Ka pa thianpa in hetiang Thlahrang /Ramhuai tih vel hi ka ngaihven tih a hria a...amah ngeiin lehkha puana ziakin min rawn pe a...ama ziah ang hian kan rawn post sak ang e.
Kum 1970 kum kha a ni a, ka fapa Remsiama pawh kum3 vel a ni ve tawh.
Naupang harh tak a ni ve tawh a, kan nu hian Remsiama chhang tur a pai lai a ni nghe nghe a, kan khua ah nula pakhat chu a ngaihzawng nen an intih thiam loh avangin kan khaw tawn tirh-a bung ah chuan a lo inawkhlum a, a then phei chuan amaha inawkhlum a ni thei dawn ami, ani lovang, an that phawt anga, inawkhlum angin an lantir aniang te an ti a...a inawkhlum chhan tak kha thuchiang a awm thei lo. Kan khaw nula fel pawl leh hmeltha pawl tak a ni nghe nghe a, khatia in awk hluma kan hmu kha mak tih a hlawh...a inawhhlum dan lah kha...a lei a seh tut lehnghal a, a mitko ding lam te kha a duk deuh chur lehnghal a, chung vel chuan ngaihtuahna a ti kal bing hle mai.
A ruang an lak thlak laite pawh chuan keipawh ka awm ve a, a tukkhum lai kha a dup vek lehnghal a, khami avang khan midang pawhin thah a nih hnuah khai a nih dawn hi tih rilru an pu vek ang ti ila, ka sawi sual kher lovng. A ruang kan han lumen pui a, a ruang kan lumen zan te chuan an kawmthlang kawr ruam ah te chuan sihal te a u ruah ruah reng a, a khat tawkin ui an bauh tuar tuar reng bawk. Lehlamah chuan chung thawm kan hria chu a ngaihthlak awm loh angreng..a nula te kha chuan an hlau niin a lang.
An inriak tur tlangval ho buaipui vel tur chuan kan upa ho chuan min ti a, keipawh chuan ka hnial lem lo, an mutna tur thleng ten ka lo buaipui vel a, tlangval ho pawh chuan ka awm chu an thlamuan ve deuh. Nuam an ti...kei lah pa tawngduh ve tak, fiamthu thawh peih ve tak, nawi ve thei tak ka ni a(tun ang laia watsapp an tih hi awmse, group ah min add ve ta se, a nawi berah ka tang thei hial ang tih vel a ni), chutiang khawpa pa ho ve tak chu ka ni. A tu a te mai pawh hian Pa Hluna Fiamthu ngaithla leh tawh ang....tiin kan ina lo leng tawk lah an tam.
Ka bula awm tawh chu ka lo chawk ho vek zel thin. Chutia tlangval khawhar in riak tur ka lo chiauau vel chu tlangval ho chuan "Pa Hlun, lo riak ve mai rawh...i fiamthu te kan ngaithla anga, a chakawm alawm tiin min chelh a, kei pawh chuan "Nia, ka chhungte ka han rawn ve phawt anga, rem an tih chuan ka lo riak ve dawn nia...ka ti a. Chhungte ka han rawn chu an lo remti ve mai a, mahse ka fapa Remsiama erawh chuan min lo ui deuhva..mahse a nu in a thlem a, ka chhukthlaksan ta a.
Khawhar in riak ve e ti ah chuan kan ho ber mai awm e. Ka fiamthu ah chuan a neitu te ber pawh chuan nuam an ti a, mut zai an rel thei lo a ni ber. Nu ber lahin "Hluna'n fiamthu a thawh tawh chuan mut pawh a chhuak thei lo a nih hi," tiin min han fak der vel a, kei lah chuan nuam ka ti tulh tulh mai a. Dar12 thleng rak fiamthu ka thawh chu, keipawh chu ka aw a lawi tan a, mut te pawh a chhuak ve tawh alawm le...khawnge mut zai i rel ve tawh ang chu tiin tlangval ho chu ka ti a, kham lo viau mahse a tlai tawh angreng si a, kan mu ta hlawm a. Kei chu an choka bul hnaiah ka mu a, kan mut hnu deih a niang...
dar2 bawr vel ni ta in ka hria...inriak tlangval pakhat kawngka bula mu chu a rawn rak tuar mai a, keini pawh chu kan harh vek a, amah lah chi hlauh neih ang mai hian a khur hlawk hlawk mai a. A thiante chuan a hnungah te an lo chul sak a, a meng a ruai mai bawk a. A in neitu te ber pawh chuan enge a chhan an hre chuang lo. A tuk khua a var chuan chu tlangval chu a in pu chhuak ta mai a. Tuman enge a chhan kan zawt ta chuang lo. A tuk leh zanah chuan tiang bawk chuan dar hnih bawr velah chuan ka piah lawka mu chu a rawn tre chhuak leh vak mai a.
