1987 kum tir lam khan Map ziaktu pakhat chuan Missouri chhak lam depa awm Boy Scout Ranch mual zawl vel chu a endik mek a. Rin loh takin thil eng emaw hian a mit chu a la ta tlat mai. Ral atanga han thlir mai chuan satel kawr ang mai hi a ni a. Mahse, a han enchian meuh chuan mihring luruh hi a lo ni a. Thil mak chu hailanin a awm dawn ta. Chu thil mak hailan nan Detective-te chuan chu an luruh chhar rapthlak takah chuan hmel an vuah chawp a ngai dawn ta a ni.
S-F Boy Scout Ranch hi Missouri a Farmington thintlang ram mawi tak mai acre 5400 laia zau awh a ni a. He Ranch chengker takah hian Map siamtu chuan tum lawk leh beisei miah lovin luruh a chhar nawlh mai a ni. Teena Orling-i chu he map siamtu supervisor hi a ni a. A sawi dan chuan Map siamtu chu Finland atanga lo kal, professional map maker a ni a. Missouri a thlen atanga ni hnih khat hnu lekah luruh chu a hmuchhuak a ni. A luruh hmuh chungchang chu a supervisor emaw midang tumah hrilh lovin a ngawih bo pui a. A chhan chu a hlau thawng ve deuh te pawh a ni awm e. Thla thum hnu Finland lama a let leh hma lawkin Map Maker chuan luruh a hmuh chungchang chu Teena-i a hrilh ta a. Ranch map chipchiar taka zir chungin leh Map Maker-in luruh awmna lai kawhhmuhna a siam te hmangin Teena-i leh Scout Ranchers te chuan luruh chu an zawng ta a. An thil zawn chu thingkung din pheuh pheuhna hmunah an va hmuchhuak ta a ni. Ni zung chuan chu luruh chu a lo chhun tle set a. Han hmuh phatin luruh tih a hriat theih nghal mai a. A bul hnai chu uluk leh zualin an han enfiah a. Luruh mai bakah sam zai then khat, khabe ruh, kumkuruh, malpui ruh leh nak ruh tiamin ruh dang 40 lai an hmu belh ta a ni.
Criminal Investigator Sgt. Dale Grites-an a tira a ngaihdan chuan Indianho Inphumna ni mai turah a ngai a. Mahse Jeans rawng pawl, thler hni-hnuang an han hmuh chhuah meuh chuan chu ngaihdan chu a dik lo a ni tih a hre ta nghal a. Chu lai hmun atang chuan hnuhma zawngtute chuan jeans kekawr thler hnuang tawh, kawr pangpar lem chuang, plastic bazar bag them leh thira siam kawrkilh te an hai chhuak a ni.
Mitthi nihna an hriat theih nan chung an thil haichhuah evidence-te chu Forensic Crime Lab, Jefferson City, Missouri-ah an thawn ta a. Anni lam chuan jeans kekawr thler hnuang mai chu an han belhchiang hmasa ber a. Mak deuhin Jeans pawnlam thuina te chu a lo la him pial a. Chu chuan Criminalist, Thomas Grant-an mitthi sang zawng awm-ang a chhutchhuah theih nan a puih a ni. Pawn lam atanga an han teh chuan kekawr tlang atanga a kawng sei zawng chu inches 37 a ni a. Chumi atang chuan a kawng len lam tur chu Inches 26 emaw 27 turah an chhut chhuak a. Chuti chuan Jeans hatu chu tawi lam pang a ni tih an hre thei ta a. A san zawng pawh feet 5 vel turah an chhut a ni.
Scientist-te chuan tualthahna a thleng ngei a ni tih finfiahna an hmu a. Ruhro an chharna laia vaivut an lak chu an han enfiah a. Vaivut zinga thil nawi var lo inpawlh chu an hmu a. An han enfiah chuan Calcium Bicarbonate a lo ni a. Chu chu Calcium Oxide atanga lo insiam niin an ring a. Calcium Oxide chu chinai kan tih hi a ni. Ruang tawih mek rimna lutuk tireh nan emaw thup bo nana hman emaw a nih loh vek pawhin rang taka ruang chu a tawih theih nana hman a ni ngei ang. Ruang phumnaa an hmuh sam chu scientistten an han enfiah leh ta a. Sam chhungril lam pianzia atangin eng chi/hnam nge; Caucasoid emaw Negroid emaw Mongoloid emaw (hmun dangah kan sawifiah tawh) tih a hriat theih a. Mahse vanduai thlak takin sam chu a lo chhe ang reng hle a. Scientisten thuthlukna an siam theih chhun chu Negroid a ni lo tih chauh a ni.
Chanchin hriatna hmahruai atanga a lan dan chuan ruhro chu hmeichhia, Caucasian niin tawi lampang, feet 5 vela sang a ni a. Police-te chuan chu an thu hriat chu United States leh Canada ram puma mibo te Data an vawn thatna hmun National Crime Centre lamah an va thawn ta a. Mahse, chung an data kawl zinga mibo milpui tur awm-ang reng a awm tlat lo. An hlawhchham ta phawt. Police-te chuan chu nu chu thah ni ngeiin an hria a. Harsatna awm ta chu, vanduaina tawk ta hmeichhia chu tu nge a nih tih finfiah a ngai phawt a ni. Police-te chuan Case chu an chhuichhuak thei lo mai ang aw tih te an ngaituah rum rum a.
Investigator-ten an hnuchhui lai-ah chuan kawng dik an zawh reng em?. Ruang phumna pawnlawi tak atanga Evidence sinte an haichhuah chuan an hnuchhui kawnghmang chu rawn her danglamin Medical Detective-te chu khawvel zahve lai a fan pui a ngai dawn ta a ni.
