THLARAU VAKVAI : THIL SAWI DUH A NEI A NI THEI ANG EM?

Ka thiannu u hi ama tawka mi huaisen ve tak, engmah hlauh nei lo, mi kawlhrawng ve tak a ni a. In hrang tih pawh finfiah ngam ngat mi leh a naupan lai pawha a putea thla nen pawha lo in buan tawh kha a ni a. Khata tang khan thla/ramhuai tih vel hi chu hlauhna chhete mah a nei lo. Mi piangthar tha tak leh Pathian tih mi tak a ni nghe nghe.

A thil tawn ka rawn post tur pawh hi kum 2009 ami deih tawh ni mahse amah tak ngial pawhin tun thlenga a la theihnghilh theih loh thil mak a tling awm e. Ama sawi angin sawi mai ang aw.

Kha kum 2009 khan central service ah ka in ziah tlin ve avangin ka hna thawh na tur hmun Lunglei lamah ka va zin a, mahnia awm a ngaih dawn avangin in luah tur vel te ka va thlithlai a, in luah tur lo van lai tak a ni nghe nghe a. A tawp tawpah Lunglei pukpui lamah in chhete in mal ding chu ka va hmu ve ta hram a,

ka nute hnenah in luah tur ka hmuh thu leh ka hnathawh na tur nena a in hlat vak loh thu hrilh tur chuan ka phone ka han phawrh, ka nu no ka dial tur chiah chu ka nu zawk hian min lo call a, ka han pick up chu ka nu chuan ka thianpa Sangmuana(hming lem vuah) leh a bialnu Christy(hming lem vuah) an inkara in hmuhthiam lohna avangin Sangmuana zawk chuan a thah thu a rawn sawi ta mai a.

Chutia ka nu in a sawi chu keimahah hian min deng dawt a, mak tihna in ka khat a, min thawng hle bawk a. Kei pawh chuan inluah tur ka hmuh tawh thu chu sawi chhunzawm ngaihna reng ka hre tawh lo, ka phili buai vek ni ber hian ka in hria.

Ka in luah tur te hnenah a rang lama haw ka ngaih thu chu hrilhin, ka bike chuan ka haw nghal a. Ka haw kawngah chuan kan ngaihtuah vel a, enge a chhan ni ang le? Thiana chu ka va ngaihtuah e aw, ka ti rilru a. Ka rawn tlan zel a, khawi kawng tak nge ka chiang ta lo, mualthuam chu ka pel tawh, South Kanghmun a bung lianpui awmna waiting shed pawh a awm bul kawngan lai takah hian sumo leh truck an lo in su buai a, tah chuan darkar 3 vel zeta rei kan din phah a, traffic pawh a ti zam rei hle, kei lah engmah dang ka ngaihtuah thei tawh lo.

Thianpa Sangmuana hlir chuan ka ngaihtuahna zawng zawng a la peng a...hmanhmawh rilruk tawh nak alaia, an in sut buai, an in khak buai vang mai mai a, traffiv tih zam chu ti ten a ni lo zawng zawng chuan ka la kawi a, a tlai tawh angreng si, engtia rei nge ka kal dawn tih lah ngaihtuah phak bak a ni. Ka sana bunlai ka en a, zan dar 8:15 velin a pel tawh a.

Engtia rei nge traffic hi an tih zam dawn le tih ten ka rilru ah chuan thil tha lo pui pui ka ngaihtuah a. Thianpa Sangmuana ringawt chuan min luah a, a bialnu Christy-i kha engvangin nge ka ngaihtuah ve loh le a mak zawk. Chutia rei zet traffic zama kan tan hnu chuan an in be fel ta deuh a niang zan dar 10:10 vela pelhah chuan kan chhuak ve ta a...chuta chin chu kawng lakah engmah tluan lohna awm lo chuan tluang takin ka rawn tlan haw a, mahni chauhva kal te ka ni a, zan a rei tulh tulh bawk nen, in awm lohna hmun vel ka rawn tlan apiang chuan ka ngaihtuahna ah helai hmun velah hian midang chu kal se an hlau awm e, tih ka rilru ah a rawn lang a.

Mahse ka rilru awm nghet bur chu, thianpa Sangmuana mawlh chu a ni, chutia tluang taka ka rawn haw chu zinglam dar2:30 vel ni ta in ka hria, rawpui ka thleng ta reng mai, ka tlan zel a, rawpuichhip pelh phei deuh tawh, ramhnuai 'Ramhuai Liamkawn' an tih kawngthlang atang hian hmeichhe pakhat kawrvar fual ha, sam sei tak mai hi a rawn chhuak hlawl a, min lo phar a, a zawn ka ding chu 'Phurh ve i duh ami' ka ti a,

a lu a thing a, kei chuan 'A nih ngati nge phurh i duh loh chuan min lo phar, tunge i nih? Engati nge hetiang ang zan rei tawh, ramhnuai ah lehnghal, hmeichhia tete si, i hlau lo ami ka ti zek a' ani lah chuan min chhang lo, hnung lam chhawn chuan a in her a, rawpui lam pan chuan zawi muang chuan a kal chet chet a, keipawh chuan ka bike start a, kal leh mai ka tum chu ka ngaih a tha lo, ka bike start rum vung vung chu ka ti tawp a, chu nula chu ka va pan phei a, a ban puam laiah va man betin ka kuai her lawp a, a sam a hmaia hliah chu ka keu rawk chu ka va phu chiang em?

