KHAWHAR IN RIAH NA AH

Zankhat chu tuna kan awmna hma a kan awm thin ( a veng hming chu sawilo mai ila) lai hian chaw kan ei kham fel awrh tih hian ka pa thianpa hi a lo leng lut teh thut a. kuhva seh sen chual pah chuan a zial chu an pak khu tual tual a chutah a tlangval lai an khua a an awm lai a a khawhar in riahna a a thil tawn chanchin chu a sawi ta lawm.
Hriatthiam a awl deuh nan leh chhiar a nawm zawk nan keima tawn ang in kan sawi mai a nge.

Ka thianpa Thanga nen a chakai kan khawrh zo khaw dai kan lut dawn chiah tih chuan tlangau chuan chhiat tawh thu a lo puang lauh lauh a,kan han ngaihtlak chian deuh chuan kan veng khaw hmawr lam a pi chhunthangi fapa Tluangpuia a lo ni reng mai. An ni nufa hi kan veng ah hian kum thum kalta vel khan an lo pem ve a, khawhmawr lam ah in bengbel in an nufa chauh hian an khawsa ve a, Pi Chhunthangi hi an pa hian Tluangpuia naupan lai deih tawh hian a boral san tawh a, an pa thih dan pawh hi tlangkam atanga ka hriat dan in thihdan pangngai a thi a nilo a ni awm e.

Ti chuan hmanhmawh tak chuan inlam kan pan a lumen pui tur a nih avang chuan hmanhmawh lem lo a kal tur in ka thianpa nen chuan kan intiamrual bawk a, in ka thlen chuan ka chhungte chuan chaw an lo ei mek a, ka ipte nghat in inbual hma chuan chaw chu kan ei ve sawk sawk a, chutia chaw kan bar mawlh mawlh lai chuan thenawm nu lo leng lut chuan Tluangpuia thihdan mak a tih thu a rawn sawi luam a, kei lah pek chuan hriatchian chak deuh chuan ‘ engtia thi ngemaw anih le’ ka lo ti vat a. “ a… tukin zing an feh tur kha a pang a rawn sa thut mai a, rei pawh arial lo a ni awm e, thenawm khawveng an han luh khawm laih laih lai chuan amar a rawn awm leh thin a a taksa lah chu minung a ni tawhlo tih hriat tak hian a vawt in a khawng vek tawh a chutia rei ngial mangang tak a thenawm ho an buai laih laih lai chuan choak tam fe hian an in chu an thlawh hual an thlawh hual a ni awm e, an thenawm naupang leh nu nau chuan an rap hle nghe nghe a sin” chutia a sawi mawlh mawlh lai chuan ka thianpa chuan min rawn au lauh lauh a, ka in siam mawlh mawlh a chhiattawhna lam pan chuan kan chhuak ta a ni.

A lu men zan chuan thil danglam vak thleng leh han sawi tur em em a awm hran lo nula leh tlangval pawh kan thahnem in kan veng a kan la kal that ber tum a ni hial ang.A tuk zan chuan ka thianpa nen chuan khawhar chhungte riahpui tur in mutbu nen chuan kan in pu lut ve a, zan dar riat vel a kan thleng phei chu zan riak ve tur ho pawh kawtlai ah an lo thu khawm tal tawh a, in leng an han haw darh sang sang tawh bawk a tiin zan dar sawm dawn ah chuan mutbu kan siam sang sang a. ka thianpa nen chuan val senior tih tak ah nau ho chuan a seat tha lai chu min kian sap sap a, mutbu kan phahfel mut zai kan rel tan tih chuan current chu a rawn thim hmuk a in neitu nu chuan laltin hlui ung khurh tawh chu chhi in inchhung chu a en che che a, unau hmelhai hun an sawi ang deuh in kan bul a mu te pawh kan in hmu thei chang chang tih tur a ni.

Chutia current awm lo nen zan tlai lam tawh bawk a tiin in kan mu ta hlawm a, rei pawh a ni lovang tih tur ah chuan kawmchar an archhiar ah chuan ar ho chu an te ta tuarh tuarh mai a, kan zing a val upa deuh chuan khawi nge tiin laltin nen chuan archhiarlam chu a pan phei a, chutia kan eng neih chhun an ken chhuah tak ah chuan inchhung chu thim mup mup tak a ni, chutia ngawi reng a kan ngaih chan thap lai chuan ka thlang deuh tukverh bul a mu chu a te ta that that a enge a tia kan in buaipui mawlh mawlh lai chuan Pu Chhuana ( val upa) chu hmahmawh thlabar deuh hian a lo tlan lut hlawk hlawk a, a mit meng leh a awm dan ah chuan a hlau ve hle a ni tih a hriat a ni.

A chil an lem kawk a engmah reng a sawi thei lo a khur hlawk hlawk a a en ngai a en reng a, enge maw thilawmzia le – ngaih a tha thei thlawt lo.kan vai mai chuan kan phawk hru hlawm a, ka thianpa chu kan mit siai zeuh a, laltin keng chung chuan archhiarlam chu kan pan phei a, ar in kan thlen dawn chuan rim uih thang nghur mai chu a nam rum rum a, ar in kan lut chiah tih chuan ka rei – nimin a kan vui liampa chuan an ar nghawng chu lo seh vu in a thisen lah chu a chik tuarh tuarh a, a mit meng te lah chu mihring mit meng pangngai a ni lo , a sawl puau mai a, a sen rum a, ataksa lah chu a var dal dang vek a. kan lam rawn hawiin a ar ei thisen far nguah nguah chung chuan min rawn nuih vur vur ta mai, ka thianpa hlau lutuk chu a te chhuak thawt a, kan tlan let ta hlawk hlawk a, a thim bawk si, kawng mumal lo nen kan in pal phei nawk nawk a.inchhung kan thlen chuan enge thilawmzia min lo zawt nak nak hlawm a mahse engmah chu ka sawi ta lo a ni.

A tuk zan chuan riah luh leh pawh a chak awm viau tawh loh khawp mai. Chutia kan thil tawn chu khawtlang chuan an sawi sepsep a,Pi Chhunthangi tan tak pawh a hrilh hai thlak hle in ka ring. A tuk zan chuan zankhua thak in inchung rangva chu a zawh kual a, chutiang ngawt mai chuan karkhat chhung chu kan buaitlang a ni.

Ka thlang tukverh bul a mu tlangval nau deuh in a hnu a a sawi dan chuan ‘kha mi zan khan tui tak in ka mu a, mahse ka puansin lai chu muangchang hian a inpawtthla leh thin a. chu chuan min ti harh sek leh nghal chutia kan mu leh tur chiah chu ka ke hi kut vawt thlur hian a lo man thut mai a, ka hlau lutuk kha ka au chhuak ta mai a ni’ ti in a sawi nghe nghe. Engvang a hetiang tak a a thla hi hrang nge a nih tih chu vawin ni thleng hian hriat chhuah a la ni lo a ni.