Investigator-te chuan thlan pawn lawi taka an haichhuah ruhro te chu phum a nihna hmunah chuan kum 8 tling lo hret tur chu an lo inphum tawhin an hria a. Nu te lam deuh, Caucasian hmeichhia ngei niin an ring a. Hnuchhuina an tan phat atangin evidence sinte pakhat hian Investigator-te chu a ngaihna hre lovin hrilhhai takin a siam hlawm a. Chu thil chu ruhro bula an chhar thir atanga siam kawrkilh tereuhte hi a ni a. Kawrkilh chanve chu tuiekin a eichhe tawh a. A chanve dangah chuan bungraw siamtute chhinchhiahna logo hi a inchhu a. TEXWOOD tih hi a lo inchhu kiau a ni. 'O' chhung bial lai takah chuan * hman a ni a. Investigator-te leh laboratory-a thawkte zingah chutiang logo lo hmu tawh emaw hria emaw an awm lo va. Anmahni chauh ni lovin FBI lam pawhin TEXWOOD tih hmingpu company emaw thil siam chhuah emaw hria an awm bik lo a ni. Don Bizelli, Criminal Investigator chuan United States, Canada leh Mexico ram chhung hmun hrang hranga mite a biak ngial pawhin TEXWOOD company chu a hmuchhuak thei ta chuang lo va. Chuvang chuan US Customs-a thawk a thianpa chu a han bepawp ta a. US Custom a Special Agent Timothy Quinn chuan TEXWOOD tih thumal chu a computer-ah a han chhu lut a. A computera Import Files atanga a han zawn chuan TEXWOOD tih a hmuchhuak zo lo va. Chuvang chuan phone hmangin mi chi hrang hrang a han be kual a. A tawpah chuan New York a National Import Specialist chu a han bia a. Chumi Office atang chuan TEXWOOD tih hming chu Asia khawmualpui chhung bik chauha hralh chhuah tur Jeans siamtu Asia a Jeans Company pakhat hming a ni tih an finfiah thei ta a ni. Chu a thil hmuchhuah chuan Ruhro finfiah nana Investigator-te hmanraw mamawh pawimawh tak chu a rawn siamsak dawn ta a ni. Chung Jeans te chu US a thawnluh tura siam chhuah an ni lo tih an hre thei ta a. Chumi awmzia chu he mitthi hian a thih hmain Asia ah a zin anga chutah chuan Jeans chu a lei pawh a ni thei a, a nih loh vek pawhin amah chu Asian mi a ni ngei ang. Hriat chian leh zual tumin ruh te chu University of Missouri - Columbia a Anthropologist (hei pawh kan sawi tawh) hnenah an thawn hmasa a. Chumi hnuin Calorado State University ah an thawn leh ta a ni. Ruh fumfe tak a awm phawt chuan ruh zawng zawng awm kim kher ngai lovin an duh chu a hmuchhuak thei mai a. Amaherawh ruh chu awm kim se an thil hriat kha a kim chang leh zual dawn tihna a ni.
Anthropologist-te chuan Luruh atangin hmeichhia nge mipa tih leh eng hnam nge a nih tih an hre thei a. An hna hmasa ber tur chu luruh chu Caucasoid nge ni a Mongoloid nge Negroid tih finfiah a ni. Mongoloid-ah hian Asian mi leh Native American-te (America lo luah hmasatu Indian kan tih ang te) an tel a. Mongoloid luruh ah chuan dan naranin biang ruh phek bial raih a awm a. Anthropologist chuan Policeten luruh chu Mongoloid nia an rinhlelhna chu a rawn nemnghet ta chiah mai a ni. Hnarkawn ruh leh biangki phek dan te leh luruh tet dan atang chuan Mongoloid ngei a ni tih a chiang ta. Anthropologist chuan hmeichhia ngei a ni tih a nemnghet leh ta bawk. Cranial sutures (luruh hrang hrang inzawmna lai: kan sawifiah tawhin ka hria) te chu a phui tlat avang leh ha awm dan han chhutin investigatorte chuan chu hmeichhia chu la valai tak kum 20 lai hawl vel niin an chhut a ni. Ruh hmai tlang te chu a mam deuh han a; chu chuan tihrawl ngah vak mi a ni lo tih a entir a ni. Anthropologist-te chuan pound 120 vela rit angin an chhut a. A kumkuruh an enfiahna atangin thil hriat belh dang an nei leh ta. Hmeichhiaten nau vawi hnih vel an hrin tawh hi chuan kumkuruh inthenna (separating process) vangin ruhah chuan rin khuar (grooves) a siam ta thin a. Chutiang kumkuruha rin khuar awm chu inphumna hmunah khan an chhar a. Investigatorte chuan chu vanduaina tawk ta hmeichhia chuan vawi hnih aia tlem lo nau a hring tawh ngei a ni tih an hre thei ta a ni. Mahse, tu nge a nih tih erawh chhuizui ngaihna awm lovin an la bangbo hle a. A hrilhhai thlak letling hial zawk a. A chhan chu mitthi nihna finfiah phawt lo chuan pawikhawihtu chhuichhuak turin investigation kalpui theih ngawt pawh a ni lo. Mahse Mitthi nihna dik tak finfiah a nih hma loh zawng finfiah theih dan tur an ngaihtuah a ngai bawk si a. Hnu han chhui zui na mai tur hmanrua lah an nei chau bawk si, an tih leh tur hmabak chu tu luruh nge tih hriat loh chu hmel siam sak a ngai ta a ni.
Thuneihtuten eng ang mi nge ni ang tia chhanna an zawn chu an ruhro chhar ngei mai chuan chhanna a rawn pe ta a. Asian hmeichhia, nau vawi hnih aia tlem lo hring tawh leh nute lam pang, feet 5 vel chauh a sang leh pound 120 vela rit a ni tih chu an hre thei tawh a. Mahse, chu nu chu eng ang hmelpu nge maw a nih teh reng le?.
