SOUTH SUDAN SORKAR CHUAN A SIPAITE CHU AN LAWMMAN ATAN HMEICHHIA PAWNGSUAL A PHALSAK

UN report-a tarlan danin South Sudan sorkar chuan an sipaite chu an lawmman atan hmeichhia an hmuh remchan apiang pawngsual an phalsak. Hei hi UN chuan a dem takzet thu tarlangin mihringte chanvo inrahbehsakna rapthlak chungchuang tak a ni a ti. UN human rights chief Zeid Raad al-Hussein chuan hetianga pawngsual tawk nu te chu an pawngsual lai an fate en luihtir an ni a, a rapthlak takzet a ni a ti.

South Sudan-ah hian December 2013 atang khan tualchhung indona a thleng tan a, an President Salva Kiir leh a deputy, Riek Machar te inkar boruak tha lo vanga inepna avang hian kum 2 kalta chhung khan mi 10,000 zetin nunna an chan tawh a, mi maktaduai hnih zetten an in leh lo an lo tlanchhiatsan tawh bawk UN report, phek 17 laia chhaha ziakah chuan tarlan a ni.