Hmeichhe naupang pakhat chuan a nu thattu chu a hmu chiang hle a. Mahse, tu nge tih a sawi thei tlat lo. Han hriat theihna mai tur lah a awm hek lo. A hriatna chu a ruak vek a ni ber. Evidence dang awm lo vangin Case chu chhuizui lova hlui hlawnin a awm ta a. Cathy-i ruang lei daia zalh a nih hnu pawhin apa chuan a fanu chunga thihna thlentu chu tu nge tih hriat tumin a la beih ta fan a. Forensic Scientist ten pawi khawihna thlen dan chu zir chhin an tum ta a. An nghawng an han in rek fiam a. Chutia an tihna lamah chuan Evidence kum 15 lai lo inphum ru reng mai chu an hmuchhuak ta a ni. Case chhuichhuah nan hian science leh vanneihna tawn buak te a ngai thin. He case bikah hi chuan Vanneihna nasa takin a inrawlh a ni.
Mike Odoma chuan Kathyi chu High School an kal laiin a tawng a. An inzui chhawmzawm nghal a, a hnu rei lo te ah chuan dam chhung hun hmang dun turin thuthlukna an siam ta a ni. Mahse, vanduai thlak takin an inneih hma lawkin Mikea chu Heroin zawrh vangin man a ni a. Chu a thil sual tih vang chuan kum hnih lai a tan phah a ni. A tan hun chhung zawng chuan Kathyi chuan Tan In atanga a lo chhuah hun tur chu nghakhlel takin a lo thlir reng thin a. A tan hun tlak zova tan In atanga a lo chhuah chuan an inzui chhunzawm leh ta a. Tichuan a hnu deuh lawkin an innei a, fa pahnih Tasha leh Shawn te an neih a ni. Kathyi pa chuan Mikea chu a sumdawnna ah hnathawh tur a pe a. Kathyi pawn chhungkaw tha tak din tumin theih tawp a chhuah a. Khawsak nunphung pawh a pangai chho viau zel. Mahse zan khat chu Mikea chuan an nu chu phone hmangin biak a tum a, a bepawp thei ta hauh lo mai. Kathyi chu an fate pahnih nen Inah awm tura ngaih a ni a. Mikea chuan an thenawm te chu phone a biain an inah chuan thil dik lo a awm em tih va ensak turin a ngen ta ngawt mai a ni.
Thenawmpa chu Mikea te Inah chuan va kalin kawngka chu a han kik a. Kathyi chu a koh pah bawk a. Chhangtu an awm tlat lo. Inchhungah chuan a va dak lut a. Eng chu a lo thim thuap a. TV chu a lo inchhuah a. Rinhlelhawm riauin a hria a ni. Tichuan Police te phone mai lovin amah ngei khawchhung lamah mel chanve dawn inkhalh in Police a hmu a, thil awm dan hrilhin an pahnih chuan Odom te In lam panin an inkhalh let leh ta vang vang a ni.
Police Officer chu kawngka inkalh lo va awm inchhungah chuan a han lut a. Living room sofa ah chuan kum 4 mi Tashai chu sawisak hrep leh unconcious hian a lo awm a. Mahse a la dam a ni. Room hnung kil lamah chuan thla hniha upa Shawna chu him damin a va hmu thung a. A lo tap nasa hle a. Chumi room dawt chiahah chuan chhuata saruak leh thisena bual huh hnuanga Kathy Odomi lo let reng chu a va hmu leh a. A ni chu vih hlum a ni. Ambulance hmangin kum li mi Tasha chu hmanhmawh takin hospital an panpui ta nghal a.