Policete chuan Anthropologist hnenah chuan Facial Re-construction tih dan hmanga luruh ah chuan minung hmel siam turin an han ngen ta a. Re-constructionist chuan luruhah chuan latex (thelret tuihnang) hmangin luruh chu a han tuam a. Latex a lo ro chuan luruh hmel hmang ang chiah kha a nei thei ta a. Tichuan luruh hmel hmang an neih hnu chuan luruh dik tak zawk kha chu evidence a hman a tan Policete hnenah an thawn let ta thin a ni. Tichuan Latex atanga luruh hmelhmang an siamah chuan plaster chhungin luruh-lim an din leh ta a. Chu plaster chhun hmanga luruh lim an siam chawpah chuan land marks tia vuah rubber peg te chu an han char bet leh ta a. Chung rubber peg te chuan hmaia tihrawl chhah lam hrang hrang te ai an awh a. Hmaia tihrawl chhah lam hi hmeichhia leh mipa ah a danglam mai bakah upat dan leh hnam a zirin a danglam thei bawk a ni. Tichuan land marks kan ti te chu bellei tlawn sinte hmangin luruh tlang hriam dan dung zuiin an han belbawm ta a. Luruh hi fingerprint ang mai a ni a. Luruh in ang chiah a awm thei lo a ni. Tichuan bellei tlawn sinte kara hmunawlah chuan bellei chu an han bel khat leh ta a. Plastic atanga siam mit rawng uk raih mai chu a invuahna turah chuan rem takin an vuah ta bawk a. A tawp nan a hnar leh hmui te chu an han sawngbawl leh a. Mitthi ta chu Asian mi ni a ngaih a nih vangin sam lem dum an han vuah ta bawk a. Mahse, chu hmeichhe nihna dik tak erawh hriat loh a la ni. Policete chuan an hnuchhuina-ah chuan hmanraw pawimawh tak an nei ta. Chu chu mihring hmel a ni; chu chuan midangte hriatrengna a kik hawn ngei an beisei.
Chu hmel siam chawp thlalak chu an khua leh khaw thenawm TV leh News papers te hnenah thawnin mipuite hmuh theih tura pholang turin an ngen ta a. Tu emawin chu hmel chu lo hrechhuakin chu mi hnen atang chuan thu lawmawm an dawn ngei an beisei a. Thlalak chu TV leh Newspaper-ah te chuan an chhuah ta ngei a. Policete chuan ni 3 bak an nghah a ngai ta lo. Wilaiporn Cox-i chu mahni maia Inah awmin sitting roomah TV a en mek a. Local news-a lim an tihlan leh a chanchin an puan te chu a han en vang vang a. Tichuan a pasal chu phonea biaiin TV a hmel siam chawp an tihlan chungchang chu a hrilh ta a. A pasal Karmen Cox-a chuan Newspaper chu a han bih ve ta nghal a. Thlalak a han en vang vang a. Ani pawh chuan milim thlalak chu a hriat hnu ni ngeiin a hria a ni. A nupui chu call letin eng emaw chu an tih ngei a ngai a ni tih a hrilh ta a.
Pi leh pu Cox te chuan chu milim thlalak chu an thiannu, an khaw thenawm maia cheng, kum 5 liamta atanga an hmuh tak loh kum 33 a upa Bun Chee Nyhuis-i ang hlein an hria a. Policete an hrilh dan chuan Bun Chee-i chuan a pasal Richard-a chu chhuahsanin a pianna ram Thailand-ah a kir tawh a. Policeten Richard Nyhuis thu an han zawhfiah chuan an chenna atanga mel 100 a hlaa luruh an chhar chu a nupui Bun Chee-i ni theiin a hre lo va. A sawi dan chuan Bun chee-i chuan Thailand-a a chhungte a ngai hle a. A chhungte hnena let leh a duh vangin inthen a duh ta a. Amah ngeiin kum 5 liamta khan Thailand a a haw tur chu St. Louis Airport ah a va thlah a ni. A sawi zel dan chuan chu chu amah leh a faten Bun Chee-i an hmuh tawp ber tum niin chumi chinah chuan a chanchin reng an hre zui ta lo a. An thenawmte pawn Bun Chee-i chuan Thailand lama let a tum thu a sawi ngei a ni tih an nemnghet bawk. An thenawma cheng pi Muriel Higgins-i chuan,"Passport leh Citizenship a neih thu min hrilh ka la hre reng mai. An ramah a let leh a nih pawn mak ka ti hran lo ve" a ti a ni. A hlim lo va, a chhungte tlawh tura Thailand-a kal a duh thu Wilaiporn Cox-i bulah pawh a sawi nghe nghe a ni.
Thlan pawnlawi taka ruang an phawrh kha Bun Chee-i ngei lo ni ta se eng vangin nge kum nga liamta chhung zawng khan Thailand-a a chhungte khan thuneihtute hnenah a bo thu kha an thlen miah loh?. Police-te chuan thu hriat belh duh an neih avangin Scientistte chuan Bun Chee-i ruh chu an enfiah nawn leh ta a.
A pasal sawi angin Bun Chee-i kha a fate pahnih kalsanin an ram Thailand-ah a haw nge kha Boy Scout Ranch-a thlan pawnlawi taka ruang an phawrh kha amah ruang zawk?. Chu chhanna chu luruh leh photograph super-imposition-ah a awm a ni. Police-te chuan a pasal hnen atangin Bun Chee-i thlalak lain Calorado State University-a Anthropology Department-ah an va thawn ta a. Gorgia-a Asian hmeichhe pakhat bo thlalak pawh an thawn tel bawk a. Calorado State Universitya Anthropologist hriat hlawh tak Michael Charneyan chung thlalak te chu a lo buaipui ta a. Charney chuan luruh chu thlalaka Bun Chee-i hawi zawng ang thei ber turin a han dah a. Tichuan luruh thlalak chungah chuan Banchi i thlalak chu a han dah thuah leh ta chiah a. Luruh chuan Gorgia a hmeichhe thlalak a mil lo va. Mahse duhthusama dikin Bun Chee-i thlalak erawh a mil ta chiah mai a ni.
Police-te chuan Science hmanga luruh chu Bun Chee-i luruh ngei a ni tih finfiahna an neih hnu chuan Richard Nyhuis hnen lamah an ngaihtuahna chu an sawr bing leh ta a. A chhan chu a nupui bo chungchangah a tira a sawi aia tam a hriat ngei an ring a ni. Bun Chee-i thiante sawi dan chuan hemi te nupa hi an inngeih vak lo va. Inhnial chang pawh an neih fo thin a ni. Police-te chuan thu hriat belh an nei leh ta. Richard Nyhuis-a chu Boy Scout leader a ni tawh thin a. Policeten Bun Chee-i thlan an hmuhna hmun Boy Scout Ranch-ah an lo camp fo tawh thin a ni. Chu thu an hriat chuan Don Bizelli, Investigator leh a thianpa chu an inmelh a. Mak ti vangin an ring thei lo hial zawk a ni. Tichuan, ruahmanna fel fai tak siama an bawh zui a ngai dawn ta.
