RAMHUAI KA PHUR

July 3, 2017(Thawhtan) zan khan Lung lei atang ka hnathawhna hmun Lung sen panin ka bike in ka chhuak a, khua a nuam lovin ruah tam vak lovin a tla deuh siar siar reng a.Kawng a that vak loh avang lehruah sur vanga kawng a nal deuh vangin ka tlang chak lova.

Kan in atanga ka chhuah khan dar 5:00 p.m ala ri chiah lova,ka tlan chak lem loh avangin Phairuangkai ka thlen chuan dar 6:30 p.m a pel tawh a,khua pawh a thim chiang tawh hle a.Ka ril a tam deuh avangin Phairuangkai ah hian Thingpui dawr ah inhnawh puarin ka chawl khawmuang leh deuh a.Ka in eipuar hnu chuan muang changin Phairuangkai atang chuan Lungsen lam pan chuan ka inkhalh chhuak leh ta a, hetih lai hian dar 7:00 p.ma ri tawh a. Sawi tak ang khan kawng hi a chhe hle a,hmun thenkhatah leimin vangin kawng a diak hle bawk avangin duh angin a tlanchak hleih theihloh a.

Phairuangkai leh Lungsen inkara khaw lian lem lo tak,Chhumkhum ka thlen meuh chuan dar 8:00 p.m a ri dawn hnai tawh a. Chhumkhum ah hian cigarette leiin ka chawl leh a,ka meizial ka zuk zawhchuan ka tlan leh nghal mai a.Leimin vanga kawng diak laiah te chuan kawng a nal lutuk avangin ka bike ke chu a inpaih leh pelh thin a, mahse tlu lem lo chuan muang changin ka tlan tlang ve thei hram thin a.Chhum khum atanga 2km vela awm Ruchi Plantation ka thlen chuan mi pahnih bike a inphur hian min lo phar a, Phairuangkai a haw tur anlo ni a.

An bike petrol a zawh vangin litre 1 lek lei chhawn min lo dil a.Ka bike atang chuan litre 1 tur awm vel chu ka siak chhuah saka lei tir lovin a pekin ka pe a,an lawm ve hle in ka hria.Pawisa pawh min pek luih an tum na a,a ngailo ka tih tlat ve tlat a.Petrol antlan kang rat avang chuan ka petrol pek an thun hnu pawh chuan an bike chu a nung thei lawk lova.An bike tih nun hun chu nghakin ka ngaichang deuh vang vang a,rei vak lovah chuan anti nung thei ta a,lawmthu min hrilh luam hnu chuan a tlan liam ta a, keipawh chu ka tlan ve leh nghal a.

Thui vak lo ka tlan hnu chuan kawng thlang lam atang chuan pa pakhat hi alo chhuak hlawl a min lo phar a.Tlem a ka tlan pelh hman deuh avangin a hmel chu a hmu chiang vak lova.Kawr bal ung deuh tak leh kekawr bul uk, thler deuh hrip hrep a ha a,ke lawngin a awm bawk a.Ka tlan pelh a ka bike headlight in a chhun deuh zuai khan a hmel chu chiang vak lovin ka hmu a. Mit khur thuk deuh,biang ki deuh hlek,sam pawr deuh phing pheng ni ta in ka hria,a thim em avang chuan ka hmu chiang thei lova.Ka din hnu chuan a rawn chuang ve mai a,ka hnunga rawn thut pah chuan "Hrangthanga ka nia" ati mai.

Chhang lem lo chuan a tlan pui leh mai a.Chutia kan tlan pah chuanEnge a tih a,engvanga haw tlai viau nge anih tih zawh tuma sir lam hawi deuh a biak ka tum chu rim uih thang deuh huam hian ka hnarah a rawn lut a,ka pum lam a fan nghal raih mai a,ka uak tuar lek lek a mahse ka mi phurh pa chuan nuamlo a tih ka hlauh vangin ka insum hram hram a.Ngawi reng a kawi thum vel kan tlan hnu chuan ka bike chu a chak lo ta riau mai a.2nd gear a ka tlan pawh chuan ka bike chu a tlan hlei thei tlat lo mai a,kawng chu chho lutuk ani bawk silo.