A hma zana mi ang bawk chuan hlauh a nei a ni tih hriat khawp chuan a khur hlawk hlawk a, a tuk zingah chuan a in pu chhuak ve leh ta nghal a, khata tang khan tlangval khawhar in riak ho chu an tim deuh ta tlat mai. An hlauh ang ngeiin zantin mai chuan tlangval ho chu zing dar hnih velah chuan an awm ta ziah mai a, tlangval ho chuan khawhar in riah chu an hlau tan tawh. Kei chuan kan thlamuan vel a, engmah a ni lo ang tiin..
Kan hnem ve vel a, mahse a dawih deuh tan chuan khawhar in riah chu an huphurh ta deuhva...an in pu chhuak ta hlawm a. A in neitute pawh chuan mak an tiin an hrethiam lo hle mai a. Khawhar in riak pawh kan tlem ta phauh mai...kei nen 6 vel chiah kn riak tawh.
Zan a lo ni a, a ngai te bawk chuan fiamthu te thawhin kan nui leh uar uar a, mahse rilru tak chuan zaninah hian tunge rawn au chhuak leh tak ang maw...ka ti a. Zan a lo rei takah chuan kan han mu ve ta a. A dar zat tak kha ka chiang ta lo...
dar 2:15 vel niin ka hria, ka ke hnuai hi hiat za tu awm ang mai hian a rawn za a rawn za mai a, a tir chuan ka mutna bula an chhuat phah pirin a hawlh za niah ka ngai a, ka tho duh ta chuang lova, mahse chutia ka thawh duh tak lohvah chuan a aia nasa hian kut tin sei takin a rawn hiat ang hian a rawn za leh vak mai a, ka ning ta deuh chuan, tunge min ti buai reng chu ni tia ka tho phut chu an chhuat zau laiah hian kan riah chhan ber nula inawkhlum thita chu a lo thu tung a, min lo nuih then thu mai a, ka hmuh tirh chuan ka kat dawrh mai a, ka tiril a man a, ka hmulthi a ding a, ka mur chhuak chuai mai a.
A sam a thur in a hreu ru mai si, a damlaia a hmel that theih nen nen...a thih hnua a hmel nen chuan an inang tawh lo khawp mai, enftin nge ka sawi ang, a hmai te chu hamna hnuhma ang mai hian a in at tiam tuam a, a dang bul mai bawk si, ka mutna atang chuan thawh mai ka tum chu ka tho thei lo, vur khang ang mai hian ka khang chhuak vek ni berin ka hria...
ka ke pawh ka chet thei lo, ka lam pan chuan a rawn bawkvak phei ta, min en ru mai bawk si, a mit te kha a tung chho rut mai bawk a, a nihna takah chuan kei a patling pumpa takgial pawn ka hlau a ni. Zantin maia tlngval tre chhuak a tuk zinga in pu haw ta te chu ka ngaihtuah chhuak a, ka dem ta hauh lo mai. Min rawn hnaih zel a, min rawn hnaih zel a, ka hma zawn tak maiah chuan a thu a, min rawn en a, min han in siamchhiat khum tak tak mai chu thla neihah thlawh chhuah daih kha ka nap a ni.
A in siamchhe hmel chuan ka awmdan a ti buai a, ka mit sulh a, ka mutna ah chuan nikhawhrelo titih chuan ka mu ta hnawk mai a, ka khawhai a vai ruai tawh. Chutah ka chungah a rawn bawk vak chho leh ta zel. Kei lah ka buai phili tawh si nen, ka bula mu tlangval rawn harh hlawl chu a lo insiam chhiat khum ve bawk. Ani chu a tre ta teng tung mai a. In neitute an rawn harh bawk.
Midang an rawn harh bawk. Kan buai ta khawp mai a. In neitu pa ber chuan tukverha zuangchhuak lai tak chu a va hmu hman a, a va en zui vat a, mahse a mawngphe takngial pawh hmuh tur a awm zui lo. Kei erawh chu nikhaw hre lovin ka awm zui a, ka harh chhuah leh chuan zing dar 10 a lo ri tawh.
Tlangval in pu chhuak ta te ho chuan min rawn kan ve hlawm a, kan han sawikhawma, kan hmuh dan a lo inang vek hlawm a. Chubakah kan khaw mi ho pawn an lo hmu thin a ni awm e. Pa nih tawh nen, kha ta tang khan vawikhat mah khawhar in ka riak tawh ngai lo.