Tunah chuan an thu hriat duh leh hriat tawhte chu an in mil chho ta. An nih dan tur ang takin a lo lang chhuak zel ta bawk.
Police-te chuan Forensic Evidence an neihte hmangin Richard Nyhuis-a chu an hmachhawn ta. An han dawp ta a. A tawpah chuan a inpuang ta nghe nghe. Mahse, thilthlen dan a sawi leh Police-te rin dan erawh an inmil lo va. A sawi dan chuan Bun Chee-i nen an intibuai a. Bun Chee-i chu a tlu a. A lu a tauh palh ta a. A hnar leh a ka a hup sak a. Thawchhamin a thi ta a ni. Richard-a inpuanna eng atangin Forensic Pathologist Mary Case-i chuan luruh chu a han enfiah leh ta a. Luruh tukkhuma hliam hnuhma awm chu ngunthluk takin a han enfiah a. Accident vanga awm ni lovin hmanraw bil lam pang vuak/chhutna vanga awm a ni tiin ngaihdan a siam ta a. A sawi dan chuan luruha hmuamhma awm chuan hmun zau vak lo a awh a. Chutiang luruh a dam dawp khawpa chhutna hnuhma chu hmun zim te ah hmanraw lian vak lo hmanga na taka chhut chauhin a awm thei a ni. Chu hmanrua entirna thaber chu tuboh hi a ni ngei ang. A chhan chu tuboh hmanga chhutna lai chu zimtein a khuar thin a ni.
Forensic Evidence leh Nyhuis-a inpuanna thenkhat atanga an han chhutin Prosecutor-te rindan chuan zan khat chu Richarda leh Bun Chee-i te chu an inhnuai pindanah an inhnial a. Bun Chee-i chuan In thar luaha insuan luh a duh a. Richarda chuan In danga han insawn mai turin an neihin a tlin lo tiin a lo hnial a. Bun Chee-i chuan an fapa te hruai a a chhuahsan tur thu a sawi a. Tichuan Richard-a thinrim chuan a bula tuboh lain Bun Chee-in a hnawngchhawn lai tak chuan a tukkhumah a chhu ta a. Bun Chee-i chu a tlu ta a ni. A lu a chhutna chu thihpui tham a ni lo va. Mahse chutia a lu atanga thisen chhuak chunga chhuata a tluk reng lai chuan Richard-a chuan thaw thei lova siamin a that ta a ni. Chhuata thisen a far loh nan a lu-a thisen chhuak mek chu Sarang ip hmangin a tuam ta a. Plastic hmangin Banchi ruang chu tuamin Freezer-ah a khung ta a. Chu Freezer-ah chuan Bun Chee-i ruang chu thla thum lai a inkhung ta a ni.
Nyhuisa chuan Bun Chee-i Thailand lama thlawk tur chu St Lious Airport a a thlah tiin dawt a phuahchawp a. Nipui a lo thaw a vur te a lo tuiral hnu chuan an in atanga dar kar hnih vela tlan thlen theihna Boy Scout Ranch lamah Bun Chee-i ruang chu phur ta a. Thing hmun awmna pilril leh fianrial lai chu Bun Chee-i phum nan a thlang ta a ni. Mahse tihsual leh hmaih tam tak a nei thung a. A ruanga chinai a phul khan a tawih hma theih nan a puih na meuh mai. Mahse thlan kha feet 2 leka thuk a ni a. Ramsa ten an hai chhuah theih loh tur khawpin a thuk tawk lo a ni. Bakah Bun Chee-i kha TEXWOOD jeans ha chungin phum a ni a. Chu chuan Jeans chu Asia a siam leh Asia khawmualpui chauha hralhchhuah an nih thu a sawi ta zawk a. Nyhuis-a khan a nupui ruang kha hmuh chhuah a ni ang tih a ring pha lo va. Lo hmuchhuak ta pawh nise tu ruang nge tih an finfiah theih a ring lo a ni. TEXWOOD kawrkilh an hmuchuah te, kumkuruh atangin vawi hnih ai tlem lo nau a hring tawh tih te, Mongoloid luruh te, Forensic hmanga hmel siam chawp te leh photographic super imposition te chu Bun Chee-i nihna hriatchhuah nana hmanraw pawimawh tak vek an ni.
A chungthu an relna hmunah chuan Dr Case-i chuan mi uphlum turin minute 3 atanga minute 5 bak a ngai lo tih chhe chhamin a nemnghet a. Minute hnih khat emaw lek angah hi chuan unconcious in an awm chauh a ni. Chutiang a nih chuan Nyhuis-a khan a nupui kha a nung lai rengin Freezer-ah khan a khung a ni thei bawk a ni. Richard Nyhuis-a chu tualthah thubuaiah thiam loh chan tir a ni ta. Kum 50 a tan tlin hma chuan chhuah lailawk/parole thei lo va dam chhung lung In tang tura hremna pek a ni.
Forensic Science chuan thil ropui tak a ti leh ta. Hetiang hi a nih dan tur pawh a ni. Kawrkilh leh sam atangin expert ten thil tam tak min hrilh thei a. Kawrkilh chanchin hre thei turin thla khat emaw vel a ngai a. Chu mi hnu chuan kawrkilh chu khawilai ram bika siam nge a nih tih an hrechhuak ta mai a. Chutiang thu zawng zawng an han hre thei mai chu an ngaihsanawma a ropui em em a ni. He case chhuichhuah a ni theih nan scientist-te leh forensic mithiamten tha an thawh theuh a. Harsatna pakhat lek pawhin investigation kha a titawp thei a ni. He case danglamna em em pakhat chu thubuai ngaihtuah a nih theih nana ruhro hmuhchhuah te kha a ni. A thubuai ngaihtuahnaah khan Bun Chee Nyhuis-i kha a takin a rawn tho leh a. Prosecutorten tualthah thubuai an trial laiin mitthi ngei chu Court room ah awmin Jury-te chu amah ruhro ngei hmangin a chunga thil thlen dan kimchang a hrilh ta vek a ni.
