MUMBAI IN HRÂNG

Guregaon East ah he'ng building te hi an hrâng nasa hle... tuma'n an luah ngam lo.Aarey Milk Colony hi véng nuam tak, inluah man pawh to tak tak a ni. Bombay ah awm i duh chuan man lovin i luah thei ang...Tlai dár ruk a pelh tawh hi chuan helai area ah hian film chang ngam pawh an awm tawh ngai lo bawk. Lemchangtu tam tak a lo tibuai tawh țhin a ni.Helai colony ah hian zanreiah phei chuan motorin ankal tlang hreh hle țhin.

An hmuh zin ber chu hmeichhe kawrfual var ha, sam thlah hnuang hian motor hmanhmawh takin a lo tiding țhin a... an han din a an biak dawn veleh áu ruai ruai pahin a chhiatkhum vak țhin. Chak taka an tlansan chuan ... chak tak bawkin a ûm ve a ... thawm rapthlâk tak chhuahin a tibuai nasa țhin hle...A building chhung phei hi chu... Mizovin phungpuinu kan tih te, lasi kan tih te leh Thinlanga kan tih te chu ramhuai tuai an ni ringawt...

Helai building awmna hmun hi hmanlai a mitthi an halna hmun hlui niin a hnuah British ho khan thlan mualah an hmang leh a ni awm e.He building chhawng ațang hian mi 42 lai zuangthla in an intihlum tawh.Hmuh theih loh leh hmuh theih deuh riai ruai te hian he inluahtute hi an béng leh pawp zel a... thlahrang chimawm deuh chuan mi daikhalh te hi an hrât hle țhin.

Engmah hi a hmun ngaiah a awm thei lo ... hmuh lai ngei te hian an kang leh vú vú țhin.Nui uar uar leh țap thawm mak tak tak chu chhun pachangah pawh hriat reng țhin a ni.Chutiang vang chuan he'ng building te hi an rauhsan ta a ni.Tun thleng hian a tukverh lam hnaih ah hian tumah an kal duh lo. Thlarau sualin a rawn tihbuai an hlau a. Tukverh ațang te hian lungte, thisen, êk, luak leh brick bung te hian kawngkal lai te chu an rawn theh in an rawn vawm țhin...

I LUAH NGAM EM?