MAK H DANGDAI

@@. Kum 1975 khan England ramah Car a accident a. Hmeichhe naupang kum 11 mi Joanna Pollock leha nau Jacqueline Pollock kum 6 mi chu an thi a. A kum lehah chuan an nu chuan nau paiin Phir a hring hlauh mai. Pakhat zawk Jennifer chuan an u boral ta Joanna kha a ang em em mai a. A hmel, vun rawng, sam leh khuavang chhin chhiah awmna thlengin a thuhmun. Pakhat zawk Gillian pawh chuan an u boral ta pakhat zawk Jacqueline a ang em em mai a.A lo piang nawn leh ni hialin an sawi thin. An lo len deuh hnu ah pawh an u te thihsan thawmhnaw leh toys te chu an duhzawng a rawn ni ve chiah zel anih chu..

@@. Kum 1963 khan San Fancisco a Alcatraz Federal Jail guard pakhat chuan Jail tang 3 Clarence, John leh Frank te chu an awmna Cell a va check a. An lo muhil bam hlawm a. Engmah sawi lovin a kalsan leh mai a. Mahse ngaihthat lohna a neithut a, a va let leh kher a. Mi 3 mu te kha anmahni anlo ni miah lo. Anmahni ang tak tura Sah bawn ( Faina Sahbawn. ) leh toilet paper hmanga siam an lo ni a. An mahni chu an lo tlan chhuak daih tawh. Khatiang taka anmahni ang tura siam thiam kha Jail tang zingah an awm nge anmahni kha thilsiam thiam tak an ni tih chu an chhui chhuak zo ta lo..

@@. China rama Sichuan Province a Yangsi khuaah chuan mihring 80 vel an cheng a. An zinga zatve vel chu mite (dwarf) an ni tlat. Sawi dan chi hrang a tam a. An rin dan chuan he khuaah hian kum 60 kal ta velkhan hri mak tak a leng a. Naupang kum 5 - 7 in an tuar zual. Chu hriin a man te chu an thlahte an thang lian hleithei lo niin an sawi. Puithuna atthlak taka Pathian thin an tih ur avanga an thlahte chunga thil thleng nia ngai an awm bawk. Puitling pawh Feet 3 vel a sang an ni tlangpui. China Sawrkar pawhin hun reitak chhung chu tlawhpawh a khap hial a ni..

@@. Kum 1983 khan factory neitu pakhat George Schwartz chu a factory a thil puak avangin bang chimin a delh a. Damdawiin ah first aid pek niin, dam dawiin a chhuahsan veleh a factory ah chuan File pawimawh zawngin a va kal leh a. A hma lawka bang chim khan a lo tiderthawng tawh a ni chek ang bang chim bula a din lai chuan a sira mi rawn chim lehin a delh hlum ta hlauh a ni..

@@. Kum 1981 khan Pisa, Italy a cheng Romolo Robolla kum 42 mi chu eizawn na mumal a neih loh avangin a rilru a hah hle a. Intihhlum mai hreh lovin a silai kengin choka ah thu ran mai a. A nupui chuan a thiam ang tawk tawka hnemin intihlum lo turin mittuitla zawih zawihin a thlem a. Darkar khat vel hnu ah chuan inchhir taka rawn ding chhuakin a silai chu chhuat ah a paih thruai a. Mahse a silai chu leiah a insawh puak hlauh. Silaimu chuan a nupui lu ah tak fuhin a thih phah ta zawk a ni..

@@. Kum 1983 khan New York bula lawka cheng Mrs. Carson chu Lung na avangin a thi a. Chhungkhat laina ten a ruang an kil laih a. Chutia an kil lai chuan Mrs.Carson chu rawn harh lehin a rawn thu chhuak hlawl mai a. A ruang kil ve tu a fanu chu a phu nasa lutuk a, a tlu tawp a, a thi zui der mai..

@@. Kum 1977 khan New York ah pa pakhat chu Carin a su a. A hliam na lutuk lo na a, a bula lo awm ve mi pakhat chuan 'accident claim na ah pawisa i hmuh tam theih nan na taka anga langin motor ke bulah kha mu hrih rawh' a ti a. Ani pawh chu na awmtakin a mu ve mai bawk a. Mahse vanduaithlak takin motor chu a lir thut a, a chil hlum zui ta a ni.!!.

@@. Turkish filmstar Sommez Yikilmaz chu ramhnuaia film an channa hmun ah zana an muthilh laiin a lo ang phuau a ni mahna. A ka ah chuan rul dum a tleng lut a. A hrawkah a tang a. X-ray a lan danin rul chu la nung ngei niin a hriat a. Lak chhuah danah an buai hle mai. Mahse Sommez chuan hmanlai tihdan chikhat apply a duh tlat. Amah chu letlingin an khai a. Bawnghnute chhuan so in an ur a.Bawnghnute rim avang chuan rul chu muangchangina rawn tawlh chhuak ta a ni..

@@. Bulgarian thu ziaktu lar tak mai Georgi Mirakov chu London ah pemin Bulgarian Communist sawrkarchu thu ziak hmangin a tibuai thin hle mai. Bulgaria sawrkar chuan man chhuah a, tihhlum ngei an tum avangin Mirakov pawh a fimkhur hle. Kum 1978 khan London kawtthler ah Bus stand a a din laiin mi pakhat Nihliap hawl bauh bauh hi a lokal a. Tihpalh ni awm takin Mirakov kephah ah chuan a nihliap hmawr zum chuan a chhun zauh a. Ngaihdam a dil hnu in a kal liam ve leh mai a. Mahse a hnu lawkah a kephah chu a rawn thi ser ser a. A ke chawn vel chu a rawn duk chho a. Damdawiin a investigation an tih chuan tûr chak lutuk a thisen ah a lut tih an lo hrilh a.Chumi ni atanga ni thum na ah Mirakov chu a thi zui ta a ni..

@@. Serbia mi Peter Blagojovich chu lo neitu a ni a. A thih hnu ni 8 chhungin an khua mi 9 ngawt mai an thi a. An ngaihdanah chuan zanah Peter chu lokalin an hrawkah a rawn seh thin niin an ring a. An rinhlelhna a nasat em avangin ni 8 an phum tawh chu an hai chhuak leh ta a. A taksa chu damlai taksaang maiin a la thar lam a. A hmui velah thisen a la kai nuaih bawk a. A lung (heart) ah chemte in an vit tlang a. A taksa chu an hal ral ta a ni..

@@. James Washington chu thubuai chi hrang hrang avangin Jail ah a tang a. Heart attack a neih avangin a hriselna a tla hniam chak hle a. Thi mai tura a in ngaih avangin Jail guard a ko va. Kum 1995 a tualthahna an chhui mekah mawhphurtu ber anih thu te a inpuang ta vek a. Mahse a natna chu an enkawl dam leh roh sia a inpuanna avang chuan damchhung tang turin a chung thu an rel ta zawk a ni.