BERMUDA TRIANGLE LAWNG HO BO FO NA THIN CHU

Bermuda Triangle chanchin chu kan sawi fo tawh a, sawlai boruak tihbaiawmzia leh huaisarzia pawh kan hre tawh hlawm viauvin a rinawm.

Triangle area huamchhunga chin hriat lohva bo te chanchin ngaihnawm tak tak pawh tam tak a awm a. Chutia bo taho zinga a lar zualte chu bih leh thuak thuak ang u hmiang..```

*AIRCRAFT INCIDENTS*

1) Kum 1945 December ni 5 khan, Flight 19 (TBF Avengers panga)-te chu, a chhunga chuang airmen 14 chawpin an bo vek a.

A hnu deuh, chumi ni vek chuan, Flight 19 bo zawng tura Bermuda Triangle lama va thawkchhuak, PBM Mariner Bu No 59225 pawh, a chhunga airmen 13 nen a bo leh hmiah a ni.

★★★

2) Kum 1947 July ni 3 khan, Bermuda Triangle-ah B-29 Superfortress chu a va bo a. Lawrence Kunsche chuan a pawlte nen an va zawng tak na a, a sulhnu hmuh an nei thei ta lo a ni.

★★★

3) Kum 1948 January ni 30-ah, Avro Tudor G-AHNP Star Tiger chu a chhunga chuang crew 6 leh passengers 25-te nen lamin, Azores-a Santa Maria Airport atanga Kindley Field, Bermuda lam pana a thlawk chu a pil bo hmiah tawh bawk a ni.

★★★

4) Kum 1948 December ni 28 khan, Douglas DC-3 NC16002 thlawhna pawh, crew 3 leh passengers 36-te nen, San Juan, Puerto Rico atanga  Miami lam pana a thlawk chu sulhnu awm lovin a bo der mai a ni.

★★★

5) Kum 1949 January ni 17-ah, Avro Tudor G-AGRE Star Ariel chu, a chhunga chuang crew 7 leh passengers 13-te nen, Kindley Field, Bermuda atanga chhuakin Kingston Airport, Jamaica lam a pan a. Mahse, chumi tum bak chu hmuh tur a awm ta reng reng lo a ni.

★★★

6) Kum 1962 January ni 8-ah, USAF KB-50 51-0465 thlawhna chu, Atlantic chung zawn, US East Coast leh Azores inkara a thlawh laiin a bo ta thut mai a ni.

★★★

7) Kum 1965 June ni 9 khan, USAF C-119 Flying Boxcar thlawhna (440th Troop Carrier Wing) chu, Florida leh Grand Turk Island inkara a thlawh laiin a bo a. Mahse, July ni 18, 1965 khan, a kehthem ni ngeia ngaih chu Gold Rock Cay beach-ah hmuh a ni.

★★★

8) Kum 1965 December ni 6 khan, Private ERCoupe F01 thlawhna pawh, a chhunga chuang pilot leh passenger pakhat nen, Ft. Lauderdale atanga Grand Bahamas Island lam pana thlawk a bo tawh bawk a ni.

★★★

*INCIDENTS AT SEA*

1) Kum 1800 khan, Lawng pakhat 'USS Pickering' chu, Guadeloupe atanga Delaware lam hawia a zin laiin a bo a. Lawngah chuan passenger 90 lai an chuang a, an vai bo ta hmiah a ni.

★★★

2) Kum 1814 khan, USS Wasp (1814) pawh, hmunpui lam atanga an hriat danin, Caribbean vela a kal lai takin, passenger 140 nen a bo a. Mi thenkhat chuan an bo chhan kha Thlipui vang niin an ngai.

★★★

3) Kum 1824-ah, USS Wild Cat (1822) chu, Cuba atangin Tompkins Island lam panin a zinchhuak a. A mi phurh 14-te chawpin a bo a ni.

★★★

4) Kum 1840 khan, Rosalie lawng chu passenger leh thawktu awm lovin tuipuiah a lo lang kual vel hmuhchhuah a ni.

★★★

5) Kum 1918 March ni 4 khan, USS Cyclops, collier chuan Barbados chhuahsanin a zinchhuak a. A mi phurh leh crew, an vaiin 306 lai an ni. Chutia Baltimore, Maryland lam pana a kal chu, Chin hriat lohvin a va bo hmiah tawh bawk a ni.

★★★

6) Kum 1921 January ni 31 khan, Carroll A. Deering lawng a, Captain W. B. Wormell-a Hova an chhuak chu, a chhunga chuangte hmuh tur awm lovin Diamond Shoals vaukamah chhar a ni. Chulai hmun chu Cape Hatteras, North Carolina bul lawk a ni.

★★★

7) Kum 1925 December ni 1 khan, SS Cotopaxi chuan Charleston, South Carolina a chhuahsan a, Havana, Cuba lam pan tur a ni. Lawng chu a bo zui a, a hnuah, Lawng kha tuipuiah a pil tih radio-in a report ve leh a ni.

★★★

8) Kum 1941-ah USS Proteus (AC-9) pawh a chhevel nga chuang mi 58 chawpin a bo a. Virgin Islands-a St. Thomas chhuahsana zin niin bauxite phurh a ni. Ni 23 November khan a bo a. A thlaleh lawkah, USS Nereus (AC-10) pawh a mi phurh 61 chawpin a bo ve leh a. Chu lawng pawh chu, bauxite phurin December ni 10-ah St. Thomas atangin a zinchhuak ve tho a, a va bo ve leh ta tho a ni.

★★★

9) Kum 1963 khan SS MARINE lawng chu a mi phurh 39 nen beaumont texas a chhuahsan a a chin hriatzui tur a awm talo ani