Kathy pain pawi khawihna hmun a lo thlen chuan thil thlen dan vel chu chipchiar takin an hrilh duh lo va. Ani chuan, "Khaw nge naupangho hi?" tiin naupangho chu a lam nghal a. Hospital lama hruai an nih thu lo hrilhin amah ngei pawh hospital lama va kal a naupangho va ngaihven turin an lo rawn ta zawk a ni. Tichuan ani pawh damdawi in lam pan chuan a kal ve ta nghal a. Damdawi Inah chuan chinchang ngaihvena a thut laiin TV a tualthahna chanchin an puan chu a en a. Tah chuan a fanu thah chu thah a ni tih a hre ve ta chauh a ni. A thu hriat chuan a thawng hle a. Pawn lamah va chhuakin rei tawk fang a va tap a. Ngai a awh leh thlengin tah chuan a va awm a. Chumi zan chuan pawi khawihna hmun chu a tlawh leh ta lo. Mak pawh a inti hle a ni.
Michael Odom an pawi khawihna hmun a lo thlenin a khawsa zia leh lan dan chu police te chuan an lo bengkhawn hle a. A car a lo inkhalh thlengin jean kekawr pawl leh kawr pawl a ha a. Investigator zinga pakhat chuan a kawr a rawng kai chu a lo hmu chat a. "Thisen a ni em?" tiin a han zawt a. Ani chuan, " Thisen a ni lo" tiin a chhang a ni.
Odom te in chu ngun takin an han dap a. Bathroom ah chuan thisen an hmu a. A awm zia chu tualthattu chuan chu lai hmun chhuahsana a insaseng hmain a intifai ngei tihna a ni. Police te chuan tharum hmanga luhna hnuhma an hmu lo va. Kawngkapui tih loh kawngkhar dang zawng chu a lo la inkalh thlap a ni. Kathyi chuan amah thattu chu a hria tihna a ni ngei ang.
Kathy Odomi autopsy atangin Kathyi chu vawi 19 vih a ni tih hmuh chhuah a ni a. Pawngsual ngei a ni bawk. Kelly Siegler, Prosecutor sawi dan chuan he pawi khawihna hi tisa chakna vanga pawi khawihna thleng ta niin a lang a. Hmelhriat loh pawn lam miin tual a thahna niin a lang lo bawk. A chhan chu hmelhriat loh chuan eng vang mahin vawi 16 lai vitin a hrawk hmun 3 ah a zai kher na chhan tur a awm lo a ni.
Police te rin dan chuan anmahni beitu chuan a duh ang apiang Kathyin a tihsak theih nan Kathy Odomi fanu Tasha chu a sawisa a. Bakah a sawisak avangin Tasha tap lai chu a bang dawn a. Chu aia pawimawh zawk chu a thil tih tum chu a fiamthu lo tih Kathyi a hriattir a. Chuvang chuan a duh tih puitlinsak chu Kathyi tan a tha zawk tih lantirna a ni tel bawk a ni.
Pawi khawihtu chuan Kathyi a pawngsual hmain a bul hnai maia awm electric hrui chu tan bungin Kathyi kut hnungkhirh nan a hmang tih a lang a. Tichuan a pawngsual hnuin a vithlum ta a. Kathyi chuan a nunna leh a fate nunna chhan nan theih tawp a chhuah a, mahse atawpah chuan a nunna chu a chan ta tho a ni.
A chhungte tan chuan Kathy thihna chu paltlang thiam har tak tur hi a ni a. Chutiang karah chuan an tunu kum 4 mi Tasha i dam thuai theih nan an tawngtai bawk a ni. Tashai chu na taka vuak nihin nikhawhre lo Coma in a awm a. Doctor ten theih tawpa Tashai an buaipui laiin Police te chuan Mikea chu an lo kawm ve thung a.
