Television Presentator lar tak nithin, mite tihlim thei emem thin tu kha, ka ang talo riau in kahre bawk a.Kakamis pawdal U.S Polo siam ka ha a, he ka kamis hi ka duh em em a, achhan pawhka fanu kum 1 tlin lawm nan ka lei a ni..Necktie sen duk ka awrh a, chu necktie chu ka hnathawhna a, kan boss in ' personal of the year' lawmman ka dawnmin lawmpuina present a ni...
Chumi chungah chuan poolover dum ka ha a, chumichung leh ah chuan Black Cashmere Over coat lum tha zet mai, mawng bawr khuhdeuh thaw ‘Savoy Taylors Exclusive’ kutchhuak chu ka ha leh a...Thlasik khawvawt vintuk mai laka min tilum deuh turin Nghawngawrh lum tha zet mai leh Savun thamiatanga siam kut kawr ka bun bawk a...Ka‘Hugo boss walle’t chu la in, ka coat chhung lam ipte ah chuan ka ak a, ka sanachu ka bih zawk a, Kum thar nan 20 mins vel bak a awm tawhlo a...Ka phone chuka phawrh a, ka fanu tan wish ka thawn dawn nge dawnlo ka inngaihtuah det a. Kalehkha dah chu tha tawkah ngaiin dawhkan chungah Ka raynold pen chuan delhbetin ka room lum nuam zet chu ka chhuahsan ta zawk a...Inchungchhoh nan hun a duhrei ngei mai, lift athat loh vang chu thuhran nise, kaleihlawn ken chu ka inkhai chhoh pui thei dawn chuang silo a, chuvang chuaninchung sang ber chhawng 20 zet put chhoh thak ka tum a ngai phah reng bawk ani.
.
.
chu building a cheng ve dangte veivak in min hmu zauh zauh a, engthil ngeka tih tum min zawt buailo hlauh thin chu vannei ka inti hle....Inchungkawngka ka hawn rual chuan Huihchhuk thli vawt tak mai chu a rawn thaw lut vinnghal thawt a, Tichuan inchung sang tak hmawr lam pan chuan ka leihlawn put lainen chuan ka phei ta a...inchung hungna tlak dal atana an siam, thir hung atangchuanAizawl khawpui lang ut mai chu ka thlir kual a...Khawlai a lirthei vakvel pawh ka hmu nual mai...He in tluka sang hi zawl khawpui ah hian a awmlo...ahungna ah chuan ka leihlawn chu dahin, a piah deuh a an dah Tangky chungahchuan ka kham kai a...tichuan lawn kai in, leihlawn hmawr lam chu ka pan pheita a...
Ahmawr tawp ka thleng a, engkim mai hi a lang pe utmai a, Zarkawt Biak In pawhka hnuai en thei hial a, ka veilam sir deuha millenium center chung zawlaAizawl Thunder ho new year eve party buatsaihchevel pawh ka zuk hmu chiangthei khawp mai..Ka hnuai lam ka en a, Zarkawt kawngpui dunga lirthei chak taktaka tlan ka zuk hmu thei a, Pen khat ka penleh emaw. Ka hma lam ah ka buk pheiemaw a nih chuan, ka hnuai zawna kawngpui dum tliang hlur mai, Mi hring pawhfanghmir aia lian awrh chauha lantheihna ah chuan ka zuk insawh keh darh vekdawn chiang khawp mai..
Kum athar ang a, Mizoram hmun tinah ka ruang thlalak lehka damlai thlalak dah kawpin chanchinbuah leh social media hrang hrangah te antarlang chei chuai ang a, a heading-ah "2021 a Personal of The year dawngtawhtu leh, Zoram Network a Reality show host lar tak, Crime case ropui tak takshow thintu Albert V.Pachuau chu a flat luah chhawng 21 zet asang atangin a tlahlum" tih an tarlang chuai chuai bawk ang....Chutiangthil ka ngaihtuah mek lai chuan thli vawt takrawn thaw thut chuan min rawnchhem harh zawk a, hnuailam sang zet mai chu ka hlau thar ta thut a...mahse katih ngei a ngai..abulah pawh ka tih ngei tur thu ka chhak chhuak tawh tlatsi....
