MOST SCARY HAUNTED PLACE IN SINGAPORE

Singapore-ah hian in leh building luah tawh loh, in ram (abandoned and empty buildings)tam tak a awma.

Mitam tak chuan chung in thenkhatte chanchin chu hriat pawh an hre ta lo. Mahse, ka rawn sawi chhuak thar ve leh ang e. Chung zinga tam takte chu in hrang, ramhuai chenchilh (haunted house) an ni hlawm a ni. Heng hmun zingah hian i kal tawhna emaw, i hriat a awm em le?Chung in hrang leh ramhuai chenchilh in (house) zinga sawm (10)-te chanchin chu tawi te tein i chhiarho teh ang u le:

Singapore-ah hian coloured houses an tih mai hi hmingthang deuh deuh pathum a awm a, chungte chu: Red house, White house leh Green House te a ni.

1) The Red House - Red House an tih hi Pasir Ris-a awm a ni a, he in chhungah hian chair buk thei chi (rocking arm chair) hi a awm a, tun hma atang khan, chu chair-ah chuan milem leh sakei baknei pahnih lem thuin an dah tawh a. Mak ve tak mai chu, chung milemte chuan,chumi in compound-a lut ru apiang lam chu rapawm deuhvin an hawi thap zel thin a ni. Tunah pawh he in hi luah loh leh inruak a la ni reng tho.An luah duh loh chhan hi ngaihtuahtham a tling hial awm e.

2. White House an tih chhan chu, Punggol’s Matilda House tia an sawina a ni. (Mi thenkhat erawh chuan Old Changi Hospital tih an sawina te pawh an ti thung). Joseph Cashin chuan kum 1902 khan a sa a. Kum 1970 vel bawr atang khan luah tawh loh tan a ni. Thlarau sualin he in a chenchilh atang in, he ina luh tuma piang hi engmawti kawng zawng takin a that ta zel mai thin a ni. Tunah chuan hung that tlat ani a, engemaw thil tha lo thleng leh a awm palh takin tiin CCTVs an dah tawh a ni. Va kal ve reng reng suh.

3. Hill view Mansion - he in hi Hillview tlang chhipa awma ni a, Green House ti pawhin hriatlar a ni bawk. (Mi then khat chuan Blue House an ti thung). He in neitu hmasate chhungkua hi in kang ah an thi a ni. He inkang siam that leh hna hi chhunzawm a ni thin tak na a, thlarau sual vangin an zo thei meuh lo a ni.

He mimal inropui tak hi a kan tawh avangin, kum 2004 khan thiah ani a. Mahse, gate hlui leh lung tiankhawm ur chu a ngaingaia dah a la ni.coloured house an tih ang chi hi a dang Kam pong Glam-ah pawh a awm a, mahse, hei hi chu a hrang ve lem lo, he in hi Yellow House emaw, Mansion emaw, Gedung Kuning emaw te pawh an ti a ni.

Tun hmain Malay palace a ni thin a, kum 1860 chho vela sak khaa ni. He in hi mi hrang hrangin an inlei chhawng deuhduah tawh nghe nghe. A tawp berah Singapore sawrkarin kum 1999 khan a lei ta a ni. Tunah tak chuan Malay restaurant ah siam a ni.

4.Old Changi Hospital - hei hi kum 1935 khan British military hospital atan sak ani,indopui pahnihna hun laiaJapanese ho chak vanglai khan Japanese sipaiten an luah tlat tawh bawk. He hospital hi kum 1997 khan khar a ni a, a chhan chu heta damlo zawng zawngte chu Changi General Hospital tharah sawn an nih tak vang a ni.

Tun hmain he damdawiin chhunga damlo enkawlna pindan (ward) hrang hrangah mihringTe leh au vak vak ri an hriat thin mai bakah, hlimthla mak tak tak rawn inlarte an hmu thin bawk a ni. Thuthang atanga hriat dan chuan he damdawiinah hian Japanese sipaite khan mi tam tak nghaisain, an lotihlum thin a ni.

Tunah pawh he damdawiin hlui hi, luahlohvin dah ruah reng a la ni ta tho a ni.

5. View Road Hospital - he damdawiin hi rilru lama buaite enkawlna (mental hospital) a ni a, Admiralty-a awm a ni. Woodbridge Hospital atanga tanpuina in din a ni a, kum 1975 khan hawn tan a ni a, kum 2001 khan khar a ni. Rilru lama buai (mental patients)-te chu he hospital-ah hian chhuak thei lovin khungkhawmin, an enkawl ta thin a. Chutia khungkhawm an nih ang chiahchuan, an thlaraute pawh chuan he hospital hi an chhuahsan theilo va, hetah hian an awm hlen ta niin an ngai a. An hlau hle a ni. Tunah hian ram dang atanga rawn kalte thlenna hmun ah an siam a, a in hmingah pawh "View Road Lodge" tih a ni