Kum 1970 kum kha a ni a, ka fapa Remsiama pawh kum3 vel a ni ve tawh.
Naupang harh tak a ni ve tawh a, kan nu hian Remsiama chhang tur a pai lai a ni nghe nghe a, kan khua ah nula pakhat chu a ngaihzawng nen an intih thiam loh avangin kan khaw tawn tirh-a bung ah chuan a lo inawkhlum a, a then phei chuan amaha inawkhlum a ni thei dawn ami, ani lovang, an that phawt anga, inawkhlum angin an lantir aniang te an ti a...a inawkhlum chhan tak kha thuchiang a awm thei lo. Kan khaw nula fel pawl leh hmeltha pawl tak a ni nghe nghe a, khatia in awk hluma kan hmu kha mak tih a hlawh...a inawhhlum dan lah kha...a lei a seh tut lehnghal a, a mitko ding lam te kha a duk deuh chur lehnghal a, chung vel chuan ngaihtuahna a ti kal bing hle mai.
A ruang an lak thlak laite pawh chuan keipawh ka awm ve a, a tukkhum lai kha a dup vek lehnghal a, khami avang khan midang pawhin thah a nih hnuah khai a nih dawn hi tih rilru an pu vek ang ti ila, ka sawi sual kher lovng. A ruang kan han lumen pui a, a ruang kan lumen zan te chuan an kawmthlang kawr ruam ah te chuan sihal te a u ruah ruah reng a, a khat tawkin ui an bauh tuar tuar reng bawk. Lehlamah chuan chung thawm kan hria chu a ngaihthlak awm loh angreng..a nula te kha chuan an hlau niin a lang.
An inriak tur tlangval ho buaipui vel tur chuan kan upa ho chuan min ti a, keipawh chuan ka hnial lem lo, an mutna tur thleng ten ka lo buaipui vel a, tlangval ho pawh chuan ka awm chu an thlamuan ve deuh. Nuam an ti...kei lah pa tawngduh ve tak, fiamthu thawh peih ve tak, nawi ve thei tak ka ni a(tun ang laia watsapp an tih hi awmse, group ah min add ve ta se, a nawi berah ka tang thei hial ang tih vel a ni), chutiang khawpa pa ho ve tak chu ka ni. A tu a te mai pawh hian Pa Hluna Fiamthu ngaithla leh tawh ang....tiin kan ina lo leng tawk lah an tam.
Ka bula awm tawh chu ka lo chawk ho vek zel thin. Chutia tlangval khawhar in riak tur ka lo chiauau vel chu tlangval ho chuan "Pa Hlun, lo riak ve mai rawh...i fiamthu te kan ngaithla anga, a chakawm alawm tiin min chelh a, kei pawh chuan "Nia, ka chhungte ka han rawn ve phawt anga, rem an tih chuan ka lo riak ve dawn nia...ka ti a. Chhungte ka han rawn chu an lo remti ve mai a, mahse ka fapa Remsiama erawh chuan min lo ui deuhva..mahse a nu in a thlem a, ka chhukthlaksan ta a.
Khawhar in riak ve e ti ah chuan kan ho ber mai awm e. Ka fiamthu ah chuan a neitu te ber pawh chuan nuam an ti a, mut zai an rel thei lo a ni ber. Nu ber lahin "Hluna'n fiamthu a thawh tawh chuan mut pawh a chhuak thei lo a nih hi," tiin min han fak der vel a, kei lah chuan nuam ka ti tulh tulh mai a. Dar12 thleng rak fiamthu ka thawh chu, keipawh chu ka aw a lawi tan a, mut te pawh a chhuak ve tawh alawm le...khawnge mut zai i rel ve tawh ang chu tiin tlangval ho chu ka ti a, kham lo viau mahse a tlai tawh angreng si a, kan mu ta hlawm a. Kei chu an choka bul hnaiah ka mu a, kan mut hnu deih a niang...
dar2 bawr vel ni ta in ka hria...inriak tlangval pakhat kawngka bula mu chu a rawn rak tuar mai a, keini pawh chu kan harh vek a, amah lah chi hlauh neih ang mai hian a khur hlawk hlawk mai a. A thiante chuan a hnungah te an lo chul sak a, a meng a ruai mai bawk a. A in neitu te ber pawh chuan enge a chhan an hre chuang lo. A tuk khua a var chuan chu tlangval chu a in pu chhuak ta mai a. Tuman enge a chhan kan zawt ta chuang lo. A tuk leh zanah chuan tiang bawk chuan dar hnih bawr velah chuan ka piah lawka mu chu a rawn tre chhuak leh vak mai a.
