LAWNGLIAN CHHIATNA TAWK HRANG TA-TE

Khawvelah hian in luahlai chauh nilo. thildang pawh a hrang nasa in chung zingah chuan lawng lian accident tawk ta te leh a hran zui dan tlem i tarlang dawn teh ang:--

RMS QUEEN MARY:-
(The Gray Ghost)
~~~

Queen Mary Lawnglian hi John Brown & Company Clydebank scotland ami in kum 1936 a an siam/sak zawh tak kha a ni a. Hemi kum vek hian Atlantic tuipuiah azinkawng chu zawh tanin vawi 1,0001 lai mai veivakin kum 1963 khan HMS Curacos British Lawnglian nen Insu palhin Atlantic tuipui zau tak hmunah chuan Chhiatna rapthlak tak a tawk ta a ni.

World war II hun lai khan He lawng Queen Mary hi Indona Lawng(War-ship) ah hmangin arawng pawh a Buang(Gray) a ni nghe nghe-a, Sipai thiar kual vel nan a hman rim ber a ni bawk bakah rawng Buang an lo hnawih kher kher vangte pawh hian The Gray Ghost tiin a hming hi an phuah belh a. Dictator Adolf Hitler-a chu he lawng lian hian angaih ati tha thei ngang lo a, Tuipui a tipil theitu hnen apiangah Pound 260,000 lai mai pek a lo tiam a, chu mai bakah German Sipai chawi mawina sangber nen lam atiam tel bawk tawh a.

He Indopui Hunlai hian Atlantic tuipuiah hian Submarine (tuihnuailawng) an tam em em a Chuvang chuan a cross/zik-zak in tlantir thin a ni, Hetia sipai phur a tuipui lam zin kawng azawh lai hian HMS Curacao Lawng passenger phur nen insu palhin Civilian mi 300 lai mai in nunna an chan phah a. Curacao zawk hi tuipui a pil bo-ah chuan atang ta a, Queen Mary pawh achhe ve nual mai.

Mahse rang tak a siamtha nghalin azinkawng chu zawh tan leh nghal thei a, mahse an insut tuma chhiatna lai hmun lawnghnuailam ah chuan thil mak leh dangdai tak tak an hre tan ta tlat mai, HMS Curacao lawnga chuangte mangang au thawm tihbai awm tak tak rite an hre tlat thin.

Hun alo kal zel a Ghost Hunters leh Thil chik mi mithiamte chuan Queen Mary lawng pindan hnuailam chhiat tawhna lai siamthatna hmun hi kha chhiatna thlenga mi 300 te kha an hrang chhunzawm ta zel niin an ngai hial. He pindan Siamthat tak hi Tuihu an chhuan sona pindan a ni a. Lawng pindan hnuai berah a awm, tuihnuai feet 40 dawn lai mai athuk a awm a ni, Hemi pindan hi ahlauhawmber nia an sawi chu a ni, A thawktu thenkhatte chuan he hmunah hian tuihu kalna pipe puak thawm rapthlak tak takte an hre thin, mahse han finfiah chuan engmah alo ni leh thin si lo. Hetiang thawm leh sawi neuh neuh awm tak reng avang hian Loang Beach, California hmunah dahthain an thiat darh ta ringawt mai a. An thiahdarh hma thleng pawh khan he lawng hian chanchin maksak tak tak sawi tur a nei teuh mai.

kum 1966 july ni 10 khan fireman pakhat John Pedder-a chuan Queen Mary lawng pindan hnuai ber khawl pindanah hian Mipakhat kaltlang lai ahmu a, a kal tlanglai ahmuhna hmun hi Tui kaltlang theih lohna tur aduan niin a kawngkhar N.O pawh 13 a intar nge nge Belhchian tumin ava hnaih chu thawk leh khat ah nasa tak mai a kawngkhar rawn inhawng thuai chuan a vaw hlum daih,

He hmunah tho hian ahnu lawkah he hmuna hnathawk pakhat pawhin mi kaltlang lai alo hmu nawn ve leh bawk. Hetia Chhiatna athlen hnu lawk atang hian he pindanah hian John-a Thla chu an hmuh thin thu an sawi leh tan meuh mai. Nupa tuak tharte pawhin He John-a thlahrang an sawi thin hi awih duh loin he pindanah hian an lut lui sak mai a Mipa zawk hmaiah chuan Grease alo tahsak hial a ni awm e. Lawng Bathlara Tuichenna hmun First class Swimming poll an tih hmunah pawh hian passenger tamtak te chuan thil mak tak tak an hmuh thu an sawi reng thin, Hmeichhe Naupang tuichen kawr nen a awm Teddy Bear pawm chunga kal kual thin chu, abul lawkah chuan 1930 hunlai vel a hmeichhia te inthuamna thin ang a inthuam nen phe riau/chiang lo tak in an hmu dun thin a, an va fianfiah dawn chuan an lo bo leh daih zel thin.