*******
S-F Boy Scout Ranch hi Missouri a Farmington thintlang ram mawi tak mai acre 5400 laia zau awh a ni a. He Ranch chengker takah hian Map siamtu chuan tum lawk leh beisei miah lovin luruh a chhar nawlh mai a ni. Teena Orling-i chu he map siamtu supervisor hi a ni a. A sawi dan chuan Map siamtu chu Finland atanga lo kal, professional map maker a ni a. Missouri a thlen atanga ni hnih khat hnu lekah luruh chu a hmuchhuak a ni. A luruh hmuh chungchang chu a supervisor emaw midang tumah hrilh lovin a ngawih bo pui a. A chhan chu a hlau thawng ve deuh te pawh a ni awm e. Thla thum hnu Finland lama a let leh hma lawkin Map Maker chuan luruh a hmuh chungchang chu Teena-i a hrilh ta a. Ranch map chipchiar taka zir chungin leh Map Maker-in luruh awmna lai kawhhmuhna a siam te hmangin Teena-i leh Scout Ranchers te chuan luruh chu an zawng ta a. An thil zawn chu thingkung din pheuh pheuhna hmunah an va hmuchhuak ta a ni. Ni zung chuan chu luruh chu a lo chhun tle set a. Han hmuh phatin luruh tih a hriat theih nghal mai a. A bul hnai chu uluk leh zualin an han enfiah a. Luruh mai bakah sam zai then khat, khabe ruh, kumkuruh, malpui ruh leh nak ruh tiamin ruh dang 40 lai an hmu belh ta a ni.
Criminal Investigator Sgt. Dale Grites-an a tira a ngaihdan chuan Indianho Inphumna ni mai turah a ngai a. Mahse Jeans rawng pawl, thler hni-hnuang an han hmuh chhuah meuh chuan chu ngaihdan chu a dik lo a ni tih a hre ta nghal a. Chu lai hmun atang chuan hnuhma zawngtute chuan jeans kekawr thler hnuang tawh, kawr pangpar lem chuang, plastic bazar bag them leh thira siam kawrkilh te an hai chhuak a ni.
Mitthi nihna an hriat theih nan chung an thil haichhuah evidence-te chu Forensic Crime Lab, Jefferson City, Missouri-ah an thawn ta a. Anni lam chuan jeans kekawr thler hnuang mai chu an han belhchiang hmasa ber a. Mak deuhin Jeans pawnlam thuina te chu a lo la him pial a. Chu chuan Criminalist, Thomas Grant-an mitthi sang zawng awm-ang a chhutchhuah theih nan a puih a ni. Pawn lam atanga an han teh chuan kekawr tlang atanga a kawng sei zawng chu inches 37 a ni a. Chumi atang chuan a kawng len lam tur chu Inches 26 emaw 27 turah an chhut chhuak a. Chuti chuan Jeans hatu chu tawi lam pang a ni tih an hre thei ta a. A san zawng pawh feet 5 vel turah an chhut a ni.
Scientist-te chuan tualthahna a thleng ngei a ni tih finfiahna an hmu a. Ruhro an chharna laia vaivut an lak chu an han enfiah a. Vaivut zinga thil nawi var lo inpawlh chu an hmu a. An han enfiah chuan Calcium Bicarbonate a lo ni a. Chu chu Calcium Oxide atanga lo insiam niin an ring a. Calcium Oxide chu chinai kan tih hi a ni. Ruang tawih mek rimna lutuk tireh nan emaw thup bo nana hman emaw a nih loh vek pawhin rang taka ruang chu a tawih theih nana hman a ni ngei ang. Ruang phumnaa an hmuh sam chu scientistten an han enfiah leh ta a. Sam chhungril lam pianzia atangin eng chi/hnam nge; Caucasoid emaw Negroid emaw Mongoloid emaw (hmun dangah kan sawifiah tawh) tih a hriat theih a. Mahse vanduai thlak takin sam chu a lo chhe ang reng hle a. Scientisten thuthlukna an siam theih chhun chu Negroid a ni lo tih chauh a ni.
Chanchin hriatna hmahruai atanga a lan dan chuan ruhro chu hmeichhia, Caucasian niin tawi lampang, feet 5 vela sang a ni a. Police-te chuan chu an thu hriat chu United States leh Canada ram puma mibo te Data an vawn thatna hmun National Crime Centre lamah an va thawn ta a. Mahse, chung an data kawl zinga mibo milpui tur awm-ang reng a awm tlat lo. An hlawhchham ta phawt. Police-te chuan chu nu chu thah ni ngeiin an hria a. Harsatna awm ta chu, vanduaina tawk ta hmeichhia chu tu nge a nih tih finfiah a ngai phawt a ni. Police-te chuan Case chu an chhuichhuak thei lo mai ang aw tih te an ngaituah rum rum a.
Investigator-ten an hnuchhui lai-ah chuan kawng dik an zawh reng em?. Ruang phumna pawnlawi tak atanga Evidence sinte an haichhuah chuan an hnuchhui kawnghmang chu rawn her danglamin Medical Detective-te chu khawvel zahve lai a fan pui a ngai dawn ta a ni.