A hma zana mi ang bawk chuan hlauh a nei a ni tih hriat khawp chuan a khur hlawk hlawk a, a tuk zingah chuan a in pu chhuak ve leh ta nghal a, khata tang khan tlangval khawhar in riak ho chu an tim deuh ta tlat mai. An hlauh ang ngeiin zantin mai chuan tlangval ho chu zing dar hnih velah chuan an awm ta ziah mai a, tlangval ho chuan khawhar in riah chu an hlau tan tawh. Kei chuan kan thlamuan vel a, engmah a ni lo ang tiin..
Kan hnem ve vel a, mahse a dawih deuh tan chuan khawhar in riah chu an huphurh ta deuhva...an in pu chhuak ta hlawm a. A in neitute pawh chuan mak an tiin an hrethiam lo hle mai a. Khawhar in riak pawh kan tlem ta phauh mai...kei nen 6 vel chiah kn riak tawh.
Zan a lo ni a, a ngai te bawk chuan fiamthu te thawhin kan nui leh uar uar a, mahse rilru tak chuan zaninah hian tunge rawn au chhuak leh tak ang maw...ka ti a. Zan a lo rei takah chuan kan han mu ve ta a. A dar zat tak kha ka chiang ta lo...
dar 2:15 vel niin ka hria, ka ke hnuai hi hiat za tu awm ang mai hian a rawn za a rawn za mai a, a tir chuan ka mutna bula an chhuat phah pirin a hawlh za niah ka ngai a, ka tho duh ta chuang lova, mahse chutia ka thawh duh tak lohvah chuan a aia nasa hian kut tin sei takin a rawn hiat ang hian a rawn za leh vak mai a, ka ning ta deuh chuan, tunge min ti buai reng chu ni tia ka tho phut chu an chhuat zau laiah hian kan riah chhan ber nula inawkhlum thita chu a lo thu tung a, min lo nuih then thu mai a, ka hmuh tirh chuan ka kat dawrh mai a, ka tiril a man a, ka hmulthi a ding a, ka mur chhuak chuai mai a.
A sam a thur in a hreu ru mai si, a damlaia a hmel that theih nen nen...a thih hnua a hmel nen chuan an inang tawh lo khawp mai, enftin nge ka sawi ang, a hmai te chu hamna hnuhma ang mai hian a in at tiam tuam a, a dang bul mai bawk si, ka mutna atang chuan thawh mai ka tum chu ka tho thei lo, vur khang ang mai hian ka khang chhuak vek ni berin ka hria...
ka ke pawh ka chet thei lo, ka lam pan chuan a rawn bawkvak phei ta, min en ru mai bawk si, a mit te kha a tung chho rut mai bawk a, a nihna takah chuan kei a patling pumpa takgial pawn ka hlau a ni. Zantin maia tlngval tre chhuak a tuk zinga in pu haw ta te chu ka ngaihtuah chhuak a, ka dem ta hauh lo mai. Min rawn hnaih zel a, min rawn hnaih zel a, ka hma zawn tak maiah chuan a thu a, min rawn en a, min han in siamchhiat khum tak tak mai chu thla neihah thlawh chhuah daih kha ka nap a ni.
A in siamchhe hmel chuan ka awmdan a ti buai a, ka mit sulh a, ka mutna ah chuan nikhawhrelo titih chuan ka mu ta hnawk mai a, ka khawhai a vai ruai tawh. Chutah ka chungah a rawn bawk vak chho leh ta zel. Kei lah ka buai phili tawh si nen, ka bula mu tlangval rawn harh hlawl chu a lo insiam chhiat khum ve bawk. Ani chu a tre ta teng tung mai a. In neitute an rawn harh bawk.
Midang an rawn harh bawk. Kan buai ta khawp mai a. In neitu pa ber chuan tukverha zuangchhuak lai tak chu a va hmu hman a, a va en zui vat a, mahse a mawngphe takngial pawh hmuh tur a awm zui lo. Kei erawh chu nikhaw hre lovin ka awm zui a, ka harh chhuah leh chuan zing dar 10 a lo ri tawh.
Tlangval in pu chhuak ta te ho chuan min rawn kan ve hlawm a, kan han sawikhawma, kan hmuh dan a lo inang vek hlawm a. Chubakah kan khaw mi ho pawn an lo hmu thin a ni awm e. Pa nih tawh nen, kha ta tang khan vawikhat mah khawhar in ka riak tawh ngai lo.
On 09 september 2024, at 03:26, Anonymous commented on 
0 Comments
I ngaihdan han thawh ve teh le!