ANTI TRAFFIKING LAW THARAH THIL TI SUAL NAWN DAMCHHUNG A TAN

Dec 28, 2017: Khawvel ram hrang hranga sualna hluar tak leh buaipui tak, mihringa sumdawnna, "Human Trafficking" chungchangah sorkar laipui chuan Dan thar a duang mek a, he dan duan tharah hian human trafficking avanga man te chu a vawikhatna-ah kum 10 thleng lungin tan a hrem an ni ang a, an tihsual nawn leh chuan damchhunga lungin tana hrem an ni tawh ang.

He Dan (bill) ah hian trafficking chi hrang hrang, hnathawk tura inchhawr luih (purposes of bonded labour), sexual exploitation, pornography, mihring taksa bung hmanga sumdawn (removal of organs) leh kutdawh (begging) tura midang chhawr te pawh telin heng pawikhawihna a inhnamhnawih te pawh hi pawi liantham (heinous crime) khawih ang a hremna pek tura ruahman a ni.

The Trafficking of Persons (Prevention, Protection and Rehabilitation) Bill 2017 hi Women & Child Development Ministry putluh niin tunah hian Group of Ministers (GoM) te kutah a awm mek a, an ni hian thil awmdan a zirin final view an nei ang.

Tin, he bill hian human trafficking in a huam chin pawikhawihna chi hrang hrang veng a bei turin, National Anti-trafficking Bureau pawh din ni se tiin a rawt (proposes) a, hetah hian co-ordination, monitoring leh heti lama pawikhawihtute chetdan enthlak leh ven te (surveillance of illegal movement of persons and their prevention) nen a tel ang. Hei bakah hian bureau chuan an tha tichak a an hnathawhna a felfai leh chak zawk, dan anga an kal theihnan rampawn lama heti lama thuneihna nei (authorities concerned ) leh pawl (organisations) te nen an thawk ho bawk dawn a ni.

He bill in  'aggravated forms of trafficking' a tarlan zingah, forced labour, or bonded labour, by using violence, intimidation, inducement, promise of payment of money, deception or coercion te a tel a, tin, ruihhlo (narcotic drug or psychotic substance or alchohol) hmang a nupui pasal inneihna siam te pawh a huam tel bawk.

Hei bakah hian kutdawh tura mi pangngai phalo leh raipuar tirhluih te pawh human trafficking hian a huam bawk.

Heta trafficking (aggravated form of trafficking) in a huam chhunga thilsual titu te chu hreawm taka kum 10 aia tlem lo emaw damchhung lungin tan leh Rs 1 lakh aia tlem lo chawi tir tura hrem an ni ang.

Pawikhawih nawn, (repeat offenders) te chu damchhung (remainder of person's natural life) tan leh Rs 2 lakhs aia tlemlo chawi tir a hrem an ni ang.

National Crime Records Bureau (NCRB) report in a tarlan danin kum kalta (2016) ai khan kumin 2017 chhung hian human trafficking hi 20% dawn in a dang zawk a, NCRB chuan kum hmasa khan human trafficking case 8,132 a awm a, kum 2015 chhung khan thubuai 6,877 a awm a ni.

Human trafficking hluarna ber chu West Bengal niin Rajasthan in a dawt a ni.

Trafficking ah hian a tuartu mi 15,379 an awm a, heng zinga mi 10,150 te hi hmeichhia an ni a, mipa  5,229 an awm bawk.

NCRB chuan heng trafficking thubuaiah hian hnathawk a inchhawr luih, nawhchizawrhna leh mipat hmeichhiatna lam hawi atana hman (sexual exploitation for prostitution and other forms of sexual exploitation), inchhungkhur hnathawka chhawr, forced marriage; child pornography; kutdawh; damdawi vawrh tura chhawr (drug peddling) leh taksa bung laksak te an ni.share and subcribes enjoy.