Nervous tih rehnan ka cigaret ah chu ka tan leh te te a, hnuailam en duh hauhlo chuan ka fawp ta vang vang a...Kafanu ngei, ka ril a rah, ka thisen zawmpui ngei min chhuhsak duh khawp ahmeichhe nasa ka tawng a, Chumai ala nilo ka hna thlengin a tuar a, kum tharlamah hna dang thawh tur ka zawn ngei a ngai hmel si...kan intawn tirh khachuan Khawvela mipa leh hmeichhe inkawp fuh ber kan ni hial awm e, tih tur kanni a..fanu kan neih atanga thla 10 lekah sum puk chungchangah in ti thiamlo in,kan inthen phah hial a ni a..Kei min duhlo a chhuak si khan, ka fanu lehzel min lak sak a..chumai a nilo, kum 3 a liam dek dek a, ka hnathawhna pa nen an innei zui a, ka fanu lak ka dil a, court a tihfel thlangin, thiamloh ka changchhozui zel bawk nen,, he khawvel chu sawiloh, fahrah in a ka seilenpuite bak u lehnau, nu leh pa
.
.
Chhung khat laina ka nei hauh silo...Ka fanu chiah chu kathisen zawmpui ka taksa peng awmchhun a nisi a...Ka hmangaih a, ani pawn minngaina... mahse kahming hial alak atanga thai bo tura tih a nih lehzel takahchuan, ka tan damin awmzia a awm tawhlo a, Ka sum khawl sa zawng zawng pawh ka fanu tan dahvekin, he inchung sang zet atang hian he khawvel hi mangtha ka tum tazawk a ni....
KaMeizial zuk lai pawh a tawi tawh khawp mai, fawh khat ka fawp leh ang a, chumihnuah ka hmalamah bukin ka liam thla tawh ang, tiin rilru ka siam fel a, atawpnan am takin ka meizial zuk lai chu ka fawp a..." a vawt khawp mai, kanghak rei tawh khawp mai che" tih ri ka hre ta thut a...ka phu zawk a, ka leihlawnrah lai ka rap pelh teuh hle.. hnuai lam thaw vuk mai chu ka hmu phevuai a, " min ti tla dawn alawm le" vintak chuan ka ti a..."awww tah khan zuan thlak i tum a nilawm ni?, i tih dawn chuan ti vat vat la tinia" min thamlo hmel zet chuan a rawn ti lehnghal a..
Ka sa zak mai, Chuhmeichhe aw, ngaihno bei lo zet rawn rik chhuahna lam chu thei leh theilo chuanka en let dak dak a.." ka duh hun hunah ka zuang thla ang a, i lo inrawlha ngailo ang" chang tak chuan ka ti ta khawl a....a nuih za miahlo tihhriat zet hian a nui lui a...ka din dan chu muangchang chuan ka siam rem a, minthamlo zet tu chu tunge a ni tih ka thih hma ngeiin ka hre phawt tur a ni....kati rilru a.
Hmeichhepakhat kum 37 niawm vel hmelpu, ngo lam pang te chhe vaklo sam sei pawr deuh chhap, hmaitung lam deuh mit meng lian tak, tarmit hlai lamhret bun hi khur bauh bauh ina lo ding a..minlo melh ram ram a.. Kawrlum phiar fual lam deuh a ha a, Jeanskekawr paw dal lek lek ha in, Pheikhawk ke artui sang vaklo hi a bun bawk a, Lukhumlum beng nei, ze nei deuh hlek a khum bawk a..." ti ta vat che,...khawvawthian min hmet hlum thei mai dawn ania.." a la rawn ti zui a..."ka duh hun hunah ka ti ang, enge i lo phur viau a, enge i lo hmanhmawh ve viauni" ka ti ve sak a..." i leihlawn kha ka hmang ve duh a lawm" ala rawn ti zui a..." Enga? heleihlawn hi eng atan nge i hman dawn a?" ka ti vin tuar a..."Kha izuan thlakna atang a zuan thlak ve nan" a ti ta mauh mai...ka nuih a zazawk lek lek a..keia intihlum tum nghaka khaw vawt hnuaia lo din reng mai chu atthlak ka ti takzet a ni..chu achapah in tihhlum tum ve tho a la ni zui..
