IN ANCHHE DAWNG CHU

Zan khat chu, T.V. enin keimahin zan rei tak thleng ka meng a. Ka film en kha hmuhnawm ka tih zawng tak mai a ni a. "Constantine" kha ania. Chu film chu ka en tawp thak a, Sana ka en a, dar 12:00 a lo ri tawh a.

Mahse, mut a chhuah loh em avangin, Khaw'nge film ka'n zawng kual teh ang, film hmuhnawm deuh, Thlahrang film dang a lo chhuah takhlauhvin tiin, Channel hrang hrang ka hmet lawr zet zet a.

Film pakhat hi ka hmetchhuak a, chutia ka en lai tak chuan, film-ah tho chuan, Nula pakhat, pawnfen chhing tak nena inthuam hi hlau em emin a tlanchhia a, ka en ta zel a.

Misualhovin an pawngsuala, an sual zo tihah, engemaw ti tiin, misualho hnen atang chuan a tlanchhuak a, a report hlauvin, thah tumin an umzui hi a lo ni a.Nula Mal leh khel inkar vel chu a rawn lang hnai a, Anpawngsualna avang chuan, a Serh atangin thisen a malah a lo luangthla zar zar a.

Mak tak maiin, A mala thisen a luan thlak rual chiah chuan, Ka hnar a thi thutmai a, Thisen a luangthla ve nghal ta zur zur mai a. A tirah chuan maktih nachang vak pawh ka hre chuanglo.

Hru fai turin T.V. bula Almirah chhunga Lapua intel ka lachhuak a, tlema zawng ka pawtthla a, Lapaw dang zawng chu Almirah chungah ka dah ve mai a, ka hnar thi hrufai turin, Dak chungin pindan darthlalang lam chu ka pan ta a. minute khat pawh a tling kher lovang, ka hru zo a, ka va letleh chu, Almirah chunga Lapua ka dah kha, a lo awm ta lo a, ava mak ve mawle ti a ka han hawi vel chu, thutthleng hnuaiah a lo awm daih a! ka chhar a, ka dahtha ve lehta mai a.

Mahse, a hnuah, T.V. la en reng chungin ka ngaihtuah neuh neuh a, Thisen luang hmuh ruala ka Hnar thi luang thla ve ta nghal mai chuan mi rap ta riau a. ka ngaih a tha ta lo va, hlau deuh chung leh Hmulthi ding ur ur chungin ka mu ta daih a, thil tha lo dang chu a thleng zui ta em lo a ni.

Coincidence chi khat, Thil mak ve tak chu niin ka hria.Chutih ruala mak ve tak dang awm chu, chu thil ka tawh hma thla lawk khan, ka zan mu lai hi ka thangharh thut a, Light off thim vek leh Tholen zar kani a. ka harh thut a, ka meng chuan, ka bulah fiah lutuk lo hian, Hmeichhia niawm tak ding deuh zur hi ka hmu a.

thophang mitvai a nih takin tiin ka mit ka khap nasa mai..mahse, a la ding ta reng a, Minute khat dawnah a rawn kun hniam a, ka hmel enchian tum ni berin ka hreta a. ka hlau lutuk chu, inkhuh nachang pawh ka hre hman tawh lo, ka maimitchhing tawp a. ka meng leh anga a min lo bih hnai kur chuan, tih ngaihna a awm ta chuang lo, au vak chungin, thih leh thih tiin ka bawh nghal rawp rawp ang e tiin ka meng leh ta riai riai chu, a lo bo ta daih mai a ni.

tun thlengin ka mitvai nge ni ang, ka thil hmuh kha ramhuai tak tak ni zawk aw tiin ka la ngaihtuah ve fo thin. Mak ve khawp mai.A hmun chu ka sawi lo mai ang, intihmualpho tumna angah a ngaih theih dawn tlat.Kha kan in luahna neitunu kha tun hma deuhin a thi tawh a, a Thla hmu pawh an lo awm tawh thin a, khami in kha a kang vak tawh bawk.

chubakah, ka Nuleh ka naute pawhin thil mak ve tak tak chu an hmu ve thin hlawm tho mai. Mahse, insiamchhe zawng leh chiang fek fawk erawh chuan tuma'n kan la hmu ngai lem lo. Naupang dawihzep phah kan hlauh deuhavangin, kan ti tiho chang pawhin kan sawichhuak tha duh vak lo thin a ni.In Malsawm lo ve tak chu a nireng reng mai! Ka'n sawi chho treuh ang e.

A neitunu ber a thi a, a Unaunu te chhungkua a luahtir a, a kangleh ta vak a. chumi hnuah pa ber a thi a, an makpa a thi leh a, an fapa a thi leh a, an awmpui thin an Laina hnai ve tak a thi bawk. chumi hnuah, an inluahtute zinga chhungkaw pakhata an pa ber a inawkhlum a, chumite monu chu a thi leh a. Chubakah, a inluahtutehi Zuruih ching leh buaina siam ching an ni deuh vek a.

in chu chhawng 4 a ni a, Zan tin deuh thaw hi kan buai leh nuaih nuaih thin. he he..kei pawh in ka chin ve zeuh zeuh lai a nia. kan luahna chung chiah floor atangin, Hmeithaiin Verandah-ah puan a zar a, rap sual palhin, a tla ta a, a insawhna lamah a Spinal Chord a sawh fuh a, a kaih vak a, hospital-ah kan kalpui nghal thuai a, a damchhuak leh hram nain, a pianphung a chhe zo ta vek a ni.

kan luahna lai floor chu chhungkaw hnihin kan inphelphawk a, a lehlam luahtute chhungkaw pa ber, zana a mu lai chu ramhuaihovin a bengah an pawthrep a, azan a zanin kan in lamah an rawn tlanchhe phei a, ramhuai chu an che zawm ta lem lo a ni. in chung lam atangin puitling hi vawi 3 ngawt an rawn tlatawh a, vanneihthlak takin, thi erawh an awm ngai lo thung.

a tawpah phei chuan, Zan khat chu, dar 10 velah, in Ban lai tak a bung thut mai a! a chim hlauvin, in dang luah tur kan zawng ta ruai hlawm a. Tichuan, in luahtute zawng zawng kan insawn chhuak darh zo ta vek mai a. tunah hian an thiat ta hial a ni. In Anchhe dawng ni berin ka hria!