RUKRU NGILNEI(a thilruk thin chu a bansan phah)

Bus ațanga a chhuk chu a pawisa ip an rûsak tih a hre ve chauh a, chu ip ah chuan lehkhathawn leh pawisa ₹ 15,000/- a dah kha a ni si a!

A pawisa ip rutu chuan a lehkhathawn chu a lo chhiar a, a ziaktu in a nu hnên a lekha a thawn tur a ni tih a hre ta a, he thu hi a lo inziak a.

“Ka nu , ka hna ațangin bân ka ni a, tunah hian hna nei lovin ka awm a, chêng tam pawh ka rawn thawn thei lo che a, pawi ka ti hle a ni. Hei ka khâwl chhun tê ₹ 15,000/- hi, inthlahrung tak chungin ka rawn thawn che a. Ka nu, khawngaihin min lo hrethiam hrâm ang che aw… Hna ka hmuh thuai theih nân min lo țawngțaisak dawn nia… I hmangaih, I fapa…”

Ni 3 a liam hnu chuan a nu hnen ațangin lehkhathawn a dawng leh ta thut mai chu mak a ti a, a mangang letling zâwk hial a!Ti hian a lo inziak a.

“Ka fapa duh tak, nang ang fapa ka nei che hi ka va han lawm êm! I pawisa mi rawn thawn ₹ 50,000 pawh a kim in ka dawng e! Mahse, I lehkha erawh a ziak a sîn êm a, ka tarmit a lo chhe kher kher bawk si a, ka chhiar thei lova, ka rawn thawn lêt leh ta mai che ani e.”

Chu thu a chhiar hnu chuan a pawisa thawn tum, an rûksak tâk aia tam daih a nu-in a dawng tih a hriat chuan, a rûksaktu thiltih a nih a ring ta a. A nu in, “I lekhathawn hi a ziak a sîn lutuka ka rawn thawn let leh ta mai che a ni e,” a tih, pawisa ip rutu ina a thawn ni a a rin, lehkha chu chhiar châkin a pharh ta sawk sawk a.

“Țhianpa, i pawisa ip ka rûk a i lehkha thawn a thu inziak hi ka lo chhiar a, ka rilru a hneh hle a ni! I lehkhathawn ziah ni i ziak a, mahse, i hna ațanga bân i ni a, sum tam tham tak i thawn theih loh avânga inthlahrunna lian tak i nu lakah i neia i thawn ngam lawk lo a ni tih pawh ka hai lo. Ni e, i thu ziak tâwi te hian thil tam tak min ngaihtuah chhuahtir a, ka biangah mittui a luang hial a ni!

Kei chuan ka nu ka sûn tawh a, i nu i hmangaih êm êm tâna thlan tui far a i thawhchhuah chhun hi engtin nge ka hman theih tehlul ang ni! Pathian khi ka zah tlat a ni. Ka nun I ti danglam a, kawng dik zawh tur leh thil ru tawh lo turin thuthlûkna ka siam fel ta! I laka ka lawmzia entir nan… i pawisa ka rûk ₹ 15,000/- kha, ₹ 35,000/- ka belh a, i nu hnênah ₹ 50,000/- ka thawn ta a ni e. Hna dang i hmuh leh thuai theih nân ka duhsakna sang ber ka hlan a che…. I PAWISA RUTU,”

 tih thu a lo inziak a.

A nu hnena a thawn lawk ngam loh lehkha, a ngaihtuah êm avanga thawn a tum tâk chuan rûkru pa thinlung a tidanglam ta a ni!

Subcribes and share enjoy.

I nu chunga i hmangaihna i lantir khân mi rilru a siam danglam thei asin!!