"Eng vanga zuan thlak duh nge i nih a...i la naupan em kha" ka tive ngawta.." chhan leh vang pawh a awmlo, ka duh a ni mai, nangpawh eng vanga tumve ngawt nge i nih bik?" min tive ta nghat a... " harsatna lian tak,dam reng reng thlak hlelh tawhlohna vang mai mai mawle" ka tive maia..." chuti tivat rawh, ka ning teh mai a nia" a la ti bak hlak a...anihna takah chuan ka phur tawh hlawl lo...chu achapah he hmeichhia hian minhmusit ru tlat a hriatna ka nei pek a..Leihlawn atang chuan ka chhuk a...."Lady first" tiin ka dinna chu ka kian ta ngat a...mak tihmel zet hian minen ta hau mai a..." mi hmuh laia intihhlum ka duh awzawnglo mai" ati niah niah a.." khareng kha asin, nge min tur sek ni" ka tive vata..." khuahi a vawt em a lawm le" ti ngawtin min chhang a...van lamchu ka en chho a, arsi a lo pe ut a...
khaw vawt vin,tuk mai chuan min hmet nangawt ngawt a, ka bengte chu a hit chhah luk niberin ka hria... "Hmelvarung-a min tihdan hi ka duhlo hrim hrim, a chaklo khawp ang, ka thihhunah chuan nuam a ti bik hauhlo ang" tiin hmeichhe pakhat aw hi inchhunglamatang chuan a rawn ri chhoh bawrh bawrh a..a ke pen thawm atang chuan kanawmna lam a rawn pan mek tih a hriat theih...
Kawngka chu a intheh hawng thuaia, Tleirawl hmeltha zet mai, sam dum ngil sei siau mai pu, khabe dawh lam leklek, hnarngul sang vah mai, Leather Jacket buang ha, Jeans kekawr malphuartang mai, a hmalam malte zawn vel san deuh nual tawh ha hi a rawn lang hlawlmai a..a thuamhnaw hak chu a fai lutuk tawh biklo tih a hriat theih a, a valdeuh ruau hlawm a, a hmel hmuh ringawt pawn eng emaw ruih a nei tih a hriat mai...Tin,a mittui a seng nasa tih hriat takin a mithnawih chu a pherh nuan bawk a, ameng sen rammai a..chutia rinloh taka min hmu thut chu a hamhaih lek lek zawk a...
Keini2 pawh chuan kan lo en hau bawk a..." khawvel hi engmah a nilo, mahni hmasialna a khat mihring tenawm hlawm lutuk mai" tih leh tlan a rual nghala..Ka bula ding nula chu a tre thawt a, " tisuh, nula ti suh" a tituar tuar a..Keipawh engthil nge ka tihka hrelo, ka um vat a, Inchung hungna alawn liam hma chuan ka va man bet hman hram a.." Min thlah rawh, min thlah vat rawh" a ti tuar tuar a...ka pawm bet tlat a...a tal arh arh nangin ka pawm beh hneh emavang chuan a zal ve riai riai a, chhuak em em chuana tap ta hawk hawk a..muangchang chuan kawngka pui lam pan chuan ka hruai pheita a..."Tinge i dan buai duh, nun hi thlak hlelh awmna chhete mah a awm hleinem" tiin kan piah block a dingtlangval kum 25 mi vel palian lampang hian a lo ti chuar chuar a..a kutah chuanHruizen leh Revolver a keng bawk a...
kan 3 chuan mak ti tak chuan kan enhauhlawm a....a ni pawh chu ngawi rengin min en ve tho bawk a..."Vala engthil nge tih i tum a..?...khang thil kha eng atan nge i hmandawn?" hlau thawng ru tak chuan ka zawt ta ngawt a..." ka nunna hi kachhat dawn mawle..." a lo ti bung nghut a...." Ngawite vala ichhungte hrilh a hai lutuk ange...Kum athar anga, anfapa hmel an zawng ngeidawn a sin" tial deuh ruau chuan ka ti a...Min en thap a...tlangval pawhchu a ding khawng lah bawk a....chutih lai tak chuan Kum athar ta tih hriattakin Temple sana chu a inkhawng ribal bal a..Aizawl thler tin atang chuanmeithallawn mawi danglam tak tak an kap chhuak chuah chuah a...thawm a ringngei mai..In tihhlum tum theuh mak tak maia inhmukhawm ho chu, chechang lemlochuan kan ding ngawi thap hlawm a...
Kan 4 chuan ka flat luah laiah chuan kan thubial thap a..Khawvawt tak hnuaia awm kan ni bawk a, vawt kan ti tlang hle...Kacurrent thuk chu kan thut bial taih hlawm a...coffee sa tha tak leh KFCboneless chicken oven a ka urlum kan ei niap niap hlawm bawk a..kan vai maichuan kan mood a off in, kan rilru a kal ding tlang hle tih a hriat theiha... ngawi reng chuan mahni enna zawn en ngar ngar chung chuan kan thil ei theuhchu kan ei malh malh hlawm a...
