MALA RAMHUAI

Khawkulh khua. Burma ramchhung Mizo tamna khua ami Nuchhuangi pasal Rammawia, Mawia an tih mai. Pa sehhel leh fiamthu duh tak chu a tlai office bang alu nati chu khumah amu a. Annu thingpui siam; pindana an lut, thingpui sa ver vawr siamzawh hlim an pe chu alo thawkkhat hmiah mai a. Mak a ti khawp mai a.

Alu na chu a dam ani ang. Thingpui a inzawh chuan a insiam a. Engmah sawi lovin ram lam a pan ta daih a. An pa awmdan teh thut chu mak a tiru khawp mai a.

Zan mut hun velah chuan anpa chu alo haw a. Chakai sen, Aifiar alo hawn teuh mai a. Mahse nidang anglo takin anpa chu chau hmel emaw, hlim hmel emaw a pu lova. A awmdan leh hmelhmang chu a ngai reng a. Lungawi lohna engawmaw tak a nei anih a ring ta ngawt a. Mahse a lungawi lohna tur a hre silo. An office lamah engemaw a tawng a nih a ring ta a. Nidangte chu nise an pahnih chauha awm an ni a. An pa hian a fiam chelchul reng thin a ni si a.

Chaw lah a ei duh lova, chakai chu a helin a keih ta hmawk hmawk mai a. An nu chuan anpa hi fiamthu duh tak anih avanga, tlai atanga a be tawh lo inthiamlo tihlawm tuma che ah a ngai a.

Va kalphei a, fiam chung leh an inchhaih thin dan anga nui vak vak chunga "het het ei tawh suh" ava ti, a dara ava sawi nawk nawk chu alo vawt nuak a. Pangtilum reng reng alo nei lova. "I damlo ami" an tih chuan, "dam e" ati ringawt a. Chutia an fiam a, biak pawh a biak tawng hleihtheih tak lovah chuan annu chu a tappur mai a. Tappur chunga thutthlengseia a thu chu anpa chu alo phei a, nidanga a tihdan thin ang thovin alo kuah a. Lumna reng a nei lo. "I khuasik anih hi" a tih lah in, "ka dam, engmah ana lo" a ti tlat si.

An han mu, puan chhah taka a sintir chung chuan a lum thei chuang lo. Damdoiina kal a tih chuan nidanga a mitmeng ni hauh lo, rum em em mak deuh hian a melh khu khu ta mai a. A nupui nimahse a hlau deuh hial a.
Tiang a office a kalte chuan thil awmlo pui pui alo hawn thin a. Khawia mi nge tih pawh hriat loh satel te, chingpirinu te, savawmnote thlengin a rawn hawn thin a.

Chungte chu talh tha mai lo chuan a sehin a sehhlum phawt a, chhum hma hauhin a sa thenkhat chu a helin a ei phawt thin a. A tawng tlem em em a, biak loh phei chuan a tawng ngai tawh lova. Annu chu a rukin a mangang em em mai a. Chhan enge maw tak awmin a ring a, hriat chhuah a tum a, mahse a hre thei si lo.

Zingkhat chu office a a thawhpui pakhat in a rawn tlawh a. An pa office alo kal ngai lova, a damlo em ni, ti a arawn ngaihven chu, anpa pindana la mu chu ava en a, mahse alo chhuak daih a. Inah a awm reng si a, alo chhuahlai a hre hauh si lo. Pindan tukverh nise a sang em em si a. A ngaihna a hre lo khawp a. A thianpa hnenah chuan anpa chu nitin office kala a chhuah thu te, a chanchin chu a hrilh ta vek a. Tiang chuang thlathum deuhthaw a awm tawh thu te a hrilh a. Tah chuan anpa thianpa chuan Pagoda-a kal turin a rawn ta a.

He khua hi Mizoram ramri atanga hla vak lo a ni a. A michengte hi Buddist sakhaw zuitu deuh vek an ni a. Chutia Pagoda ava kal, an chanchin a sawi chu; chu an puithiam chulai vela hotu ber chuan alo hre lawk sa vek emaw tih tur hian alo awm a. A tlawh tur thuin alo chhang a.

Nikhat chu Inrinni ani a. An pa chu ngawi rengin pindan thimah chuan a awm leh reng a. Tihlai chuan puithiam hotupa leh puithiam dang pahnih hi an pathumin an lo kal a. An pa in a hmuh chuan Pindan kilah chuan a tawm chawih chawih a.

Hlau Awrawl rapthlak tak tak chhuah in, Chinghnia ang maiin a ha te chu a zum ta fur a, a rawn vin khur khur mai a. Mihring anna reng reng a nei ta hauh lo mai. A taksa chu, mitthi, thihna rei tawh ang mai in a a vunte chu a tial thuk a. A uih em em mai a. A vun chu thil hnang thluak mai kai ang hian a fan ta thluak thluak bawk a. Han en mai pawh chuan thil diklo tak chu a awm tih hairual a nilo.

Puithiam pahnihte chuan timna nei hauh lovin pindan atang chuan an pawtchhuak a, a tang nasa mai bawk a. Tiang chuan an temple Pagoda bula Bung kung lianpui hnuai, an inthawi na. Ramhuai kawchhunga lutte an hnawhchhuahna thinah chuan an pawt phei dawr dawr a. An phuar bet a, Dawi an hmang ta a.

Puithiam hotupa chuan, "tunge i hming" an ti a. A luhlul khawp mai a, a chhang tha duh lova. Mahse a vaua a han vau takah chuan ramhuai 'MALA' anih thu a rawn sawi ta a. Engtika a kawchhunga lut nge an zawh chuan a luhni leh hun a rawn sawi a. Khatia a office bang a luna khuma a mut khan a thi a. A nupuiin thingpui asiam hlan khan alo thi anih chu.

Chutihlai chuan ramhuai thlarau sual 'Mala' chu a kawchhungah a lut ta alo ni a. Achhan a han zawh chuan, "a damlaiin fiamthu thawh nan amah 'Mala' chu vawihnih lai alo nuihsawh tawh a. Chuvanga a kawchhunga lut ta angin a rawn sawi a. Puithiam hotu chuan a kawchhung atang a hnawtchhuakin an chunga Bung kunga khawsa turin 'Mala' ramhuai chu an Dawi ta a ni. A mak angreng riau asin.