A nupui thihna vangin Mikea chu a tuar hle tih a hriat theih a. Rilru mumal pawh a la pu thei lo, a la chi-ai rih a ni. Mahse, pawi khawihna thlenna Ina cheng ve a ni avangin police te chuan ngun taka thu an zawhfiah ngei a ngai a ni. Rinhlelh a kai lehna em em chhan chu Kathyi thah a nih zan khan Mikea chu a hnathawhna atangin In lamah haw ding nghal mai lovin a thiante nen an lengchhuak a. Chuvang chuan a haw tlai tur thu hrilh tumin khami zan khan an nu kha va phone pawh a ni reng a. Police te hi chuan mi tu emawin thalthahna a ruahman a. Pawi khawihna a thlen laiin hmun dangah ani chu a lo inthiar fihlim daih thin tih ang hi chu an hmu tamin an hre tam tawh a. Midang phone a biain an nu va nghaihven lawk tura han tir mai te kha chhuanlam tha tak a ni tih pawh an hria a ni. Chuvang chuan inhnamhnawihna a nei lo ngei a ni tih an chian hma chuan an mi rinhlelh a ni lo thei lo a ni. Chuvanga Mike Odoma chu thu zawtfiah pawh an ni reng a ni.
Mikea kawra thil kai awm chu enfiah turin Forensic Lab lamah an thawn ta a. Police te pawh chuan Police te hnena chanchin lo hrilh hmasatu an thenawma Tim Robinsona car chhungah rawng them kai an hmu bawk a. Tichuan car chhuatphah chu khawkin Lab lamah an test tir ve leh ta bawk a ni.
Medical Examiner chhut dan chuan Kathyi chu a ruang an hmuh hma dar kar 6 vel liamta a thah angin a sawi a. Chuti a nih chuan chhun dar khat velah thah a ni tihna a ni. Chutiang hun velah chuan Mike Odom leh Tim Robinson te chuan an hnathawhna hmuna ve ve ah an awm thu an sawi ve ve a. An thusawi chu a dik reng em tih an finfiah lai mekin witness Tashai chu Coma atangin a lo harh chhuak hlawl a. Thu an han zawt a. Investigator te a hrilh dan chuan an inchhunga mipa lo lut lai chu a la hre thei a. Chu pa chuan ani chu lo pan hnaiin a kut chu a hmel hliahin a dah a. A sawi dan chuan chupa chuan api angin a sam rawng a eng ve a ni. Mike Odoman sam buang a nei lo va, Tim Robinson sam pawh a buang hek lo. Tualthattu sam rawng chauh chu Tashai hriat theih awm chhun chu a ni ta mai si a. A bak hriat engmah a nei tawh lo a ni.
Forensic test result chuan police te hnen a lo thleng ta a. Tim Robinsona Car chhunga rawng kai chu motor oil a lo ni a. Mike Odom kawr a mi pawh rawng (paint) a lo ni bawk. Chu mai bakah an thawhpuite ve ve chuan an pahnihin an hnathawhna hmunah an awm ngei tih an nemnghet a. An pahnihin Polygraph Test pawh an paltlang ve ve a ni. Tichuan tualthahna nen inzawmna an nei lo tih a chiang ta a. Police te chuan a rang thei ang bera an hming chu rinhlelh zing atanga an dah fihlim vat a ngai a ni. A chhan chu chutia an tih chuan anni chu buaipui zui ngai tawh lovin rinhlelh dang zawngin an buaipui leh vat thei zawk dawn tihna a ni. A dawt leh a an mi rinhlelh chu Kathy hretu tawh phawtin a an mirinhlelh nia an sawi Kathyi laizawn, Shelley pasal, Gregory Markwardt a ni.
Mi zawng zawngin Kathyi nen an inlaichinna a tha lo tih an hre vek a. Kathyi a ngaihmelh thin a ni tih pawh an hria. Kathyi khan a ngaina lo va. Hepa hi a tih/hlau tlat a ni. Ahma pawhin mipat hmeichhiatna lam hawiin chet a thawh tawh a. Chuvang chuan kathyi chuan a ngaina lo tak zet a ni.
Kathyi te inchhungah Grega chu a awm ngei a ni tih finfiahna tam tham zet an hmu a. Inchhunga pawi khawihnaah chuan a sam leh finger print tam tham zet an hmu a ni. Mahse harsatna pakhat a awm tlat. Chhungkhat an nih vangin chu Inah chuan vawi tam a leng lut a. Finger print leh sam hmuh vang ringawtin engmah a finfiah tak tak lo a ni.
