MIZO NULA NUPUI ATANA NEIH TLAKLOH AN PUNG TIAL TIAL

Engmah mamawh belh nei lovin buaipui reng an ngai lo. Hna ţha tak thawkin an intodelh êm êm vek a. An hna lah an tlinin a fel pawh an fel narawh! Mahni tawkah tumah awh bik an nei bawk hek lo. 

Chutiang ni si engah nupui a tân an tlak loh si ang? Pathianin hnam tin min siam lai khan hnam tin tân nunphung bik a pe ţheuh a. Tihdan phung nei ţheuhin kan khawsa za ţhin. Mizote pawhin nupui pasal inneih thu hlaah leh nupui pasal awmdanah tihdan bik kan nei reng a ni. 

Hman lai angin kan hmeichhiate an hreawm tawh lova. Sal ang maia chhawm awm mang tawh lovin zalen takin an khawsa ţhup tawh a. He an zalenna hmang thiam ta loho rual hi a ni, nupui atâna neih tlak loh ka tihte chu lo ni. 

An thinlunga mipate aia indah sâng a, mipa thuhnuaia kun tum hauh lo, mipa chhûngkuaa chenho zawk pawh ngaithei lo khawpa Mizo nunphung hre miah lo leh Pathian thu anga mipa en duh miah lo hmeichhia, nu ni mek tawhte nen hian hawh u, nupuiah i nei lo ngam ang u. 

Chutiang ang mi chu sawrkar hnakawk nula kan kawl fur ta mai a. Hmeichhiate zahawmna chu mipa an ni tih hre mang lo khawpa chapo fanu i lo nei reng em? I fanu kha Mizo nunphung hre lo khawpa i enkawl a nih chuan zak ang che. Ka nun a nia, ka thu a lawm tingamho hian Pathian an hrechiang tak tak ngai lo. 

Chuvangin mahni inchhûnga mahni thawhchhuah hre taka zalen inti taka nung Mizo hmeichhia chu nupuia nei tlak a ni bik lo. Amaherawh chu, Mizo tlangval kan nih chuan zah tlak, rin ngam, thlamuanpui tlak, belh tlak leh hmeichhia ngaihlu thiam kan ni ve thung tur a ni. 

Hmeichhiate zai ngai thiam lo, kutthlak ching, hmeichhia zawkin a chawm mipa nih chu thil zahthlak tawp a ni. Mipa zawk ni si, zahpuiawm taka khawsa kan tam ta. Hmangaihna vang ni hauh lo, a hnathawh leh eizawnna avanga nupui zawng pawh kan tam ta tih ka pha bik hauh lo. 

Mahse, khawvel awm chhûngin mipate chungah hmeichhiate hi an awm ngai lovang. Pathian thu angin mipate uapna hnuaiah in kun zawk zel ang. In thiamna sâng tak, hnathawh ropui tak, hmelţhatna duhawm takte kha mipate hmuhsit nân emaw en hniam nân hmang mi chu Mizo mipate nupui ni tlak an ni lo.