Investigator-te chuan thlan pawn lawi taka an haichhuah ruhro te chu phum a nihna hmunah chuan kum 8 tling lo hret tur chu an lo inphum tawhin an hria a. Nu te lam deuh, Caucasian hmeichhia ngei niin an ring a. Hnuchhuina an tan phat atangin evidence sinte pakhat hian Investigator-te chu a ngaihna hre lovin hrilhhai takin a siam hlawm a. Chu thil chu ruhro bula an chhar thir atanga siam kawrkilh tereuhte hi a ni a. Kawrkilh chanve chu tuiekin a eichhe tawh a. A chanve dangah chuan bungraw siamtute chhinchhiahna logo hi a inchhu a. TEXWOOD tih hi a lo inchhu kiau a ni. 'O' chhung bial lai takah chuan * hman a ni a. Investigator-te leh laboratory-a thawkte zingah chutiang logo lo hmu tawh emaw hria emaw an awm lo va. Anmahni chauh ni lovin FBI lam pawhin TEXWOOD tih hmingpu company emaw thil siam chhuah emaw hria an awm bik lo a ni. Don Bizelli, Criminal Investigator chuan United States, Canada leh Mexico ram chhung hmun hrang hranga mite a biak ngial pawhin TEXWOOD company chu a hmuchhuak thei ta chuang lo va. Chuvang chuan US Customs-a thawk a thianpa chu a han bepawp ta a. US Custom a Special Agent Timothy Quinn chuan TEXWOOD tih thumal chu a computer-ah a han chhu lut a. A computera Import Files atanga a han zawn chuan TEXWOOD tih a hmuchhuak zo lo va. Chuvang chuan phone hmangin mi chi hrang hrang a han be kual a. A tawpah chuan New York a National Import Specialist chu a han bia a. Chumi Office atang chuan TEXWOOD tih hming chu Asia khawmualpui chhung bik chauha hralh chhuah tur Jeans siamtu Asia a Jeans Company pakhat hming a ni tih an finfiah thei ta a ni. Chu a thil hmuchhuah chuan Ruhro finfiah nana Investigator-te hmanraw mamawh pawimawh tak chu a rawn siamsak dawn ta a ni. Chung Jeans te chu US a thawnluh tura siam chhuah an ni lo tih an hre thei ta a. Chumi awmzia chu he mitthi hian a thih hmain Asia ah a zin anga chutah chuan Jeans chu a lei pawh a ni thei a, a nih loh vek pawhin amah chu Asian mi a ni ngei ang. Hriat chian leh zual tumin ruh te chu University of Missouri - Columbia a Anthropologist (hei pawh kan sawi tawh) hnenah an thawn hmasa a. Chumi hnuin Calorado State University ah an thawn leh ta a ni. Ruh fumfe tak a awm phawt chuan ruh zawng zawng awm kim kher ngai lovin an duh chu a hmuchhuak thei mai a. Amaherawh ruh chu awm kim se an thil hriat kha a kim chang leh zual dawn tihna a ni.
Anthropologist-te chuan Luruh atangin hmeichhia nge mipa tih leh eng hnam nge a nih tih an hre thei a. An hna hmasa ber tur chu luruh chu Caucasoid nge ni a Mongoloid nge Negroid tih finfiah a ni. Mongoloid-ah hian Asian mi leh Native American-te (America lo luah hmasatu Indian kan tih ang te) an tel a. Mongoloid luruh ah chuan dan naranin biang ruh phek bial raih a awm a. Anthropologist chuan Policeten luruh chu Mongoloid nia an rinhlelhna chu a rawn nemnghet ta chiah mai a ni. Hnarkawn ruh leh biangki phek dan te leh luruh tet dan atang chuan Mongoloid ngei a ni tih a chiang ta. Anthropologist chuan hmeichhia ngei a ni tih a nemnghet leh ta bawk. Cranial sutures (luruh hrang hrang inzawmna lai: kan sawifiah tawhin ka hria) te chu a phui tlat avang leh ha awm dan han chhutin investigatorte chuan chu hmeichhia chu la valai tak kum 20 lai hawl vel niin an chhut a ni. Ruh hmai tlang te chu a mam deuh han a; chu chuan tihrawl ngah vak mi a ni lo tih a entir a ni. Anthropologist-te chuan pound 120 vela rit angin an chhut a. A kumkuruh an enfiahna atangin thil hriat belh dang an nei leh ta. Hmeichhiaten nau vawi hnih vel an hrin tawh hi chuan kumkuruh inthenna (separating process) vangin ruhah chuan rin khuar (grooves) a siam ta thin a. Chutiang kumkuruha rin khuar awm chu inphumna hmunah khan an chhar a. Investigatorte chuan chu vanduaina tawk ta hmeichhia chuan vawi hnih aia tlem lo nau a hring tawh ngei a ni tih an hre thei ta a ni. Mahse, tu nge a nih tih erawh chhuizui ngaihna awm lovin an la bangbo hle a. A hrilhhai thlak letling hial zawk a. A chhan chu mitthi nihna finfiah phawt lo chuan pawikhawihtu chhuichhuak turin investigation kalpui theih ngawt pawh a ni lo. Mahse Mitthi nihna dik tak finfiah a nih hma loh zawng finfiah theih dan tur an ngaihtuah a ngai bawk si a. Hnu han chhui zui na mai tur hmanrua lah an nei chau bawk si, an tih leh tur hmabak chu tu luruh nge tih hriat loh chu hmel siam sak a ngai ta a ni.
Thuneihtuten eng ang mi nge ni ang tia chhanna an zawn chu an ruhro chhar ngei mai chuan chhanna a rawn pe ta a. Asian hmeichhia, nau vawi hnih aia tlem lo hring tawh leh nute lam pang, feet 5 vel chauh a sang leh pound 120 vela rit a ni tih chu an hre thei tawh a. Mahse, chu nu chu eng ang hmelpu nge maw a nih teh reng le?.
Policete chuan Anthropologist hnenah chuan Facial Re-construction tih dan hmanga luruh ah chuan minung hmel siam turin an han ngen ta a. Re-constructionist chuan luruhah chuan latex (thelret tuihnang) hmangin luruh chu a han tuam a. Latex a lo ro chuan luruh hmel hmang ang chiah kha a nei thei ta a. Tichuan luruh hmel hmang an neih hnu chuan luruh dik tak zawk kha chu evidence a hman a tan Policete hnenah an thawn let ta thin a ni. Tichuan Latex atanga luruh hmelhmang an siamah chuan plaster chhungin luruh-lim an din leh ta a. Chu plaster chhun hmanga luruh lim an siam chawpah chuan land marks tia vuah rubber peg te chu an han char bet leh ta a. Chung rubber peg te chuan hmaia tihrawl chhah lam hrang hrang te ai an awh a. Hmaia tihrawl chhah lam hi hmeichhia leh mipa ah a danglam mai bakah upat dan leh hnam a zirin a danglam thei bawk a ni. Tichuan land marks kan ti te chu bellei tlawn sinte hmangin luruh tlang hriam dan dung zuiin an han belbawm ta a. Luruh hi fingerprint ang mai a ni a. Luruh in ang chiah a awm thei lo a ni. Tichuan bellei tlawn sinte kara hmunawlah chuan bellei chu an han bel khat leh ta a. Plastic atanga siam mit rawng uk raih mai chu a invuahna turah chuan rem takin an vuah ta bawk a. A tawp nan a hnar leh hmui te chu an han sawngbawl leh a. Mitthi ta chu Asian mi ni a ngaih a nih vangin sam lem dum an han vuah ta bawk a. Mahse, chu hmeichhe nihna dik tak erawh hriat loh a la ni. Policete chuan an hnuchhuina-ah chuan hmanraw pawimawh tak an nei ta. Chu chu mihring hmel a ni; chu chuan midangte hriatrengna a kik hawn ngei an beisei.