hnung lamah ka kat phei dawrh a, ka thianpa Sangmuana bialnu a thah tak Christy ngei mai chu minung hmel tih hriat loh dawldang tak leh hmel dang bul mai hian min en a, chutah a dam laia a aw ngei mai chuan "Mike, min ngaihtuah ve miah lo ami? Sangmuana ringawt i ngaihtuah bik a, ka ngai lutuk che a, ka lo hmuak che alawm" a rawn ti chhuak a, chutia a tih takah chuan Christy thlarau vakvai tak mai chuan ka hnenah sawi duh a nei amawn le tiin ka rilru ah a rawn awm a, thla hrang/ramhuai tih vel hlauhna nei miah lo ta chuan chu thlarau vakvai ka ti tawh mai,

Christy thlarau chu biak tha in ka hria a, ka bike chu ka side tha sawk sawk a, a dinna bulah chuan "Christy, sawi duh i nei ami? Engvangin nge Sangmuana hian a thah che, min hrilh rawh ka ti ta a," chutah a kut hik vawt em em mai chuan ka kut chu a rawn vuan a, "Mike, i ngaihtuahna chu ka hrethiam alawm,

mahse minung ka ni tawh lova, ka thlarau pawh hetia vahvaih mai loh chuan tih tur ka nei lo, min hlau lo tih pawh ka hria, ringtu i nih tih lawh ka hria, mahse hetia i hma a ka rawn in lan pawh hi ka zam chhe lo chauh a ni, mahse a tul si a, va haw ta la, i thianpa Sangmuana chu thil awmzia va zawt ta che, keimah atang chuan engmah ka hrilh thei lo che, ka tihpalh, ka thlarau hian a kalna tur hmuna a kal hma chuan hemi hmun hi ka chhuahsan a thiang lo a ni,

min kalsan rawh, i thianpa Sanga'n a lo nghah che kha, haw tawh rawh," min ti ta mai a, kei chuan "Christy ka hrilh ang che, i kalna hmun chu eng ang pawh nise zam suh, thlarau pawh ni mahla, ka khawih theia i awm hi ka lawm e, mahse tumah mi ti buai zawngin awm suh ang che," chu chu min tiam rawh ka ti a, a ni pawh chuan min tiam thu a sawi a, ka kal liam san ta a.

Ka ngaihtuah let na ah chuan ka nu in min rawn hrilh tirh khan ka thianpa Sangmuana chauh ka ngaihtuah vang nge sawi duh a nei zawk em ni niang ka ti rilru a. A tuk dar 9:30 lh dar 10:00 inkarah chuan in ka thleng a, thianpa Sangmuana te in ka va kal a, thiana chu police kutah thana ah a lo awm tawh a, chaw ei lo bawk chuan hah pawh sawi lo chuan ka bike chuan thana lam ka pan a, thianpa Sangmuana chu a kawr hma vela thisen kai nuai chung chuan lock up ah a lo awm a, kei chuan ka va pan a,

"Thiana, enga ti nge, enge awmzia?" Ka va ti chu, Sanga chuan "Thianpa, Mike ka tihpalh min ngaidam rawh, ka hrilh thei lo che, min hrethiam dawn nia," a lo ti chu kei chuan "Tiang bawk chuan tukin zing dar2:30 vel khan Christy-i thla in min lo phar ding a, min hrilh asin", ka ti chu a rawn meng phawk nasa mai,

ka kut a dawm lai chu thlahin a kat dawrh nghe nghe a, "Christy-i i hmu maw?," min ti hel hawl a, kei chuan "Hmu e, lungngaih hmel deuhvin ka hmu a, a thlarau pawh a vakvai khawp mai, mahse ani pawhin i sawi duh loh ang bawk hian a sawi duh bik lo, I thianpa Sangmuana zawt rawh min ti zawk asin", ka ti chu mak a ti lett zawk a, a awih lo hial bawk.

Amah pawn engmah min hrilh duh loh na na na chu engmah ka zawt duh tawh bik lo. Mahse chumi zan chuan lock up-a a awm lai reng reng chuan Christy thla chuan a lo ti buai nasa a ni awm e.

Mahse an inkara thuruk, a thah chhan thuruk kha eng e maw tak chu a ni ang e, tun thleng hian kha thuruk kha zep a niin, hriat zui a ni ta lo. Police te pawn an man tirhin an zawt a, a serious hle a nia nge electric hmanga sawka sawisak pawhin a sawi duh chuang lo. A thah chhan tumahin an hre lo.

Share and subcribes enjoy.