Nu LEH fapa!!!

Ka nu hian mit khing khat chiah a nei a. Ka haw thei em em mai a, min ti zak em em bawk a. Ka nu chuan bazar ah hain dawr tereuh te hi a nei ve a, thlai chi leh eng eng e maw hi a zuar ve, chung te chuan min ti zak zual thin. School kan kal lai hian voikhat chu sports leh intihlimna kan neih ni a ni a, ka nu chu kan school ah chuan a rawn kal a, ka zak em em mai a, heting hi engtin nge ka chuangah a tih theih te ka  ti hial a. A tuk ah chuan school naupang dang ho chuan,”I nu in mit pakhat chiah a nei” tiin chhaih nan tak min la hmang zui lehnghala a. Ka nu chu he khawvel ata hi thlawk bo daih se ka ti em em a, ka nu bulah chuan,”Ka nu, ngati nge mit lehlam I neih loh, mi nuihzat bur ah min siam alawm, thi la I tan a thra zawk ang” ti in ka an khum nghek mai a. Mahse ka nu chuan engtin mah min chang lo. Keipawh chu chuti tak mai a ka an khum avang chuan ka awm pawh chu a nuam lo ve deuh a mahse chutih rual chuan ka duh ang tak ka sawi chhuak chu ka rilru chhung ril tak chuan ka hlim angreng ve tho ani. Ka nu chuan engtinmah min tih loh avang chuan a rilru tina em em turah pawh ka in ngai hran lem lo a.

Chumi zanah chuan zanlaiah hian ka tho a, choka ah chuan tui in tur hian ka va kal a, ka nu chu a lo trap a, thawm dim tak si, min ti harh hlau awm tak hian. Ka nu chu ka en a mahse ka kalsawn leh mai a. A hma a ka lo an khum avang khan ka thinlung chungril takah hi chuan min mawlh tu chu a awm mahse ka nu a mit khing khat chauh a mitui tla ka hmuh chu ka haw em em tho mai si. Keimah leh kei mah chu ka in ngaihtuah a, lehkha hi nasa takin ka zir ang a, mi hlawhtling tak ka la ni ang a,  chuan ka nu mit khing khat chauh nei leh he kan retheihna ata hi ka la chhuak ang tiin ka in ngaihtuah ani.

Chutichuan lehkha chu nasa tak in ka zir a. Khawpui lian zawk ah lehkha zir turin ka nu chu ka chhuahsan ta a. Vanneih thlak takin University thra takah hian seat ka hmu ve hlauh mai a. University atrang a ka graduate hnu chuan nupui te ka nei a, keima in ka lei bawk a, fa te pawh ka nei ve bawk a. Chutichuan mi hlawhtling tak niin ka nung chho ve a. Hemi hmu hi nuam ka ti a achhan chu ka nu min theihnghil tir avang in ani. Ka lawmna leh hlimna chu a sosang chho zel a mahse ni khat chu rin loh deuh mai mikhual min tlawh tu ka nei ta tlat mai. Ka nu ngei mai chu a lo ni a, a mit khing khat choh nen bawk chuan. He khawvel zawng zawng hi thim ah a chang zo leh ta vek hian ka hria a.Ka fanu chuan ka nu chu a hmuh chuan a hlau chu a tlan chhe ngeh nghe a. Kei chuan vin zet hian,”tunge I nih? Ka hre ngai lo che. Enge hetah I rawn tih, ka fanu thlabarin I siam lehnghal a! chhuak nghal roh!” tiin ka hnawt chhuak a. Ka nu chuan dam deuh hian min chhang a,” ka tih palh a ni e, in dik loah ka rawn lut palh a ni, min ngaidam rawh” a ti a, a chhuak leh nghal a. Ka nu chuan ka hmel a hre tawh lo tih ka hriat chuan ka lawm hle mai a. Keimah pawh chu ka rilru ka sawh nghet a, he thil hi ka dam chhungin ka theihnghil tawh ang a, ka ngaihtuah zui ngai tawh lo ang tiin ka in ngaihtuah a, ka rilru pawh chu a thawveng huai a.

Ni khat chu lehkha thawn hi ka dawng a, school reunion chung chang hi a lo ni a. Ka nupui hnenah chuan dawt ka hrilh a, hna chungchang avang a zin tur angin ka in sawi a. Kan khaw lampan chuan ka chhuak ta a. School reunion kan neih zawh chuan kan in ka lo tih ve thrin chhe ve tawh tak lam chu ka pan a. Thil engemaw hriatchian chak  vang mai mai chuan inchhung chu ka va dak lut a, ka nu chu chhuat laiah chuan a lo tlu khawng reng mai a. Mahse ka mitui far khat pawh a tla lo. Ka nu chuan a kut ah hian lehkha hi a lo keng a, ka lehkha tur alo ni a.

“Ka fapa duhtak,  tunah khawvel ah hian huan rei tak ka lo hmang ta a.. ka hun pawh a tawp dawn hnai tawh a, I awmna hmunah pawh ka rawn tlawh thei tawh lo ang che mahse thil harsa anih loh chuan ka dam lai hian vawi khat tal chu min rawn tlawh thei la ka va ti em. Ka ngai em em che ani. Reunion turin I rawn ka dawn tih ka hriatin ka lawm em em a mahse school ah chuan I tan liau liau kal ve lo tur in ka intiam e. Khawngaitak in mit khing khat chiah ka nei avangin min ngaidam la, i tan zahpuiawm tak ka ni avang pawh in.  Nang chuan in hre tawh lo ang a, naupang te i nih lai hian i chesual a, i mit khing lehlam hi i ti chhia a. Kei i nu hmangai em em tu che hian mit khing lehlam chauh nei a i thrang lian tur hi ka hmu thei thlawt lo a, ka mit leh lam hi ka pe ta che ani. Ka chunga I thil tih leh i thinrim na thrin zawng zawng ah khan engmah I chung ah lungawi loh na ka nei lo, Ka hmangaih em em che tih hi I hre reng dawn nia.”

Chu lehkha ka chhiar zawh chuan ka tan a nun zawng zawng lo hlan tu ka nu ruang chuangah chuan ka trap ta zawih zawih a.