tum hian host Jay Leno hnenah
chuan, a hma lawka an film channaah Samuel L
Jackson a hnen atang HRITLANG a kai thu a
sawi chhuak a. Chu mai la duhtawk lo chuan, an
inkawm laklawh lai chuan a hnap chu tissue ah a
hnit a, EBAY ah a zawrh tur thu a sawi teh mauh
bawk a. Mak tak maiin kan ti dawn nge, a
ngaihna awm hlawl lo kan ti hial dawn zawk. Chu
hnap…”Scarlette-i hnap eng-hring nal al deuh
puat tur” tih hriat reng reng chu $ 5300 in zu han
hralh teh tlat pek a mawle. A leitu hriat a
chakawm letling.’
3. LADY GAGA TIN (Nail) LEM
Kum 2013 khan Lal Gaga-i concert na hnuhma
tifel tute zing a mi pakhat (Janitor) chuan”KUT
TIN LEM” a chhar nawlh mai a. Tu ta nge a nih a
hailo nasa. Khel lovin EBAY ah a zuar nghal a. A
proof nan, Lady Gaga i thlalak, a tin-lem pakhat
kimlohna chu a dah tel bawk a.$12000 in a
hralh keuh.’
4. PREGNANCY TEST KIT MAN TO :
Hei hi chu a awm ang ve tho mai. Britney Spears
in, a rai leh railoh a test na Pregnancy Test Kit
chu EBAY ah vek zawrh chhuah a ni a. $5000 in
hralh a ni hem mai. Thenkhat chuan zawrh chu
sawiloh, mi hmuh hlauin an paihru chawn chawn
a ni ngai a. THIS IS KHAWVEL hi chu ava ni ve
chiang tak em.’
5. AMAH A INZUAR
Kum 2009 khan English pachal, Ian Usher chuan a
nupui a then hlauh mai a. A tuar ve ngang a niang.
A nun chu a ning ta thut a. EBAY ah a inzuar hmiah.
A inzuar tih hian han sawi zau ta ila. A thil zawrh tel
te chu…a in, car, jet-ski leh a bike bakah, a (Ian
Usher) thiante zawng zawng hnenah a introduce ang
a. Tin a hnathawhna hmunah ‘a aiawhin kar hnih a
kal thei bawk ang’ tih a ni hem mai.
Mahse mihring hi kan lo mak a niang e, $399000 in
lei duh tu an lo awm veleh zel a. Thil dang te hi chu
hmanna a awm ang a. A thiante introduce te, a aia
hna kal te hi a commonlo ngang mai. Mahse chu ai
zawng chuan a leitu hian amah (Ian Usher) hi engtin
tak ti zui ang maw.