He lai hmun hi Mithil chikmi te chuan Thlarauin khawvela mi chengte arawn biak pawh duhna hmunah an ngai tawp mai.

--
FLYING DUTCHMAN:-
--

Khawvel a Lawng thlahrang (Gosh ship) hmingthang pawl tak mai a an sawi chu "The flying Dutchmen" an tih hi a ni awm e. A thawnthu hi (A then chuan thawnthu ani lo thil thleng tak tak anti) Kumzabi 16th hunlai vel a lo intan tawh kha ani awm e. kum 1680 khan lawng captain Handrick Vanderdecken-a'n Amsterdam atanga Batavaia Zinkawng azawh lai a chhiatna Rapthlak lo thleng chuan ahnu zelah hrilhfakna Thawnthu chultheilo chu alo in tan ta si a.

"The Flying Dutchman" an tih tak na chhan tak hi Hemi Lawng nilo hian an Captain Huaibak tak Handrick Vanderdecken-a sawi na a ni deuh ber mai awm e.

khatia Africa Khawmualpui tawp Cape of Good Hope lam a zin kawng an zawh mek lai khan Thlipui nasa tak leh turu mak dangdai tak mai chuan Lawng chu a rawn nuai tan ta a. Lawng-mi hnathawk te chuan Zinkawng pan chhunzawm zello chuan Kir zai rel an tum tan ta a. Mahse an Captain Vanderdecken-a chuan a ngai pawi mawh lo khawp mai Hmalam Ramtiam panturin thu ape zawk ta si a, Zu leh Beer te chu a khiat ang pawp pawp zui leh ta nghal a. Opium te chu zu khu hlut hlut chungin Tial- teng tak tak mai chuan a zai vak vak bawk a, A hla thuah te chuan Pathian Ropuina chuk tuah lamte pawh atel a ni awm e ( he thil hi tu pa thawnthu sawi tak ni maw).

Tichuan Tuipui zautak maiah chuan An pilbo ta,an tan chuan thlanmual tha tak ani ringawt awm e.

Thubelh:- (tak tak ni maw) He mi Tuma Tharau pakhat nen an in biakna an sawi leh chu.

Gosh:- I Rui anih kha, Kir thuai rawh!

Captain:- "Ka mihring phurhte himdamna ka dil lo che a!!!" Penhnih thum velin a kal sawn a "I lakah engmah ka besei lo kiangthuai zawk rawh ka kap mai tur che ania''. ati let a.

He lawng ''Flying Dutchmen" an tih hi tuifinriat zautakahHe lawng ''Flying Dutchmen" an tih hi tuifinriat zautakah chuan apilbo chiang teh meuh mai, mahse A pilbo reng lo chhiava khawp mai. kum zabi 20th thleng pawh khan he lai tuipui ah hian an la hmu chhunzawm reng mai a ni.

Royal Navy ship H.M.S an tih chu. Africa lam panin a zin chhuak a, He lawng hian Chhiatna a tawhna hmun lai an va thlen chuan ''Flying Dutchmen" chu an va hmu pheu mai. ''Harsatna namen lo tawk ang hrim hian chu lawng chu a vir kual ruai ruai a, Au thawm leh te teng tung thawm te nen a chawh pawlh nuk bawk a. Eng sen rawng lam deuh te a rawn chhuah a, mangang puih ngai awm ni a hria in kan pan hnai a, Yard 200 velh awrh chauh in kan la thleng lo ang tih ah chuan Chu lawng chu boruakah chuan athamral leh ta daih mai'', tiin King Gorge V chuan a sawi...

--
The SS Ourang Medan
--
February 1948

February 1948 a lo herchhuah chuan Dutch bungraw phur lawnglian SS Ourang Medan chuan SOS a thawn a ta tlat mai, Hemi a thuthawn lai hian Indonesia ramri hrul a an awm lai ani a, an thu thawn pawh hi lawng engemaw zat chuan an hre nghe nghe a. Mahse an thuthawn hi a mak hle mai; “ kan lawnga officer zawng zawng an thi vek tawh, kan zavai hian kan thi dawn niin a lang.” tih hi chiang takin a hriat theih a, chu bak chu ri deuh nuah nuah hian a zawm a, chu mi hnu rei lote ah chuan a tawp nan fiah tak bawk in “ ka thi dawn ta” tih hi hriat leh ani.

SS Ourang Medan awmna lam chu darkar engemaw zah hnu chuan chhanchhuak tute lawng chuan a thleng ta a, a hmun an han thlen chuan chhanchhuak tur te chuan ban te an han vai lauh lauh in, hamrik te chu ham mahse tumah reng rawn chhawntu an awm lo, lawng bul an thlen chuan a chhung a minung chuang awm an awmloh hmel hle mai !!..

