KA MIT VAI CHU ANILO ASIN!!

Hrisel lohna avangin damdawi in te kan han awm ve leh ren rawn a, thian fel tak tak ten min rawn tlawhna karah pawh kan titi(kan sawi duh chu) eng dang hi a ni lo, tawn hriat lampang mawlh hi kan sawi chhuak leh nge nge thin.

Chuta kan thianpa in kumin April thla-a a thil tawn hi kan thailan sak leh ange. Ama sawi angin sawi ve mai ila!!
Tun kum April thla kha a ni a, kan thawhpui nu hian khaw pakhat(hming thup) ah hian pasal a nei dawn a, keini phei chu a phur phurah kan țang a, chubakah kan thawhpui ve tho(kan thianpa) patea te awmna a nih avang chuan kal ve ngei kan tum a, kan thiannu(monu tur) te kal hma chuan a pasal neihna tur khua chu kan kal a, kan thianpa patea te inah chuan kan thleng a, rin aiin chu khua chu khaw nuam ve pangngai tak hi a ni, a khawtlang lah a zau in, hawi thawvenna tur lah nise hmun tam tak a ni a, kei lah chhass nen lo in tih sur ha(inbauh) lai lo ni nen khua chu a har duh ngei mai.

Mahse thiante an fel a, anni chuan ka khawhar chu an hnem ngei mai, duh ang pawn khawhar ka hre hman lo hi a ni deuh ber mai. Thiannu te inneih hma chuan tiin kan thianpa cousin(a patea fapa) chuan luiah te min kal pui a, nuam kan ti hle.

Zan khat (kan thiannu te inneih hma zan) chu khua a lum angreng nen, mut a har khawp mai a. Kei phei chu khaw lum tuar thei lo mi lo ni bawk nen, khaw lum lutuk chuan ka mut a ti chhuak lo a ni ber mai. An sitting room thutthleng seia mu ka ni bawk nen, puan pawh ka sin peih lo. Boxer chauh ha chuan ka mu a, ka ngaihtuahna ah chuan ka thiannu(ka chhass) nena kan in tih thinrim dan chu ka chhui kir a, ka in ngaihtuah thinrim chu ka tho chhuak a, khaw lum bawk si nen,

pawnah thlifim dawn tur a awm takin tiin ka phone leh ear phone ka la a, hla ka ngaithla a, ka phone sana ka en chuan dar 1:30 hi a lo ri vu tawh a, 'Ho em mai, ka chhuak hla pawh ni hlei lo, an pawn veranda ah thlifim dawn pah chauh a ni mai,' ka ti rilru a, ka thianpa patea te in hi kawng an mai a ni a, an inah zan reh pawh a sawi theih lo, motor tlan thawm a awm reng bawk a, a khawhar thlak em em lo, an pawn veranda-a thu a, ka phone hla ngaihthlak pah chuan motor lo tlan vel chu ka thlir a, chung lam kan hawi chhoh a leh van lamah arsi a lo phe uar mai a, chung chuan ka thiannu chu min ti ngai a.

Chutia hla ngaihthlak paha veranda-a ka vei ka vei lai chuan nula pakhat la upa vak lo, la tleirawl hmel deuh hlek jeans paw dal leh tshirt var hian "Thianpa, khawngaihin ka lo be lawk che," hi min rawn ti a, kei chuan ka ear phone vuah phawi pah chuan "Eng nge ni ta, buaina i nei ami, thiannu," ka ti chu....chu nula chuan "Mi in zawn ka nei a, zawn dan pawh ka thiam lo, hemi khua hi ka ni ve bawk si lo, kawng ka bo deuh titih bawk nen, min zawnpui thei ang em?," min ti chu, "Aahh keipawh hemi khua hi ka ni bik chuang hlei bem, inneih hmang tura zin ve mai ka ni a, engtin nge ka hriat bik ang, chubakah zan te a rei tawh sia, eng tin nge nangni ang nula tunang hunah an chhuak ngai ami," ka lo ti chu...

chu nula chu a kûn ngáih a, a rawn hawi chhuak leh chu "Zan tir atanga thiante nena leng khawthawng tura chhuak kan ni a, engtin nge kawng ka bo dan pawh ka hre bik lo; a nih min zawnpui hman lo a nih chuan, ka kal mai ang e, ka lawm lutuk tho e," ti chuan a kal leh ta nghal a, chutia a kal hnu chuan ka rilru ah "Hmeichhia te an ni a, chubakah an la naupan hmel si a, kawng lo bo tak tak ta se, tawhsual te hi a tawk mai lawn'g maw," tiin ka ngaihtuah a,

va umzui mai ka rilruk a, in chhungah ka lut a, ka tshirt ka va la a, ha tha mawlh mawlh pah leh a kalna lam tur chhui zui pah chuan ka umzui ta rawih mai a, chutih hun lai chu mi muttui zual lai tak tur a nih vang nge kawngpui chu a reh hian a reh tlawk tlawk mai a, mahse khauchher ri erawh hriat tur a awm a, kal pah chuan ka hawi kual ruai a, ka mit ka len vela tumah hmuh tur reng an awm lo, ka kal zel a,

ka kalna chin chu ka chhinchhiah ve zel a, kawngchhak ah hian step thui tawk zawh chhoh tur hi a awm a, a bul velah chuan in pakhat te chauh hi a ding a, a bak zawng chu an khaw mite hovin huan an neihna hmun hi a ni a, ka rilru ah chuan kha nula ber kha hmuh tur a awm si loh chuan kir leh mai ka rilruk a, chutia ka in her tur chiah chu, chu step piah deuh hlek kawngsira hnung lam hawi zawnga mi pakhat țhu hi ka va hmu vuai a, ka va en chiang leh chu "Saw lai mi saw a nih ngei dawn saw," tiin a lam ka va pan chu, amah chu a lo ni ngei a, a lo țap feih feih a,