Tichuan 1st gear in ka pawt ta a,chuti chung pawh chuan ka tlan thei ngawr ngawr a.Ka mi phurh pa chu cher thing theng anih avangin bike in a han tlanpui zawh loh turkhawp aniin ka hre bawk silo.Ka bike chu a engine lamah a chianglo anih te ka ring rum rum a,mahse ka lak thar,kar hnih em pawh la tling lo ani bawk si.Muang chang chuan 1st gear in ka tlan ta zel a,rim uih thang huam lah chu a zual telh telh leh nghal a.Water Point an tih,kawng chhak kawr tuikhuah lian vak lo awmna kan tlan pelh hnu deuh,Waiting Shed awmna lai thlen hma deuh si ah chuan ka accelerator cable a chat ta hmawk mai a,ka bike chain pawh a sprocket atang a pelh nghal bawk a.

Kawngsir ah chuan dingin ka phone light hmang chuan ka bike chu kan enkual vel a,a sprocket ha chu alo ner nung hlawm a,pahnih phei chu a bal ni maiin ka hria. A chain lah chu a fan nasa viau aniang, a dul hnuang mai a.Accelerator cable chu thirzai in engtin tin emaw ka siam a,a chain pawh chu sprocket ah bat leh in ka pawt mar vak a,tlan theih hram tumin bike chu ka ti nung leh a.Hetia ka buai chhung zawng hian ka mi phurh pa chu ngawi reng in kawngsir ah chuan alo ding reng ri ngawt a,min lo pui ve maih loh avang chuan ka ngei rilru hle a.Fimkhur deuh in,accelerator a chat leh ang tih hlau rilru deuh chuan kan tlan leh ta a.

1st gear in muang chang in ka tlan zel a,vanneih thlak takin tlan thei ngawr ngawr mah ila accelerator leh a chain chu a chhe tawh lem lova. Lungsen thlen hma,zin chhuak tur te tawngtaina hmun leh PWD Complex peng inkar kawng ngil deuh laiah chuan ka mi phurh pa chuan "Hetah hian ka lo chhuk ang.....min lo hruai dawn a" ati a.Bike ka siam laia min puih loh vanga ka ngei deuh hlek avang chuan engtin mah chhang lem lovin ka ding a,a chhuk hnu chuan ka tlan leh nghal daih a. Chutia kan tlan leh chu ka bike chu pangngai deuh in a tlan leh mai a,3rd leh 4th te pawn zo lutuk in ka tlan leh thei ta a,mak ka ti ang reng hle a.

Ngaihthat loh na pawh ka nei chuang lova,ka mi phurh kha ramhuai ani ang tih pawh ka ngaihtuahna ah a lut lo hrim hrim a. Tluang takin ka inluah chu ka thleng ve ta mai a.

A tukah chuan Lungsen khua ka thawh pui te leh thenawm te ho chu Hrang     thanga an hriat leh hriat loh zawtin kan rawn inphurh dan te chu ka hrilh hlawm a.Tuman Hrangthanga tih chu anlo hre ngai hauh lo mai a,mak anti hlawm hle a. Ramhuai ka rawn phur anih an ring vek hlawm a.Midang pawn Ramhuai hi anlo hmu fo a,a then phei chu bike a an tlan lai alo pawt thla a, kawngthlang ah a theh thla ani awm e. Pakhat phei chu bike atanga a pawh thlak hnuah a sawi sa zui hrep niin an sawi bawk.

Ka ngaihtuah let a,ka mi phurh kha khati taka rimchhia leh ka bike in zo lova a chhiat phah nachhan kha Ram huai anih ngei ka ring ta ani.

Share and subcribes enjoy.