Rescue vessel amite chuan lawng chu an lawn lut ta a, chutah an thil hmuh chu ani, tunthleng a SS Ourang Medan a thilthleng sawifiah theih tak loh lo chhuahna chu. A chhung a chuang zawng zawng chu an lo thi vek tawh a, chu mai bakah mit chhing a thi tumah awm lovin, an vai hian chunglam melhin an lo thi vek a, an hmalam ah an ban an phar chhuak vek bawk!! An lawng a ui an hruai an uisathiam pawh chu a thi ve tho bawk a, chu mai pawh ni lovin an vai hian hmel pangngai pu reng an awmlo, an thihdawn a hlauh nei tih hriat ngawih ngawih hmel an pu vek bawk. Broler room a rescuer te an han luh chuan mak tak maiin a lo vawt em em mai a, rescuer thenkhat phei chu an khur hlawk hlawk ni a sawi ani.

Chhanchuak tute chuan tih ngaihna an hriat tak loh vang chuan SS Ourang Medan chu hnuh haw mai an ti tlu ta a, mahse an han hnuk dawn chiah chu, a khuchhuahna atang chuan meikhu a lo chhuak ta huk mai a, lawng chu a tang ta tlat mai !! rescuer chuan SS Ourang Medan chu an chhuahsan hman tawk ani, lawng atang chuan thawm alo chhuak a, a ri ta dup a apil ta daih mai a. Mahse chhanchhuak tute chuan an hnuhna hrui chu vanneih thlak takin an chhat hman hram ni.

Vawin ni thleng hian Ourang Medan a thilthleng hi engnge a chhan chiang taka hriat ala ni ta chuanglo ani. Rindan/ngaihdan a tam hle a, thenkhat chuan, suamhmang hovin an bei niin an ring a, thenkhat te chuan phal loh thil potassium cyanide leh nitroglycerine an phur niin an ngai a ( heng chemical pahnih te hi, sea water nen chuan thil in hal tak ani ) thenkhat chuan lawnga chuangte hmel landan atang hian chutiang ngawt nithei in an ring lo, Aliens ho thiltih emaw Ramhuai thiltih niin an ngai bawk.

Ourang Medan-ah chuan engnge thleng ta ang le?!! Tuipui rorelna hnuai a thamral ta chu. Tuifinriat tuipui thim tak mai chauh chuan a chhanna chu a hre kumkhua ta a ni.

Lawnghi tuifinriatah a kal thei dawn a ni tih an hmuhchuah hnuah tuipui Zauah lawng tam tak an vei sup sup tawh a. Maksak tak taka lawngpil bo ta mai thin hi zawhna tawp

thei lo a la ni reng dawn anih hi!!!!

--
GHOSTS IN LAKE:

Kum 1678 september thla khan Griffon lawng chuan Lake Michigan Green Bay a chhuahsan a.chin hriat lohin a bo pil ta vang vang a.Kum a vei zel a,he lawng hi lawngmite’n an hmu leh zauh zauh thin.

He tuipui chhungah tho hian thir phurtu lawng Edmun Fitzgerlangd chu november 10,1975 khan lawngmi 26 nen a khuangcher bo ringawt bawk a,a hnu kum10 velah a inlar an hmu leh! Emperor lawng chu 1998 khan lake Superior tuipuiah a keh darh vek a,tui thiam pakhat chu tui chhungah an luhtir a, ani hian lawngmi pakhatin alo melh kur niin a sawi...

--
FACES IN THE SEA:
--

S.S Watertown chuan new York lawngchawlhhmun atangin kum 1924 December thla khan Panama Canal lam a pan a. He lawnga thawk pahnih-James Country leh Michael Meehna te chu Gas-in a phuh vangin an thi a,tuipuiah an vuiliam a.He mite pahnih hian an thiante hi an ngai viau pawh a ni maithei,ni tam tak chhung chu an thiante hmuh turin an hmel chu tuiah an rawn lan thin! Lawng Captain Keith Tracy chuan thla alo la hman pek a,An thlalak pawh hmuh tur a awm hial an ti.

--
DEATH IN VICKSBURG:
--

Kum 1872 khan iron Mountain lawng chuan Vicksburg Mississippi-ah la leh fu Barrel eng emaw zah a phur luk luk a.Mississippi tuipuiah a kal vut vut a:mahse a tuka Iroquois Chief lawngin a va hmuh leh chuan Iron Mountain chu a lo awm tawh lo.A thil phurhte chu tui chuhgah chuan an lo fawn hluau hluau a,a thawktu leh lawng erawh hmuh tur an awm ve lo.Hmuh ngei tumin an han bei chiam a;mahse Iron Mountain chu hnu chhui tur pawh awm lovin a tawp vang vang ta mai a ni,He lawng hi a keh them emaw pawh an hmu lo kumkhua dawn a ang ta khawp mai.