Kantaksa vawt zual pawh a reh ta bawk a, Upa ber chanchang takin " awle, heimak tak maiin tum thuhmun, Khawvel ning taka kalsan tum theuh kan inhmu khawm ani a..Tunhma a la inhre ngai hauhlo, kan inhmelhriat chu a ni der maia..Khatiang thil kan tih tumna chhan leh tih kan duhna chhan theuh sawi ang uhmiang..Rilru inpawh tlang takin kan sawi dawn nia..." tiin tawng ka chuhhmasa ta ber a...an in enkual diat diat a...an hreh tlang vek tih ka hrethiamnghal mai a, keima chanchin chu ka sawi hmasa ta ber a, chumi hnuah an sawi veta tliar tliar a...ZORINPUII...Lolang hmasa ber kha Zorinpuii a ni a, Mizoram Law college ah Cashier hna thawklai a ni a..Kum 36 lai niin a pasal boral tawh nen a an fapa kum 3 mi lek nenkhawsa dun an ni...A fapa hi Mi ang chiahlo, bawltheih deuh mai, harh ru zetmai, mi pawi sawi deuh reng a ni a..A hmangaih in a duat em em si a..chung afapa nun ze mak tak tak chuan tahna asiam sak fo a, amah a enkawlna lamah a hna hial in a tawrh chang a awm thin a,vawi tam tak explanation call a nih hnuah December thla tirte khan chawlh tir ani ta reng a...Chutianghmeichhe pawisawilo tak, a fa hmangaih em em tu, an nufa hmalam thui tak thlirmektu hna rum thawk thei hauhlo tur, a fapa enkawl nana a hna hmuh hlih sak a ni chu a hrethiam hauhlo maile...
A fapa lah chuan Kumthar ah school a luh ve chak thu hlir a sawi bawk si,engtin nge hna a neih siloh chuan an inchawm ang a, a fapa chak ngawih ngawihschool a luh tir thei tehlul ang..?...a damdawi man ringawt pawh thla tin asang tel a seng zel si..a rilru buaiin amang ang tak zet a ni....
Hetiang tehnuaih a lo nih takah chuan Dam reng a thlahlel tawh hauh lo mai..tichuan mi 2laiin an nunna an lo lak tawhna hmun " Chhawng Ropui" chung sang hi arawn pan ta tawp mai a lo ni a..Kei ka lo awm hmasak tak avangin tunah nungdamin kan zingah a lo awm theih phah a ni...NANCY LALNUNFELIMizoramSawrkar Depertment lian tak tak 3 lai changphak Minister ni mek Pu SawivungaFanu neih chhun Nancy Lalnunfeli hi, tleirawl Kum 19 lek a ni, lehkha thiam thei zet mai a ni a, Mihausa fa tih takah schoola luh tirh phat atangin School tha ber ber ah dah ani zel thei a. Ngaihtuahawmlo ve tak tur chuan zirna lamah pawh a hlawhtlingthawkhat viau. Mahse mihringte hi kan sum leh pai neih tam em vangte, kan neihtlem lutuk vangte, kan thuneihna san viau vangte leh, thuneihna kan neihlo luatvangte leh Kawng hrang hrangin harsatna kan tawng vek thei tho mai tih he nulaatang hian a hriat theih awm e.B.Comfinal semester zirlai niin Bangalore lama awm mek a ni a, krismas chawlh hmangin a lo hawng a, heath hian dam thlak hleh lohna lian tak chuan a nangchingchauh a nilo a, Kum 2 liamta vela tang khan a lo um reng tawh zawk a ni.Bangalore ah hian thian fel tak tak a nei nual a, mahse chung a thian feltaktak te zingah chuan a nun khawihbuai thei thil a lo inphum ru ve kiua si a.
