VICTOR GADDARDA THIL HMUH MAK

Sap ho nge nge thil mak tak tak tawn leh hriat hi anlo ngah bik e.hnampui leh hnam upa nge nge. Pilot pakhat victor Goddard-a thil tawn tlem kan thai lang ve nge…a mak ve em a ni..chhiar peih in awm takin kan post ve thawr nge..a sei vak lo nang a. 1934 khan British Royal Air Force Pilot Victor Gaddard-a chuan kawng a bova. Scotland chunga a thlawh laiin thlipuiin a rawn nang ta thut mai a,a thlawh zêlna tûr chin a hre ta lova. Chulai bulah chuan Drem thlawhna tumhmun hlui kha zawn hmuh beiseiin, chhûm zîng hnuai lamah chuan a bir thla ta a.

A rin ang ngeiin Drem tumhmun hlui chu a zu hmu fuh hlauh mai a, chuta tang chuan a thlawh zêlna lam tûr kawng pawh a hre chhuak thei dawn ta a ni. Chu tumhmun hlui chunga hniam têa a han hrût kual vêl lai chuan thil dangdai deuh mai a lo thleng ta. Chhûm let but but hnuaiah si khan niin a kah ên sûr ang mai hian chulai vêl chu a lo êng uarh mai a.

Drem chu hmun hlui, rauhsan mai ni lovin, chei hnûm tha tak mai hi a ni a. Tunhmuna hnathawktute pawh a dumpawl suit a inthuamin thlawhtheihna rawng eng an lo hmang hlawm a. Mak angreng takin hniam têa hrut e ti lo chuan chuta hnathawk tumah an rawn dâk chho hauh lo. Chu chu 1934 kum kha a ni a. Khatih lai khan a takah chuan Drem tumhmun kha rauhsan hmun hlui chhe tak a ni.

Goddarda’n a tlawh hnu kum li, 1938 kuma indopui pahnihna a lo hnaih tâkah khan Drem tumhmun hlui pawh chu thlawhna sipaiten trainingna hmun (flying school) atan an hawng thar leh ta chauh va, chutah chuan British training thlawhna chu silver rawng ni tawh lovin, rawng eng (yellow) ah an thlâk chauh a ni. Dik takin Victor Goddard-a khan chhumpui zîng mup atanga a lo thlawh chhuah khan,a hnu kum li lo la awm tûr (future) ah a rawn thlawk lût zâwk a loni. Vawin thlengin Time traveller ti a mi hriat zui a ni ta reng a ni.

Ka blog min share sak in minlo subcribe dawnnia,enjoy.