NULA KAN PHUR

......... Aizawla pianga seilian ka ni a,khawpui chhung hi kan talna ber a ni a, hei vang hian thim leh ramhnuai velah hian ka huai lo hle a, nel pawh ka nel lo reng a.
.
Tumkhat nupui ka neih tirh hian Gypsy in Shillong-ah kan zin a, kal lam hian Vairengteah kan riak a, zingah kan chhuak a, zan tlan ka hreh vang a ni a.
.
Karkhat lai kan cham hnuin zingah Shillong atangin kan rawn chhuak a, tumloh deuhin Silchar-ah kawng an lo zawh avangin zan tira thlen tum kha zan dar 11 velah Vairengte kan thleng a. Mi kaihthawh ka hreh avangin leh kan nu chuan haw tlang mai arawt avangin phur vaklo chung chuan kan haw tlang ta a, zing dar 3 vel ni tain ka hria kawnpui kan thlen dawn hnaih kha. Khawluh dawn tepah kan motor chu a tlan thei ta tlat lova, kawng rem laiah dingin ka en vel a athalo lai ka hmu thei si lo. Enthat leh tuma ka kun lai chuan Seat a thu kan nu chu a te tuar a, rang takin ka tlan phei a.
.
Tawng pawh tawng hlei thei lo chuan alo khur zawih zawih a, a chhan kan zawh lah chuan min chhang thei bawk si lo, ka kuah reng ta ringawt mai a. Tlema a zia deuh hnu chuan, "Seat a ka thu kha side glass atangin tu emaw rawn kal ka hmu a, tukverh atanga kan enchiang chu nula alo ni a, thawmhnaw var a in bel a, ka hlau deuh chungin Torch Light in kan en a, thisen neilo ang mai hian a dang vek a, min lo hui a," a ti a. Motor chu kan ti nung leh a, alo tha ta bawk a, kan tlan leh ta a.
.
Chutiang thil velin min han tuam ta chu ka hlau rilru tawh khawp mai a, ka bulah ka nupui ka hmangaih athu bawk si. Ka mangang nasa mai a, ka motor pawh ka khalh chak khawp mai. Khua kan lut tep electric bulb eng pawh kan hmuphak tawh tihah chuan kan motor chu thilrit tak phur ang mai hian a tlan hlei thei ta miah lo mai a, fisrt gear a kan tlan pawh chuan atlan tawk tawk ang chauh a ni a,

ka bula thu kan nu chu kan en a, a hlauh avangin alo khur der der a, a innghahna neih chhun keilah chu ani aiin ka hlau nep bik kher lovang. Ka mangang takzet a, tawngka tak ngial pawhin ka hnem thei si lo, ka hlauh avangin ka tawng hlei thei tawh si lova. Kan inthingharh a, hlau insum tak chungin kan nu chu hlau lo tur leh ka venhim tlat tur thu ka hrilh a. Min rawn en a, manganna hmel karah chuan min thlamuanpui tih ka zuk chhiar thei a.
.
Motor ka ti ding a, (ka ti ding tih lemah ding sa ang tho a ni, a tlan theih tlat lova.) Seat hnunglam kan en chuan hmeichhia ang tak hi alo thu a, light kan on a, hmeichhia la upat hmel vaklo, sam thlah hniang mai, thisen neilo tih hriat taka hmel dang bai mai hi alo ni a, ka hlau lutuk chu ka mur uai a, ka khur ti tih ta der mai a. kan nuin arawn en ve chiah a., " U Sang" tiin a te vak a, athidang zui ta nghal a.

Chutia kan hmangaih ber nupui te hlau thlabar mangang an thidang ta hial mai chu ka hlauhna chu areh vek a, ka nupui chu ka kuah nghal a. Mahse, ngaihtuah awm a ni lova, amar phu leh lungphu pawh alo tha a. Kan nula lah chu ala thu ta reng a, ka nupui thlamuan ngai lutuk chuan mipa rilru akaitho a ni teh chek ang chu ka hlauhna a bo duak a, kan nu chu Seat belt ka hrensak a, aseat pawh ka ti awn deuh a, rem deuh chuan ka mut tir a.
.
Chutah ka chem pai chu ka phawrh a, atul huna hman theih tur chuan ka hum rauh rauh a."tunge i nih a, enge i duh." Kan ti a, a tawng tawh dawnlo emaw ka tih hnu chuan, "Khilai lawkah khian ka chhuk dawn, kan In a nia." a ti a. Vin zet chuan " I chuan avangin motor pawh atlan theih loh hi" kan ti leh a.

A ngawirenga, motor chu kan Start-a kan tlan chuan ahma ai chuan a zia ta deuh a, mahse kan mi phurh chu rit tak a ni. Tlan chung chuan hnunglam chu motor glass atang chuan ka en pah reng a, ngawireng chuan a thu reng a, khua kan lut dawn tep ft 50 vel ala awm tihah chuan,"Hetah hian ka lo chhuk ange" arawn ti a. Motor tih din pah chuan, "I va chhuk lai dawn ve kan ti a," chutih lai chuan pawn lamah alo ding reng tawh a.
.
"khulai khu kan In ania," tih pah chuan thlang lamah chuan a chhuk thla a, torch light a kan en chuan alo awm tawh lova, thlanglam chu a awih hle tih erawh ahriat theih a. Motor ka tinung a, kan tlan leh chuan motor pawh alo pangngai leh tawh a. Khua pawh a eng chawpchilh ta nghal a,kan nu pawh a harh tawh a, engmah hlauh tur awm tawh lo ania tiin ka thlamuan a,angawireng a,

mahse atha chu ala khur der der a, ka thianpa te pawh an lo tho tawh a, kan chawl zawk a, kan nula phurh chhukna awm velah chuan accident an awm tawh leh tawh loh ka zawt a, Bike accident a awm tawh thu leh a hmeichhia zawk a boral thu asawi a, asawi pah chuan min an tawn thin ang kan tawng tih ahrethiam a niang, min en deuh vung vung a.

Kan thianpa chuan chawei tura min tih tlat avangin chawte kan ei a, tluang takin Aizawl kan thleng a, karkhat chhung vel chu kan nu chu zanah kalsan theih ani lova, zan mutnaah phei chuan min kuah chial reng a, Bible-te chhiarin ka thlamuan thin a, ahnuah chuan a zia chho ve leh ta a ni.......