Chu hmel siam chawp thlalak chu an khua leh khaw thenawm TV leh News papers te hnenah thawnin mipuite hmuh theih tura pholang turin an ngen ta a. Tu emawin chu hmel chu lo hrechhuakin chu mi hnen atang chuan thu lawmawm an dawn ngei an beisei a. Thlalak chu TV leh Newspaper-ah te chuan an chhuah ta ngei a. Policete chuan ni 3 bak an nghah a ngai ta lo. Wilaiporn Cox-i chu mahni maia Inah awmin sitting roomah TV a en mek a. Local news-a lim an tihlan leh a chanchin an puan te chu a han en vang vang a. Tichuan a pasal chu phonea biaiin TV a hmel siam chawp an tihlan chungchang chu a hrilh ta a. A pasal Karmen Cox-a chuan Newspaper chu a han bih ve ta nghal a. Thlalak a han en vang vang a. Ani pawh chuan milim thlalak chu a hriat hnu ni ngeiin a hria a ni. A nupui chu call letin eng emaw chu an tih ngei a ngai a ni tih a hrilh ta a.
Pi leh pu Cox te chuan chu milim thlalak chu an thiannu, an khaw thenawm maia cheng, kum 5 liamta atanga an hmuh tak loh kum 33 a upa Bun Chee Nyhuis-i ang hlein an hria a. Policete an hrilh dan chuan Bun Chee-i chuan a pasal Richard-a chu chhuahsanin a pianna ram Thailand-ah a kir tawh a. Policeten Richard Nyhuis thu an han zawhfiah chuan an chenna atanga mel 100 a hlaa luruh an chhar chu a nupui Bun Chee-i ni theiin a hre lo va. A sawi dan chuan Bun chee-i chuan Thailand-a a chhungte a ngai hle a. A chhungte hnena let leh a duh vangin inthen a duh ta a. Amah ngeiin kum 5 liamta khan Thailand a a haw tur chu St. Louis Airport ah a va thlah a ni. A sawi zel dan chuan chu chu amah leh a faten Bun Chee-i an hmuh tawp ber tum niin chumi chinah chuan a chanchin reng an hre zui ta lo a. An thenawmte pawn Bun Chee-i chuan Thailand lama let a tum thu a sawi ngei a ni tih an nemnghet bawk. An thenawma cheng pi Muriel Higgins-i chuan,"Passport leh Citizenship a neih thu min hrilh ka la hre reng mai. An ramah a let leh a nih pawn mak ka ti hran lo ve" a ti a ni. A hlim lo va, a chhungte tlawh tura Thailand-a kal a duh thu Wilaiporn Cox-i bulah pawh a sawi nghe nghe a ni.
Thlan pawnlawi taka ruang an phawrh kha Bun Chee-i ngei lo ni ta se eng vangin nge kum nga liamta chhung zawng khan Thailand-a a chhungte khan thuneihtute hnenah a bo thu kha an thlen miah loh?. Police-te chuan thu hriat belh duh an neih avangin Scientistte chuan Bun Chee-i ruh chu an enfiah nawn leh ta a.
A pasal sawi angin Bun Chee-i kha a fate pahnih kalsanin an ram Thailand-ah a haw nge kha Boy Scout Ranch-a thlan pawnlawi taka ruang an phawrh kha amah ruang zawk?. Chu chhanna chu luruh leh photograph super-imposition-ah a awm a ni. Police-te chuan a pasal hnen atangin Bun Chee-i thlalak lain Calorado State University-a Anthropology Department-ah an va thawn ta a. Gorgia-a Asian hmeichhe pakhat bo thlalak pawh an thawn tel bawk a. Calorado State Universitya Anthropologist hriat hlawh tak Michael Charneyan chung thlalak te chu a lo buaipui ta a. Charney chuan luruh chu thlalaka Bun Chee-i hawi zawng ang thei ber turin a han dah a. Tichuan luruh thlalak chungah chuan Banchi i thlalak chu a han dah thuah leh ta chiah a. Luruh chuan Gorgia a hmeichhe thlalak a mil lo va. Mahse duhthusama dikin Bun Chee-i thlalak erawh a mil ta chiah mai a ni.
Police-te chuan Science hmanga luruh chu Bun Chee-i luruh ngei a ni tih finfiahna an neih hnu chuan Richard Nyhuis hnen lamah an ngaihtuahna chu an sawr bing leh ta a. A chhan chu a nupui bo chungchangah a tira a sawi aia tam a hriat ngei an ring a ni. Bun Chee-i thiante sawi dan chuan hemi te nupa hi an inngeih vak lo va. Inhnial chang pawh an neih fo thin a ni. Police-te chuan thu hriat belh an nei leh ta. Richard Nyhuis-a chu Boy Scout leader a ni tawh thin a. Policeten Bun Chee-i thlan an hmuhna hmun Boy Scout Ranch-ah an lo camp fo tawh thin a ni. Chu thu an hriat chuan Don Bizelli, Investigator leh a thianpa chu an inmelh a. Mak ti vangin an ring thei lo hial zawk a ni. Tichuan, ruahmanna fel fai tak siama an bawh zui a ngai dawn ta.
Tunah chuan an thu hriat duh leh hriat tawhte chu an in mil chho ta. An nih dan tur ang takin a lo lang chhuak zel ta bawk.