Mihausa fa awmkhawm tihtakah sum leh pai ah harsatna an tawk lo tlang bawka,Pub leh intihhlimna hmun hrang hrangah kal an chingin an hunawl khawh ralna bera ni ta hial a…Chutiang taka hun an hmanlai chuan Mipa pakhat nen intawnginkhawvel an chen dun ta a.Chuatlangval char thar nen chuan engkim an in share tlang ti ila kan tisual awmloe. Chutiang thil a chhungte beng a lo thlen meuh chuan harsatna a tawk tan taa. Apa ngei pawn vawi tam tak a rawn zilhhau tawh hnge hnge. Hun a liam a, Kum2 liamta atang khan a thianpa chu a hmu ngai ta hauhlo mai a. a hnu deuha ahriat danin Mizoram lamah hna thawkin a lo awm daih tawh a lo ni a. Tichuan,engmah inrem lohna awm hauh silo chuan an in be ngai ta miahlo a.
Mizoram achuan chhuah chuan chu a Bialpa chu Mi pasal pawmlai a nih thu a hreta mai si.Rilru na takin hun a hmang, beer leh drinks mai duhtawk talo chuan Pills ho tete atanga tannin a duh lian ta tual tual a, nun thlakhlelhna reng a neitawhlo.Class a kal tlem tual tual a. complain a pa in a dawng chamchi takah chuanKrismas chawlh hmang turin a ko hawng ta tawp a. Chutah chuan thutawp siam in,Ruih hlo bawih a tal reng a nih chuan, he a ro chanai zawng zawng leh apa hmingzawng zawng tiamin lak bo sak a nih tur thu hrilh a nit a a.Tichuan,rilru helhkham nei teuh chungin, khawvel a hmachhawn a, nun nuam tih lohna hrivein mahni hialintihhlum duhna a lo neita a. Krismas eve atanga a chhuak kha,tun thleng hian an in a la tlawh leh talo a.A chhunget ngaih pawh a tha zanlonangin a thiante ka atangin a dam thu leh mi hrang hrang in a a chenkual thu anhr eta bawk a. ngaihven turin an thawk chhuak nangin, a biruk san zel a. Tunhun hi a lo thleng ta a ni.
TETE-AMizoramchhim lam chhuak, tlangval talent nei tha zet mai, Zaithiam leh Musician hriatlar pawl tak a ni ve a. Mahni in Band dinin, Recording Label pawh buaipui vezak zak tawh a ni a. Mizoram State Bank hnuaiah Professional Loan pukin Recording studio hial a run ve hman a.Hla a phuah nual tawh a, Mizoram khawpui 8 ah tour neiin a feh chhuah tawhbak-ah Central India thlengin music a lo play tawh bawk a. Hlawhtlinna a tawngve mek tih laiin, mivaduai bikte tawh thin, Harsatna nasa tak a tawk chho tana.Anu leh pa accident in an boral a, a unaupa nen in hmun leh roc hung changah aninrem theilo a, a farnute duhsak a hlawhlo zawk bawk si nen, Loan puk nana adahkham a In hmun ngei pawh a chan a tul ta si..a talbuaina kawng a zawh tanlek a lo ni a. Hun a kal zel a, Sum leh pai pawh a lalut nual nangin a Loanrulh tur interest a lo sang tawh bawk nen, rilru hah takin hun a hmang chho taa.
Chu mai nitalo chuan a record label chu thubuai a nei leh tat lat pek a. Atir te atanga a kut ken a, a buaipui a, a dinchhuahve ngei chu a in luahna pachuan court ah khing in, “Share holder anga in remna an ziah thu leh, a enkawlve duh tawh avanga a share lak a duh thu a thlen a lo ni a.TichuanCourt martial vawi 3 neiin thiamloh a chang ta zawk si a. Khawia Document ngean show a? eng tik laiin nge a hming sign a pek tih reng a hrelo. A hriat chhunchu, a sum neih zawng zawng leh a In hmun dahkhamin he Label hi a din ve a. ahmel pawh a eng tan mek in, a hlawkna pawh a tel tan ve mek a.A loan lak pawha rul fel tep tawh, tih chiah a hria.Mahse,chung zawng zawng a chan tak hnuah chuan Awmna tur hre mailo in a vak kual vela, a unaute nenan in tuithlar tawh bawk si. Khawchhak lam-ah te kalin sumhailuh a tum sa the thin nangin, harsatna a tawk zel si a. A loan puk lah rulhzawh a la nisilo.
