MAK LEH dangdai

@@. Kum 2008 November thla khan Germany
rama Willich Jail tang pakhat chuan tlan chhuah
dan tur remchang ruahmanna a neih fe hnu ah
Motor in a phurh chhuah tur thingrem ah a lo
inkhung pek a. Mahse thingrem an hawn veleh a
hriat loh theih ta si loh a, pawn lamah an lo man
chhuak leh ta tho a ni.
.
@@. Kum 2008 December thla khan Japan rama
Osaka Police ten Rel ah mipa pakhat chimawm zet
an man a. An man chhan chu Rel chhungah
pangang te reuh te te sang chuang zet keng lutin
hmeichhe ho a lo tihțhaih vel țhin a lo ni. Buaithlak
hlawm..
.
@@. Ohio State, Hudson a cheng Dave Conn
chuan kum 2009 khan Mailbox kaltlangin Postcard
a dawng a. He Postcard hi Montana a cheng
Helena rawn thawn a ni. Mahse kum 1962 a a
rawn thawn daih tawh kha niin kum 47 chhung
kalkawngah a thang a ni. A dawngtu turin a hmuh
hma, kum 1988 khan a thawntu hi a thi tawh nghe
nghe. Kum 47 chhung khan khawiah tak kal kual
ang maw..
.
@@. Macedonia mi Vlado Taneski chu reporter tha
tak mai a ni a. Tualthihna chi hrang hrang a thlen
hian a hmunah kal chilhin police leh mipuite
hnenah fel fai takin report a pe țhin. Mahse kum
2008 June thla khan Police te chuan thil mak tak
an chhui chhuak ta. Tualthahnaa mawhphurtu ber
chu reporter țha tak Vlado chu a lo ni reng. A
inthup thiam awm khawp mai.
.
@@. Kum 2009 khan Wamsutter Highway ah Zu
phur truck a chesual a. Chhanchhuah hna thawk
turin rang takin Police an lo thleng nghal a. Mahse
hma an la chak hleithei lo. Zu bur keh che vel
ațanga reaction rawn insiam chuan zu bur a
tithlawk țhin a, chung bur keh thlawk vel lakah
chuan inven a ngaih tel bawk avangin hna a chak
thei lo a ni.😂
.
@@. Japan rama Izu khawpui bul lawk ramngaw
ah ruang an chhar a. Ruang chu sleeping bag
hmanga uluk taka tuam a ni a. Ruang chu uluk
taka an check hnuin Post mortem turin an phur
haw ta a. Post Mortem na hmun an thleng a,
doctor in ruang a check meuh chuan mihring lem,
siamchawp mai mai a lo ni. Police ten ramngaw
ah khan mihring a ni ngei tih an finfiah bawk si.
Khawiah tak lo inthlak danglam ang maw..
.
@@.Japanese sumdawng pakhat, upa ve tawh tak
chuan a sum neihte Bank ah dah duh lovin Pawisa
fai Dollar Maktaduai 4 zet chu a in bulah a phum
a. Mahse a tifuh vak lo. A khat tawkin a thlithlai
reng na a, a pawisa phum ruk chu zankhat thilthu
ah a lo bo vek. An chhui chhuak zo ta lo lehnghal.
Uiawm khawp ang le.