MITHI PHUR TU TE THIL TAWN

Hei hi Pu Thanmawia tawn ani a, a hunlai chuan alar hle ani awm e.Vawikhat chu Pu Thanmawia te hi a Jeep in mitthi phur in Tlabung ah an kal a. Furlai anihavang in kawng a chhe em em mai a, Lunglei dam dawiin a amah lo awmpuitu tuna mitthi anphurha nupui u nen chuan an pahnih in Tlabung chu zingchaw eikhamah an pan ta a.

Tluangtak in an tlan zel a, mahsela Pachang an thlenhma deuh ah chuan atlana tlan rual lovin leimin in alo dang hmuk mai a. Tichuan hmanhmawh takin Jeep tlanlen theihna tawktawk tur chu suahdur leh bawngtuthlawh chuan an laidun a, chaw hnu dar 2 velah chuan anmotor pawh chu a chhuak ve leh thei hram a.Ruah atla seng senga kawngpui chu anal in leimin thut theite atam avang chuan hmanhmawh theih ni hek lo muangchang lehfimkhur takin an tlan ta zel a.

Chhûmkhum an pelh lai vel chuan khua athim chhalhchhalh tawh a. Tuna mitthi an phurhdamdawiina amah enkawltu ber Pu Chhuana chu titi thiam tihtakah eng eng emaw a sawiamitthi phur e ti lovin an nui dun leh kur kur thin a, a thil paipawn chu Pu Thanmawia chuan alem pah sakleh thin a.Tichuan an tlanzel a Lungsen an thleng tep tawh tih atang chuan an Jeep hnung chu a ri leh dawt dawt thin a, torchlight a hnunglam an han en chuan mitthi chu an phurhdan ngaite intha takin alo mu fel thlap a, engemaw ri leh thin chu le ti in motor hnuaite chu an bih a, mahse engmah fello a awm bawk si lova. 

Kawng a chhiat em avang leh motor hlui lam anih avang chuan a body sound pangai ah an ngai mai a. An titi chu an chhun zawm zel a.Chutia an tlan Lungsen khua chu km 30 emaw vel lek ala awm tih atang chuan an motor chu arawn inthen leh lawih thin a. Khua athim bawk nen a ke lama fel lo a awm anih ring in an dinga an han check kual vel a. Chumi pah chuan Pu Chhuana chuan Jeep hood chu hawng in mitthichu torchlight chuan an enchin a mitthi khabe an tuamna chu alo awm tawh hauh lo mai a, a mit chu amengkur a alo ang bui mai a. 

Tichuan a khabe chu tawn leh tum in a khabe tawnna chu an han zawngdun a mahse thilmak tak a awmta tlat mai. Mitthi khabe tuamna chu a kutkhing lehlam chuan alo hum run mai anih chu(h)!! An in en a, ngawi reng chuan mitthi kuta hrui chu an laksak a a khabe chu an tuamtha leh ta a.Tichuan an tlan leh ta a, a hma ang chuan an titi chu a kaltluang ta vak lova, a khat tawk chuan hnunglam chu an hawi leh zauhthin a. Ti chuan Lungsen an han thleng a zanlai ani tawh bawk nen khawtawpah chuanzunramthiar in an ding zawk a hmanhmawh nen an tlan leh ta char char a.

Tichuan mitthi chanchinte chu sawiin a natdan velte chu Pu Chhuana chuan a sawi a, chutihlai chuan ruah chu a rawn tam tana a sur ta buan buan mai a. Jeep a a darthlalang hrufaitu wiper chu a chak vak loh avang chuan khawthim lutuk leh head light duh anga engtha lo nen chuan an ding zauh zauhva.Chutia an ding an tlan tan leh chiah chu an Jeep hnung hood an kilhthat thlap chu a rawn inlip pawk mai a, hnung lam chu an enrual dun thawt a tah chuan thilmak em em an hmu ta!!Mitthi chu alo thu ding ut a, alu chu adak vah a an mahni chu chiang em em hian alo melh rengmai a. 

Motor chu an han ding a Pu Chhuana chu a chhukvat a motor hnunglam chu apan aanau pasalthi khawng uaih tawh chu "Puia engatingeithawh, mutha teh" tipah chuan nemmut mai an tuma mahse a taksa chu alo khawngvek mai, an pahniha theihtawp takmeuha an elh hnu pawh chuan mitthi chu athu khawng reng thova.Khua lah chu avawt em em mai a. Chutia an elhfe hnu an beidawn tawp lamah chuan mitthi chu amahin a mutha leh ta mai a. A diktak chuan Pu,Thanmawia chuan mitthi chu a râp ru khawp mai a, akhabe tuamna alo hum atang tawhkhan angaih atha thei tawh lova. Khawvawt lutuk hnuaiah chuan athlan chu atla bat bat a.

Mitthi a mut that tawh hnu chuan a puansin te chu an siamtha a zawimuangin an tlan leh ta a.Chutia an tlan tan reipawh an la tlan lo tih chuan an motor hnung chu thir chang tak tliak hmawk ang hian a ri leh ta rawp mai.Hnunglam chu torch light chuan an han en vat a, chu mitthi chu ruak ngalngata lo thu in a tuamna te chu asirah alo awm nuai a a ke pahnih chu ingeuh zet hiana koki ah alo hlangchhova a kutpahnih chuan alo inbengkanga chiang em em hian alo melhdun ru mai a.An din na lai kawr ruam khawk rum rum chuan anuithler ta vak vak mai a, chumi pah chuanheti hian alo tawng ta a "nangni pahnih hian min hlauanih kha, kha a khalhtupa phei kha chuan min hlau lutuk thlawk bo nghal rawh mihurpa"a rawn ti ta mai a. 

Chutah Pu Chhuana chuan a ngaithei talo. Motor atang chuan a tlanchhuak a mitthipa chu "ngawitak rawh ivan chak dawnlo em" tipah chuan a ban pahnih chu chunglamah a phar a ring zet chuan a tawngtai ta a. A tawngtai laite chuan ruamkhawk rum rum chuan ala nui uarh uarh a mahse"nang ramhuai bawlhhlawhpa kan LalIsua Hmingin ka nau taksa atang khan chhuak turin thu ka pe a che" atih lai tak chuan a thawm chu azawi ta deuh a.Chutia a tawngtai zo kan han meng chu mitthi chu a mutna ngai ah tha taka lo mu in Tlabung kan thlen thleng in engtinmah a awm tawh lo ati ani.