Paranormal group luh laia mutthilh vangin THLA ka hmu

August thla vanglai tak a ni a,ruah a sur
hlek tawh chuan khawpui a ri nghal dur²
zel mai a.Chumi zan pawh chuan ruah a
sùr nasain tèk a tla nasa hle mai a.Pa
derdep deuh tan a awm nawm lohna
rum² hial tur khawpin thli lah chu a thaw
tel vùk² reng mai bawk nen,khaw
awmdan chu a nuamlo a,mut a chawh
riau mai a,hma tawk takah chuan ka mu
ta daih a.
Lungphu lam thalo tan phei chuan hlauh
thawn awm tur hial khawpa ringin tèk
chu a rawn tla ri leh rum² mai a.Chu
chuan chiang mangkheng in minti harh
hlawl niin ka hria..!
Ruah sur ri chur² chuan min awi mutui
ngang a ni ang,ka han than harh meuh
chuan zan lama tlan chuh thin truck long
run ho,ralkhat a tlan chík ri ruai² pawh
hriattur alo awm leh tan tawh a.A hnu rei
vaklo ah chuan Sipai ho sana pui pawh
chu an rawn khawng ri ta bul² bawk
a,mut hmun atang chuan ngawi rengin
kalo chhiar nghoh² a,vawi 12 thleng an
khawn chuan an duh tawk ta a.
Ka khumah chuan ka mu mengkar mai
a,kàwl rawn phèt èndan a zir chuan a rik
rin zawng tur chu ka lo teh ru vel mai² a.
Khawchhia avang chuan boruak chu a
vawt riau mai a,ka zun chhuak chuan min
rawn nawr ut² mahsela a vawh em avang
chuan tho chhuak peihlo in ka la mu lui
tlat tho a..!
Ruahsur muah² leh a khat tawka khawpui
ri kal ruih² maite,thli chhèm zàwng a
thing hnahin Vawk In chung a hawl rik
chhèn mai loh chu ri langsar a tamlo hle
tawh a.Mahse,chutihlai taka sitting room
lama thawm ri rawn chhuak phut chuan
thawmri dang chu a luahlàn nghal zawk
mai a ni...!
Zan dangah pawh thawmri eng² emawte
chu ka hrefo a,mahse Sazu leh Zawhte
inchhài thawm mai² anni thin a,chumi
zan pawh chuan annih leh tho ka ring
a.Ka zun chhuakin min nawr luih ve tlat
tawh bawksi avang leh Chu zawhte
ninawm ve ziah chu va hauh hrep tumin
peihlo tak chuan ka tho ta thum² a...!!
Ka room kawngkhar ka hawn rual chiah
chuan ring mang khengin Tèk chu a rawn
tla ri leh rum² mai ah...! Chumi èng èm²
mai ah chuan kan sitting room thutthleng
a tu emawni lo thu ngawi reng mai chu ka
zu hmu chiang kher mai a,a ni pawh
chuan minlo en ve reng mai bawk a,a
hmel chuan mumal pawh neiin ka
hrelo,au chhuah nghal vak mai ka tum
a,ka aw chu a ri thei ta reng² lo mai a,ka
hrawkah chuan min hnawh tlat a,ka kha
chu a chih vek mai a ni.Ka ding khur
zawih² mai a,chutih naklai chuan chupa
chuan min rawn pan ta du² mai a,ka
hlauh dan chu namen a ni lo..!!
Chutihlai tak chuan ka nau chuan min
rawn sawi nawk² a,"i va rùm nasa èm²
ve" a rawn ti a,ka harh ta hlawl mai
a,mak ka ti lutuk!!A hma khan ka harh
vek khan ka hre bawksi a,tun thleng
pawh hian mak ka la ti thin a ni.
Chutia ka harh hlawl chuan ka phone
pakhat zawk chu ka hmet èng nghal a,dar
1 alo hnai thuak ve tho mai a,mak ka ti
tulh² mai!!Ruah pawh chu alo la sur
churh² reng tho a,khawpui pawh ala ri kal
ruih² reng tho mai a ni..!
Ka phone pakhat ka FB thinna zawk chu
zawngin ka dap ruk² a,ka hmu ta hauhlo
mai a.Mahse,ka mutna sir chhuatah chuan
ka lo thlauh hi alo ni a.Ka chhar vat a,ka
hmet èng ve nghal thuai a,ka lo la online
reng chu niin,ka enchian chuan
'Paranormal mysteries-hlauhawm/thil
mak tawnhriat sawi ho na' group ah
chuan ka lo awm mèk hi a ni a...!