NGAIHTUAH ATAN DAWN TI SEI

*_A dawhthei apiang an mittui atla hnem a_*
*_Rinawm lo apiangin midangte rinna an tlachham thin_*
*_A pawr apiang hi an thiam lo zawk fo va_*
*_A dawheh apiang lah hian dawt hrilh an haw em em thung si_*
*_A huaisen apiang an tlawm ngam thin a_*
*_A fing apiang an ngawi tam thin_*
*_A eng zawnga thil thlir thiam lo apiangin an tawrhna an in siam belh zawk a_*
*_Mahni inthunun thei lo apiangte hi inlaichinna ti keh chhetu an ni fo thin_*
*_Mi puitling apiangin midangte hriatthiamna an ngah a_*
*_Zilh ngai apiangin zilh an ngaithei lo a_*
*_Midang chanchin sawisel peih apiangte hi sawisel hua hua an ni a_*
*_Chapo apiangin Phuba lak an tum fova_*
*_Hre reng chunga tisual talh thin chuan, hre reng chung bawkin an tisual thin_*
*_Midangte zahthiam nachang hre lo ho hi mi zahawm tak an ni ngai lem lo_*
*_A hun leh a hmun hre lo apiang hian a ruka mi nuihzat an hlawh thin_*
*_Midangte kan va thlir dan atang ringawt pawh hian kan mize chanve chu alang nghal mai thin_*
*_Kan pian chhuah atanga kum 18 thlenga kan seilenna in chhung hian a hnulama kan puitlin hnu thleng kan mizia a hrilh tlangpui_*
*_In duh tawk tak nih hi zahawmna a ni lova, chapo na hlimthla mai zawk a ni_*
*_Midangte nun hneh tur chuan mahni tlawm hmasak phawt angai, miropui tak kan tih te ho hi mahni in hneh hmasa thin te an ni_*
*A tlangpui in mihringte hian kan mizia leh kan nungchang atangin midangte kan teh tlangpui*