NOKIA AN RAWN IN LAR LEH DAWN EM NI?

                  

Nokia chuan R&D centre thar Sichuan, China ah an an bun thar leh a, hei hi smartphone an siam chhuahna tur niin an sawi. (Reuters)

Finland lam chhuak Nokia chu an device leh an service business vel zawng zawng Microsoft in an lei sak tih kan hriat theuh kha. He an contract hi nakum 2016 kum tawp lamah hian a tawp dawn nia sawi a ni a, chumi hnuah chuan Nokia chuan smartphone tha zawk siam leh an tum a ni (source: GforGames). 

Mahse heng an siamchhuah leh tur hian eng OS nge a hman ang tih erawh chu khualthuthang mai a la ni rih nangin Android a hmang ngei dawn ni a report a ni bawk. Kan hriat theuh angin Microsoft in an smart phone thuneihna an lak hnu khan Nokia chuan Tablet - Nokia N1 Android hmang an tichhuak a nih kha, kha tablet khan Google Android 5.0 (lollipop) a hmang a. He tablet hi tunah China ah chuan lei theihin a awm a, hun reilo te ah Europe leh khawvel ramdang a rawn lut tura ngaih a ni.

Hmanni lawk khan Nokia leh Alcatel-Lucent te chuan thawkho turin in remna an siam a (source: hetah), Alcatel lamin a security thil an siam vel chi hrang hrang pawh an hmang thei dawn ni a sawi a ni. Hetih lai hian Nokia ho ta HERE Maps chu an zuar dawn ni a sawi a ni a, hei hi facebook leh Apple lam pawhin an ngaihven hle nia report bawk a ni.

Chuan kan thupuiah lut leh tawh ila, nakum 2016 a smartphone an siam chhuah tur ni a an sawi (Nokia C1 an ti dawn a ni mai thei) chu a hnuaia specification in ziak ang hi a nei dawn ni a sawi a ni a, mahse he'ng hi chu a tak tak a lo chhuak a nih chuan a dang leh daih thei a ni tih hria ila.

Display: 5 inches (1920x1080 resolutions)

Operating System: Android 5.0 Lollipop

Processor: 2.8GHz quad-core Intel processor

Camera: 20.1 MP primary camera/5MP secondary camera

RAM: 3GB

ROM: 32GB or 64GB internal storage

Battery: 3,100mAh

A that hmel khawp mai. Mahse khawvel hriat leh tur à in vawrh lar leh erawh an tan chuan a harsa deuh maithei ani.