Police-te chuan Forensic Evidence an neihte hmangin Richard Nyhuis-a chu an hmachhawn ta. An han dawp ta a. A tawpah chuan a inpuang ta nghe nghe. Mahse, thilthlen dan a sawi leh Police-te rin dan erawh an inmil lo va. A sawi dan chuan Bun Chee-i nen an intibuai a. Bun Chee-i chu a tlu a. A lu a tauh palh ta a. A hnar leh a ka a hup sak a. Thawchhamin a thi ta a ni. Richard-a inpuanna eng atangin Forensic Pathologist Mary Case-i chuan luruh chu a han enfiah leh ta a. Luruh tukkhuma hliam hnuhma awm chu ngunthluk takin a han enfiah a. Accident vanga awm ni lovin hmanraw bil lam pang vuak/chhutna vanga awm a ni tiin ngaihdan a siam ta a. A sawi dan chuan luruha hmuamhma awm chuan hmun zau vak lo a awh a. Chutiang luruh a dam dawp khawpa chhutna hnuhma chu hmun zim te ah hmanraw lian vak lo hmanga na taka chhut chauhin a awm thei a ni. Chu hmanrua entirna thaber chu tuboh hi a ni ngei ang. A chhan chu tuboh hmanga chhutna lai chu zimtein a khuar thin a ni.
Forensic Evidence leh Nyhuis-a inpuanna thenkhat atanga an han chhutin Prosecutor-te rindan chuan zan khat chu Richarda leh Bun Chee-i te chu an inhnuai pindanah an inhnial a. Bun Chee-i chuan In thar luaha insuan luh a duh a. Richarda chuan In danga han insawn mai turin an neihin a tlin lo tiin a lo hnial a. Bun Chee-i chuan an fapa te hruai a a chhuahsan tur thu a sawi a. Tichuan Richard-a thinrim chuan a bula tuboh lain Bun Chee-in a hnawngchhawn lai tak chuan a tukkhumah a chhu ta a. Bun Chee-i chu a tlu ta a ni. A lu a chhutna chu thihpui tham a ni lo va. Mahse chutia a lu atanga thisen chhuak chunga chhuata a tluk reng lai chuan Richard-a chuan thaw thei lova siamin a that ta a ni. Chhuata thisen a far loh nan a lu-a thisen chhuak mek chu Sarang ip hmangin a tuam ta a. Plastic hmangin Banchi ruang chu tuamin Freezer-ah a khung ta a. Chu Freezer-ah chuan Bun Chee-i ruang chu thla thum lai a inkhung ta a ni.
Nyhuisa chuan Bun Chee-i Thailand lama thlawk tur chu St Lious Airport a a thlah tiin dawt a phuahchawp a. Nipui a lo thaw a vur te a lo tuiral hnu chuan an in atanga dar kar hnih vela tlan thlen theihna Boy Scout Ranch lamah Bun Chee-i ruang chu phur ta a. Thing hmun awmna pilril leh fianrial lai chu Bun Chee-i phum nan a thlang ta a ni. Mahse tihsual leh hmaih tam tak a nei thung a. A ruanga chinai a phul khan a tawih hma theih nan a puih na meuh mai. Mahse thlan kha feet 2 leka thuk a ni a. Ramsa ten an hai chhuah theih loh tur khawpin a thuk tawk lo a ni. Bakah Bun Chee-i kha TEXWOOD jeans ha chungin phum a ni a. Chu chuan Jeans chu Asia a siam leh Asia khawmualpui chauha hralhchhuah an nih thu a sawi ta zawk a. Nyhuis-a khan a nupui ruang kha hmuh chhuah a ni ang tih a ring pha lo va. Lo hmuchhuak ta pawh nise tu ruang nge tih an finfiah theih a ring lo a ni. TEXWOOD kawrkilh an hmuchuah te, kumkuruh atangin vawi hnih ai tlem lo nau a hring tawh tih te, Mongoloid luruh te, Forensic hmanga hmel siam chawp te leh photographic super imposition te chu Bun Chee-i nihna hriatchhuah nana hmanraw pawimawh tak vek an ni.
A chungthu an relna hmunah chuan Dr Case-i chuan mi uphlum turin minute 3 atanga minute 5 bak a ngai lo tih chhe chhamin a nemnghet a. Minute hnih khat emaw lek angah hi chuan unconcious in an awm chauh a ni. Chutiang a nih chuan Nyhuis-a khan a nupui kha a nung lai rengin Freezer-ah khan a khung a ni thei bawk a ni. Richard Nyhuis-a chu tualthah thubuaiah thiam loh chan tir a ni ta. Kum 50 a tan tlin hma chuan chhuah lailawk/parole thei lo va dam chhung lung In tang tura hremna pek a ni.
Forensic Science chuan thil ropui tak a ti leh ta. Hetiang hi a nih dan tur pawh a ni. Kawrkilh leh sam atangin expert ten thil tam tak min hrilh thei a. Kawrkilh chanchin hre thei turin thla khat emaw vel a ngai a. Chu mi hnu chuan kawrkilh chu khawilai ram bika siam nge a nih tih an hrechhuak ta mai a. Chutiang thu zawng zawng an han hre thei mai chu an ngaihsanawma a ropui em em a ni. He case chhuichhuah a ni theih nan scientist-te leh forensic mithiamten tha an thawh theuh a. Harsatna pakhat lek pawhin investigation kha a titawp thei a ni. He case danglamna em em pakhat chu thubuai ngaihtuah a nih theih nana ruhro hmuhchhuah te kha a ni. A thubuai ngaihtuahnaah khan Bun Chee Nyhuis-i kha a takin a rawn tho leh a. Prosecutorten tualthah thubuai an trial laiin mitthi ngei chu Court room ah awmin Jury-te chu amah ruhro ngei hmangin a chunga thil thlen dan kimchang a hrilh ta vek a ni.
*******
 : THE TALKING SKULL ){kind=link}
2 Comments
I always spent my half an hour to read this web site's articles daily along with a cup of coffee.
ReplyDeleteThis comment has been removed by the author.
DeleteI ngaihdan han thawh ve teh le!