Valentine's Day lungchhiatthlak chu!!

A lo rei ve ta hle mai. Kum 2000 kum khan KTP intlawhtawn kan neih dawn a kan inhmuhkhawm na ah nula pakhat hian Bus - a thutpui tur ka neih leh neih loh min zawt a, ka neih loh thu in ka lo chhang a.. kei chu i bulah ka thu dawn tiin min rawn hnaih sarh2 a.. khami zan tak kha chu aw.... khawvel a ka hmangaih ber ka tawng dawn tih reng inhre lovin hlim takin ka solo part chan ve chhun te ka ennawn a..

Kan ban hnu a tihtur tul te kan tihfel hnu a in a ka haw leh chu ka muhil thei ta tlat lo mai le.. kha nula mit meng, ka mit ngei a min en tu mitmeng ngei kha ka mitthla ah a cham ta tlat a.. Diktak chuan ka vei ta riau a ni ber mai e.. Mahse engtia han tih tur nge tih pawh ka hrethiam lem lova.. Ka khum ah chuan ka in let tawn sek a, muthilh ka tum lah in ka harh tawlh tawlh mai si.. Kha mi zan tak kha chu aw.. chhin khat pawh hi ka chhing eih lo a ni e.

Kan kal ni alo thleng a, bungrua te kan load fel hnu chuan thutna kan han rem fel sap sap a, a hma zana ka bula thut chuh tu ngei mai, zan mu pawh chhing lova ka ngaihtuah zui ngei mai chu ka bulah chuan a rawn thu ta chat a, ka rei... ka va zam chhe tehlul em!! ka be chak em em a, mahse ka kha a chih tlat mai si.. Bus a tlan ta ruai ruai a, kawng chhe deuh a kan han in nek deuh salh salh te kha nuam ka va han ti ngai em ve aw.. Amah vang in zinkawng khawhar lo takin ka hman theih phah a..

Rilru hlim leh lawm taka zin chhuak in rilru a vei em em nen kan thudun bawk nen.. amaherawh chu ka be ngam tlat lo mai kha a buaithlak a ni.. Ani chuan upa zawk chan changin min be hmasa ta hlauh a, hreawm i ti em? ti a zawhna min zawh lai te khan 'hreawm a hneh in nuam ka ti zawk hle a ni' tih tak kha ka nap a.. 'ti love' tiin ka chhang thei hram chauh a ni ber e..

Hun leh ni te a lo liam zel a, hmangaihna a lo par chhuak ta a, chutih lai chuan kawla nichhuak chhiarin zirna in panin nitin ka chhuak a, ka kal tur hi an inbul dawr ah min lo hmuak a, kan thudun a kan titi hmasa phawt thin.. Aw... kalsan mai che kha a va har thin em!!! YMA Day volleyball tourney khel inkuah rial chung a kan en dun lai te khan kan hmalam hun hi engtin nge a in her danglam dawn tih lah kan hre der c lova... Chutia nitin a inhmu a, inkawm a, hlim a nui thin ta na na na chu kan lo in ngaina in kan induh na chu nasa takin a pung zel bawk a..

Mahse mihring hian kan hmalam hun hi kan lo va hrelo tak em! ka zirna lama fiahna ka hmachhawn hun (exam) a lo hnaih tak em avangin thla 2 vel chu in lamah ka inkhung ta deuh chawt mai a, mahse phone a inbiak chu kan la bansan chuang lo.. nilengin be lovin ka awm thei lo a ni ber mai.. zing, chhun, tlai, zan ah te kan inbe ziah a.. hun lo kal zelin kan exam chu kan zo ta a, thawveng takin in ah ka haw a, phur takin bathroom ah ka inbual a, khawvel a ka hmangaih ber hmu tur in ka in puahchah a ni. Enge lo thleng dawn tih reng ka ngaihtuah phak ngai lo..

Chutia phur taka an in kawngkhar ka kik karh karh a, inchhung ka luh a thuthmun te ka rem fel hnu chuan a nu hnen ah khawnge tiin ka han zawt a.. 'a awm, tikhan lo thu rawh, kan ko ange' a ti a, a ko ta ngei reng bawk a.. hlim taka min lo dawngsawng tura ka ngaih, ka hmangaih chuan tlangval dang nen min lo chhawn ta tlat mai le.. aw... a va han mak ngai ve leh!!!! thla hnih vel chauh lehkha zira ka inkhung chhung lek pawh min nghak thei lo a maw!!! a na hi ka la ti reng asin tun thleng hian... Lunghnur taka in lam pana ka haw chuan mu leh mal ka nei lo a ni ber mai e.

Tichuan kum 2001, 14th february alo herchhuak a, chu ni chu ka tan khawvel a ka lungngaih ber ni a nih dawn avangin zing thawh ka va han peih lo tak em!! ka hmangaih ber chuan thla 2 lek pawh min nghak zo lovin midang min neihsan a, pasal atan hial a nei dawn chu a ni sia.. engkim mai khan min hnuchhawn vek ni hian ka hria.. kan kawmchhak te in a buai hmel tak rilru pe miah si lova ka awm laia in inneih dar ri ka hriat khan ka thinlung hi a kehsawm asin.. Mi hmuh hlau taka ka mittui far te khan an ko kir zo si lo che a, a va na em!!!! A hma kum a hlim taka hmangaihna kan inhlan na ni ah tak mai pasal min neih san kher bawk si nen..

Hun leh ni te lo ral zel in kum tam lo vei mahse kei ka tan chuan he ni, inhmangaih ten hlim taka an in hmangaihna an tihpun ni hi Valentines Day Lungchhiatthlak a ni kum khua tawh dawn a nih hi.. Ka hmangaihna hi atan ka la hlan nawn leh hram duh e..