PASTOR HNENA LEHKHA HNUTCHHIAH Thu lungchhiatthlak chu

AMAH CHU :
Veng hmawr lamah an awm a;a nupui chuan kum 3 kalta khan AIDS natna avangin an fanu neih chhun kum 4 mi nen a lo boral san tawh a. Amah pawh tunah chuan a bawksawp tawh takzet a,an tuallim lo dun pafa khawp mai.

TUNHMA CHUAN :
Kohhran dan thianghlim ngata nupui neiin chhungkaw bul a tran a. Mahni intodelh tum tlat pa inringtawk ani bawk a,an indang thuai a. Ram hna thawk chungin kohhran leh khawtlang ah a inhmang pah reng a,nihna leh chanvo pawh an bel nual mai. Chhiat thrat tawk an awm nikhua ah pa tlawmngai tih a hlawh fo thin.

VANDUAINA :
Ankhaw bula motor a chetsual trum pawh khan hliam tuar te a buaipui nasa em em a,mahse vanduaithlak takin HIV hrik a kai phah ta tlat!
Kum a lo vei liam ve bek bek a,tumkhat chu damdawiin ah thisen pek ngai an awm a;nidang ang bawk in a pe hmasa pawl a ni leh. Mahse chu mi tum damdawiin atranga a haw chu thlah lova vuan reng tu zuitu hmelchhia a nei ta tlat....

MUALPHONA :
“HIV positive ani”, tih chuan an veng a thlen khalh ta! Khawi atanga lo put chhuak nge tih erawh hriat a ni lo naa rinhlelh na tur hmun erawh lu kawlh
ben lawlh tluk in a chiang. Zak in a kun tlawk tlawk a,a nun a chhui let in sulhnu buan,phuai leh vuai a neih awm a hre bawk si lo..... Thian kawm tur a nei tawh lova,mite trih ruk leh thinhrik a hlawh tran ta! Kohhran leh khaw tlang a a nihna leh dinhmun chanvo atrangin a mai par thlawn hlawk hlawk
a,sapial tlata tla in pungkhawm zingah a maltlatta!

VANDUAINA,MUALPHONA LEH BEIDAWNNA TLANG CHHIP A MANGANNA KHAT LIAM VAWRTAWP:
Kum 5 vel zet an inneih hnu ah fanau malsawmna an dawng a,mahse malsawmna trah ti chhuak mai a chang leh zel si! Chu hmeichhe naupangchuan lawm tu leh pawm tu a hmu zo lova, chhaih fiam tu a tawng ve ngai hek
lo. Kum 1 hmel a hmu a, “ama ama”, a ti thiam tawh tih ah AIDS natna,a “apa” hnen atanga an rochun chuan a “Ama” chu a vui liam tir a,a “apa” taksa pawh a hneh sak tran ta! Ram hna rimchai thawk theilo ta chuan zu a zawrh
alo ngai ta hial a,na a ti kher mai!!! A dinhmun chu duhlo eng ang mahse a fanu vang chauh chuan a pawm hram hram a ngai thung si. . . .

A thatlai huna rawng a bawl sak thin khawtlang chuan zu zuar tawh lo turin thu a pe a,hnawhchhuah leh ensan ah a vau bawk. A zu zawrh,a eizawnna neih chhun a thlah chuan a fanu athlauh tel dawn tih a hrechiang si.. . .

 A manganna vawrtawp chuan a vawrtawp a thleng ta takzet. . . . .

PAST0R INAH :
A fanu pawm chungin a rawn leng a,a hmel pawr fu fap ah chuan beidawnna hlir hawrawppui ngata in thuah thip ka hmu. He thu hi min zawt a : "Pastor, Juda Iskariota kha vanram a kai i ring em?" "Aw. Ka ring. Pathian ropui khian kan hmalam hun zawng zawng a hre lawk vek ani tih ka pawm a. Chuvang chuan Juda Iskariota kha Pathian mi ruat ani a. Mahni intihlum mah ni se khawngaihna a chan ka ring", tiin ka chhang a. A nui sak a. Chumi zan tlai tawh taka information atanga chhiat
tawh thu an rawn puan chuan hman hmawh takin ka tlan chhuak nghal a. An inah chuan mi an lo awm luih luih a,YMA president chuan "A inawkhlum
alawm mawle. . .hei i lehkha tur anih hmel", tih pah chuan lehkhathem hi min rawn pe a. Ka en vat a, "PASTOR,MIIN MIN RAWN RÂL VE DUH TE ANIH CHUAN KA FANU ENKAWL NAN MIN LO HMAN SAK ANG CHE AW??". Ka thingthi hnawk a,van lam ka hawi a,ka mittui alo hnam tiam tiam a.
KA PA, VAN AMI, I KHAWNGAIHNA
ANGCHHUNG AH CHUAN LO KUANGKUAH LUL ANG CHE AW???