Chutiang chuan rilru hah takin a awm a. He khawvel mi duhamleh koham apiangte khawsak sanna leh thiam channa khawvel hi chhuahsan duhin, mahni nunna hial lak a lo tum ve ta a ni.&******&&&&*****
Ngawireng chuan kan thu thap a, Pawnlam thawm ri deuh dup dup chu a khat tawk in kanhre zauh zauh bawk a. Kan boruak rit tak mai hnuaiah chuan engkim inhriatpuitlang vek tho si chuan kan inmelh hrek hrek hlawm a. Chutah Zorinpuii chuan “hetiang thil tih hi ka duh ngai reng renglo nangin, ka thil tawnin a zir miausilo a, ka fapa pawh ka ngaihtuah chang tawh hlei nem..? “ tiin a inhnit hlawphlawp a.Keichuan“ Ekhai, hei keini 4 inhmukhawm hi a thatnariau ka hre tlat mai, miin engahmahan ngaihloh, khawvel thlum zia lo tem tawhtu vek, harsatna hranghrang tlakbuak, nun thlahhlel tawhlo vek kan ni a, chuvangin hei Kum a lo thar dawn bawka, nun thar a hmabak thlir chung zelin mite malsawmna kan nih theih dan turkawng kan dap mai dawn em ni..? tiin kan rawn kual hlawm a.
Nancychuan “Kei chu engkim ka ruahman fel vek tawh a, kir leh thei ka ni tawhlo” alo ti bung nghut a. “Chutiang hunt him chu huaisenna nen kan hmachhawn tlangdawn a lawm” tiin Zorini chuan a lo hnem vat a. “Engtin nge ka nun hi ka siam danglam thei the lul ang ni” a rawn ti leh hram a. Hei zet chu kan chhantheihlo, keimahni theuh buaina, kan hmachhawn mek chu a ni si a.“Engpawhnise, thu I tiam ang u, Hei keini ho hi engkim engkim a inhrepawh, kan nit arau rau bawk a,
Khawvel thar hmachhawn turin kan theihtawp chhuah theuhtum I la, Kei, Zorini leh Tetea te hiankan damkhaw chhuah theihna tur hna kan zawng phawt ang a, Nancy in a chhungtenen inrem taka an awm leh theih nan theihtawp a chhuah bawkang a, chutiangchuan Thla khat hunk an hman hnuah, Zan in a kan inhmuh khawmna hmunah khan Zandar 12:00 ah chiah kan kal khawm ang a. Engthil nge kan tawn a, kan thil tawnchu kan beisei ang chiah nge ni a? nunthar kan nei ta zawk? Tih kan sawi tlangang a.
chumi hnuah engkim ahma ang tho thil a nih chuan kan intiam rual maidawn nia” tiin rawtna inthlahrung tak chuan ka siam tat awl mai a.An3 chuan an en ngai an en reng a, nancy chuan a chal chu a chul niap niap a,Zorinin a coffee no tlang chu a zut kual delh delh a. Tetea erawh inkuangkuahchung chuan a thu ngawi reng thung. Minute 10 deuh thaw keimahni rilru theuhkawma kan ngawi thap hnu chuan “ Ni 14 February, hi St. Valentine birthday ania, He mi zan hi I remruat ang chuan kan inhmuhkhawm hun atan chuan kan ruat maidawn em ni ang” tiin Nancy chu a rawn tawng chhuak ta hlawl a. Kan in melh kualdan dan hnuah, kan remti tlang a ni tih lantir nan kan bu nghat nghat hlawm a.
“Pu-a I ziak puan leh I ziak fung rawn la rawh le” phur hmel zet chuan a tinghal a. “Eng atan chuan maw..?’ ka lo ti hu a…”Awww…Kan Agreementkan signang, tuman hemi ni a thlen hma hi chuan Mahni nunna kan la tur a nilo, tiin kandah ang.” A ti siam siam a. Dawhkan pawh dawh a, note bu chu la chhuakin“Dt.14.Feb……. hma chu tumah mahni nunna lak awih a nilo tih hi ka pawm e” tiinlehkha-ah chuan hming kan sign hnan ta vek a.
