KA AWMPUI RENG ANG CHE U! TIIN ASAWI LAWK!!!

An sawi dan chuan truck khalhtu, pa upa lam khan a motor light a down lo a, chuvang chuan he kawngpuiah hian he car hi a acident phah ta a ni awm e.Khawpui hmawr fem mai a nih bakah pan awlsam lai a nih avangin fire motor bakah ambulance leh police motor an rawn chiau nghal vawng vawng a.

Chutiangthawm chi hrang hrang ri nuaih nuaih karah chuan,"Lalpa, khawngaih takin ka fate kha chhanhim hram rawh," tih chu chiang takin a hriat theih a."Lalpa, khawngaih takin ,khawngaihtakin,,,,ka fapate kha thih tir lul suh!"Nu pakhat chu car accident chhung aṭang chuan theileh thei loin chhuah a tum mek a.

A seat belt chu a hren ngheh deuh avangin a phelh mai thei lo a. Chutia a inbuaipui pah chuan, a fapa, phirte ṭhutna, motor hnung seat chu a va melh ṭawk ṭawk a. Tumah hmuh tur an awm lo, darthlalang keh nuaih chauh lo chu!Car insawh nasa lutuk khan a fapate pahnih chu pawn lamah a vawrh chhuak a ni thei mai ang em?

Seat hnunglam chu a'n hawi leh ṭawk ṭawk a. Darthlalang keh them leh seat sâwp nulh chauh lo chu hmuh tur a awm si lo. A'n hawi kual vel ngial a, naupang ṭap thawm hriat tur pakhat mah a awm lo a, a fapate hmel reng reng hmuh tur a awm lo."Lalpa, ka ngen a che, ka fate kha thih tir lul suh aw!"Kangṭhleh motor rawn thleng hmasa ber aṭang chuan pa pakhat chu hmanhmawh takin a rawn zuang thla a.

Au thawm chu hriain chhuah tuma theihtawp lo chhuah mek nu chu a seat belt a cheh chah sak a, a la chhuak ta thuai a. Seat hnung lam sâwp nulh chu a en thuak a. Tumah chhan tur an awm lo, seat belt pawh ṭha takin a awm thlap mai.A chhanchhuah hlim hlawt nu chu accident avangin a thluak a buai ang a, a fate a phur emaw a inti a ni ang, tih ringin chu nu chu thu zawhfiah a tum a. A chhanchhuak hlim hlawt kha a ni si a. Hmuh tur reng reng a lo awm tawh lo.Police motor pakhat aṭang chuan pa pakhat a lo chhuak a.

Nu pakhat, "Khawngaihtakinka fate min zawnpui r'u" tia rawn au tuar tuar nen chuan an insu ṭep nghe nghe a."Phir an ni a, kum 4 mi an ni. Kawr pawl an ha a, chutiang rawng bawk jeans an ga ve ve bawk, khawngaihtakin min ṭanpui r'u," a rawn ti phei tuar tuar a.Police car dang aṭang chuan, "Hetah i mi sawi ang chu an awm e. Ka car chhungah an awm alawm. A pa-in a rawn pawm phei a, ka car hnungah him takin an awm e. A pa chuan eitur a pe ve ve a.

A kal leh thuai a ngai avangin a nu rawn thlen thleng lo nghak turin a hrilh a. An pahnihin an ngaihtuahawm loh e," arawn ti var a.Chu pa vek chuan, "A pa kalsawn leh vat chu umzui mai ka tum a, ka hmu zo ta hauh lo mai a. Hei, ka zawng kual ngial a, hmuh tur reng reng a awm lo. Helai hmun hi a tlanchhitsan ni ngeiin ka ring. A pawika ti khawp mai," a tih zawm nghal zung zung a.

Nu ber chuan lawm avanga a bianga mittui luang ngiai ngiai chung chuan a fapate chu a kuah ngawih ngawih a. Rawn hawi chhuak chuang mih loin, "A tlanchhiat san lo tawp ang. Kum tam kalta khan min boralsan tawh alawm," a ti ta mai a.Police-ho chu an inmelh phawk ta hra hlawm a,"Chutiang,,,a awihawm loh em mai a," an ti ru sap saphlawm a.

Naupangte pahnih chuan an nu hnenah chuan, "A pa a lo kal a, kan hmaa motor light a lo en khan min pawm chhuak. Engtin mah i awm loh tur thu min hrilh a. Kan bula awm ve reng turin kan ngen a. Mahse, nghet deuha min kuah pahin, hmun danga a awm a ngaih thu leh, engtikah emaw chuan kan hriatthiam tur thu min hrilh a.

Chuan maw, a nu,,, 'ka awmpui reng che u' a ti a. Chu chu hrilh tur chein minti a," an ti a.Chu nu chuan an pa boral dawna a thihna khuma a ṭawng kam hnuhung ber kha a hrechhuak zawk a, "Kaawmpui reng ang che u," a tih kha a bengah a rawn ri nawn awn awna.Mittui tla zawih zawih chungin a fapate chu a fawp a. A fate thusawi chu pakhatmah rinhlelh a nei lo, thudik an sawi tih a hre si a.

Fireman chuan car sawp nulh mai leh a chhunga chuang nu pakhat leh a fapa te pahnih him piala an dan chu report ziah ngial a tum a. Tihngaihna a hre hlawl lo. A tawpa tawpah chuan, zanin hian vantirhkoh a rawn inlar a ni, tiin a tlip ta ngawt a ni