kei chuan "Hetah i lo awm a ni maw, thiannu, ka ngaihtuah deuh che a, ka rawn zawng tawp che a nih hi," ka ti chu ka lam rawn hawi pah chuan mi hi a rawn kuah thlawp a, in hnit faih faih pah chuan "Thianpa ka lawm lutuk, min rawn zawng chu, ka thla a lo phang ru tawh asin," a lo ti a, kei pawh chuan hnem pah chuan "Nia, khatia ka lo ti ringawt che kha ka in thiam lo khawp mai, khatianga hau ringawt tur che kha ka ni lo asin, min ngaidam dawn nia ka tihpalh a ni e," ka ti a, ka hnem mawlh mawlh a, 'I thlenna in chu tunah kan zawng dawn em ni, i duh em?' ka ti chu a tho rang khawp mai a, min nuih ver ver pah chuan 'Zawng ila' a ti a, a in thlenna zawng pah chuan kan titi a, kei chuan 'I thlen in te pa ber hming i hria em?' ka ti chu,

ani chuan 'Aw, hria e, Pu Sangkhuma,' a ti a, chutia kan kal zel lai chuan kawng sirah hian pa pakhat hian a BAWNG a lo thlung tha ni ngei tur a ni, chu chu ka va zawt a, 'Ka pu khawi lai nge Pu Sangkhuma te in hi' ka va ti chu, min lo hrilh ve mai a, kan kal hnu chuan ka va hawi let chu mak tih hmel deuhva min lo thlir vauh vauh chu ka va hmu a, Pu Sangkhuma te in kan thlen chuan, "Helai thleng hi lokal mai rawh, thianpa ka lawm lutuk aw," a ti a, kei pawh chuan "Awle kei pawh ka kal ange, naktuk ah remchang ah rawn rim che ka tum dawn nia," ka ti fiamthu a, a nui var var a, kawngkapui hawng chuan a lut ta daih a, ka rilru ah chuan kha nula kha a ka vei țan riau hian ka hria, ka kal tawhna chhui let chuan ka thlen in chu ka thleng ve thei hram a, chutih lai vel chu dar 3:45 vel a ni. In chhungah lut chuan mutmu ka tuah ve ta a.

A tukah chuan ka thianpa sawm chuan nizana ka nula hmuh/kawm te thlenna in chu kan va kal a, nizana kan in kawm khan a hming zawhna chang reng reng ka hre lo a, a hming pawh hre lo chuan kan va leng lut rawih a, in chhung nu ber a niang chu a ni chuan "Eng maw in lo kalna chhan?," min ti a, kei chuan Nizanah in mikhual nula kawng bo ka rawn hruai haw a, khawnge amah hi a awm, ka hmu duh deuh a," ti chuan frank deuh chuan ka sawi ta pawp mai a, nu ber leh in chhunga lo awm ve te chu an in en hel hawl a, chu nu chuan "Chutiang mikhual kan nei lo reng reng, i hai a ni lo maw, Vala," min ti chu kei chuan "Ka pi, ka hai miah lo, nizanah in in kawt thleng hi ka rawn thlah hial asin, kawng ka pui saw a hawng a, a rawn lut a nih kha," ka ti chu mak an ti leh zual, an nula pakhat chuan "A hming i zawt em?" min ti a,

"Zawhna chang ka hre lo a, ka hre miah lo," ka ti a, chu nu bawk chuan "Eng ang pian zia nge eng ang hmel pu nge?" tiin min zawt a, kei chuan kimchang deuh chuan a pianzia ka sawi a, an nula chu room ah a lut a, album hi a rawn keng chhuak a, a han keu a, min hmuh pah chuan "Hei hi em ni, i hmuh chu?," min ti a, kan en chiang chu a lo ni ngei mai a, "Aw hei ngei hi a nih hi, engtin nge a thlalak i neih?," ka la ti let zawk a, nu ber chuan "Ani kha Sawmpuii a ni, ka fanu naupang ber a nih hi, a boralna kum thum lai a liam tawh asin...i mit vai i hmu sual te a ni lo maw?," min ti chu, kei chuan "KA MIT A VAI LO asin, ka pi, a boral tawh maw ka ti hel hawl a," mak tihna nen hlauh rukna nen ka khat nghal a, chu nu bawk chuan "Kum thum liam ta khan accident in a boral alawm," a ti chu...

kei chuan "Ka pi, sawi zawm tawh suh, kan kal mai ange," ka ti a, rang lutuk in ka tho chhuak a, ka kal ta daih a, ka thianpa pawh chuan min rawn zui a, kan haw kawngah chuan nizana bawng lo thlung tha tu kha ka hmu a, "Ani chuan, Vala nang hi tiraw nizana Pu Sangkhuma te in min zawt tu kha," min ti a, kei chuan "Aw" ka ti chu, "Nang mah chiah khan i kal bawk sia, i țawng mawlh mawlh bawk sia, mak ka ti lutuk che a,"min lo ti deuh deuh Hlauh ruk tawh mah nak alaiin ka thianpa lah chuan" I mit vai a, i hmu sual a ni lo maw?" min ti leh chu thin rim tawkin "KA MIT A VAI LO," ka ti bul hmuk....

Khata tang khan zan reh hnuah chhuah leh zan reh hnua hmeichhe biak chu khawi lam a hlauh hian ka hlau hliah hliah tawh.