Tichuan,Khawvar rual a tin darh tum chung chuan, kan hunkal tawha kan hlim ber laite,hrehawm kan tihber laite, Hmun pawimawh kan fan na chanchinte kan sawi ho a,kan nui tlang leh ham ham thin a. Zorini fapa chanchin lawmawm zet leh lungkuaizet kan ngaithla bawk a, Mipa kan lem chuanglo kan mittui kan dang zo meuhlo..Tichuan, hlim takin kan inkawm khawm ta dial dial a. Zing dar 6:00 ahZorini chu an kawt thleng ka thlah a. Chumi hnu-ah ka Inluah lam ka pan leh a.Tuilum sat ha ver vawr deuh chuan ka inphuh seng seng a. Nizan thil thleng khaka ngaihtuah let a
“ Khang ka thian chhar tharte kha, rawnkal lo tase, hekhawvel-ah hian ka hming nuai rehin a awm tawh ngei ang a, Ka fanu in “Apa” tihtur a hmu ngai dawn tawhlo ngei dawn si a” tiin kainngaihtuah lungpuam a.Patling meuh rawl chhuah meuh chuan ka tap ta hawm hawm a.Feb.14 St.Valentines Birth Day.Zandar 12:00 riknan 5 mins chiah a awm tawh, lift ahka chuang a, ka hlim rualrual in ka thiante chu enge an dinhmun ni ang? Tih chuan ka rilru a kap viauthung. Floor 20 na thleng lift a thlen theih avangin ka chhuak a, Step ah kalchho in, Khawvawt tak hnuaiah chuan Inchung zawl chu ka pen chhuak ta a.Kathiante 3 chu kil khatah an lo ding bial thap a, an hmel chu a ngui nghiai hianka va hmu a.
Nghakhlel hmel tak chuan minlo en thap a. “Ka tlai ta ber a nimaw..?” tiin boruak rip tak a zangkhai zawk theih nan ka tawng chhuak vat a.“Khatiaka hawng ta kha, Ka pa hnenah ngaihdam ka dil a, a ni chuan tap chungin minlochawi a, tichuan nunthar bul ka tan theihnan theihtawp chhuah in thil tha tihka tum chho ta a…ka hun tawn harsat ber laia ka thiante inhmel ka mithla-ah ancham reng a, chu chuan chakna min siam sak a. tun hun hi ka thleng thei ta ani, Tin, Ka pa remtihna thlap in kawppui tur keimah min hrechiang em em tu,Tete-a hi ka chhar ta bawk a, He khawvel mi huaisen leh tumruhte dam khawchhuahtheihna tura beihna hmun hi kalsan ka tum talo a.
Kan theihtawp a hmachhawn dunturin thu kan thlung ta zawk a ni” tiin Nancy chuan hmel hlim sarh chuan a sawia. “Ka fapa tan enge ka tih sak theih ang? Tiin nitin hunka hmang a, ka tan engmah ruat a neivelo emaw ka tih mek laiin Dr.Hrekima Memorial Home ah Clark hna kahmu ta hlauh mai a, Rilru lama harsatna tawkte, ka fapa ang chiah naupang lehpuitling rilru kimlo te buaipuiin hun ka hmang a, an nun thianghlim tak chuan minti lawm a, Ka Pu TV show ropui tak chuan ka thinlung hliam hnu a kai tho a. tapchungin ka lo thlir ta thin a ni..” tiin Zorini chuan ka kut vawt tak mai chu arawn chelh a.“Engmahka ni tawhlo emaw ka tih laiin, Ka Music Industry lo sual chhuah ve chu appealtheihna kawnga rawn kua ta hlauh mai a…Ni 20 khian Delhi ah courtkan nei thaleh dawn a ni chu…
Ka bawihtei pa min duhsakna vang hian a lak-ah bat tam tak kanei a ni” tiin Tetea chuan mittui parawl teuhin a lo sawi bawk a. Ka hlim vengveng..ka hna nei let lehlo mah I la, TVreality show keima in ngeiah neiin,Nula Tlangval, Pitar Putar nun beidawngte kawmna hun, ka siam thin a. Chu Showchu Tv Channel hrang hrangah ka zuar kual a. Tunah a hlawhtlinna ka tel chhotan mek a ni si a…Heng zawng zawng hi, kei leh ka thiante zarliau liau a nihbakah, Bawkkhupa min thlirtu Pathian awmpuina ka chan vang a ni si a.
Tupawhrilru ngui, Khawvel mawina hmu zo tawhlo, hmabak eng hauh tawh lo, ruih hloemaw, Sum leh pai emaw, an kawppuite vang emaw a Dam reng thlahlel theitawhlote tan chona a nih ngei theih nan he thawnthu hi ka rawn thai chhuak veta a ni e. a ngaihnawm leh nawm loh chu ka hre miahlo thung…..(Baseon a Movies ‘ A long Way down’ )
Blog share and subscribers,enjoy.
On 09 september 2024, at 03:26, Anonymous commented on 
0 Comments
I ngaihdan han thawh ve teh le!