Kathyi thah a nih laia mita hmutu awm chhun kum 4 a upa Tasha chu a lu ah na taka hnek a ni a. Hliam na tak tuarin a hmai te chu a vung luk a. Kut tuma hnek ngei niin a lang. Ni hnih chhung Coma a a awm hnuin Tasha chu a rawn har chhuak ta a. Damdawi In atanga chhuah tir a nih hmain a patea (a nu laizawn pasal) chuan a rawn kan a. Chumi tuma Tashai leh a patea inhmuhna chu Tashai pi Sharlene Martin chuan a theinghilh thei tawh ngai lovang. Tashain Grega a hmu ve leh hlauh nei hmel em em pu hian a pi chu a melh ta ran mai a. A hnuin bei an tawh zana Inchhunga rawn lut kha a pate Grega a ni em tiin Tashai chu an han zawt a. Ani chuan a hriat chhuah thei lo thuin a lo chhang a ni. Tih dan hrang hrang hmangin a hriatna chu kaih thawh an han tum thin a. Hriat chhuah thei eng emaw tal a nei beiseiin vawi khat phei chu an dawi mu (hypnotise) hial a. Hliam nasa tak a tawrh vang nge hriat chhuah theih erawh a nei tawh tlat lo.
Kum 35 a upa Greg Markwardt leh Kathyi laizawn Shelley te hi kum 4 zet an innei tawh a. An nupa hian Cocaine kawl vangin tan inah an lo tang tawh nghe nghe. Dik tak chuan Kathyin In thara insuan a duhna chhan pawh mipat hmeichhiatna lam hawia vawi tam chet la tawh Greg hlata awm a duh vang a ni a. Grega chu a hlau a ni ber. "Keimah chauh chuan a bulah ka awm duh lo" tiin anu bulah a lo sawi tawh hial a ni. Mak tak maiin chutiang khawpa hnar a nih hnu pawhin Greg Markwardta chuan Kathyin a hip thu zep lovin tlang takin a sawi ngam a. A bik takin Kathyi dul chuan a hip zual bik a. Chu chu a danglam bik tlat. Eng vanga a dul ber kher ngaihvena it tlat nge a ni ang le?. Kathyi chunga Grega mit fukna chu hai rual lovin a hriat thei a. Kathyi pawn a thiante bulah a lo sawi chhuak nghe nghe tawh a ni. Kathyi chuan, " Eng e a chhan ka hre lo. Ka dul ah hian eng emaw a awm niang. Min mutpui a duh a ni" tiin a lo sawi tawh a ni.
Investigator te chuan mi thenkhatin ke thiah no hniak mai emaw kut tang sawl sei pilh pelh emaw in an rilru a luah thu an sawi an hre tawh thin ngei mai. Mahse dul ber kher chu an hre ngai meuh lo. An vawi khat hriatna a ni hial mai thei. Chungte nen inzawmna nei ni ngeia rin theih turin Kathyi kha a dulah thuk takin vawi tam vih nawn a ni. Heng te vang hian Grega chu rinhlelh a kai ta em em a ni.
Greg Markwardta chu thu an han zawtfiah ta a. Kathyi thah chungchang ah chuan inhnamhnawih-na a nei lo tiin a pha chiang kher mai. Chutia Detective ten thu an zawh laklawh lai chuan, "Min lo hrethiam lawk mai teh u. Parking Meter a pawisa dah tura ka chhuah a ngai tlat mai" tiin chhuah zawk a dil a. A thutna atangin a ding chhuak a. Pawn lamah chuan a va chhuak a, a let leh ta miah lo va.
Grega nupui Shelleyi pawh thu an han zawtfiah a. A sawi dan chuan tualthah na thlen ni khan zing lam dar 10:30 ah Grega chuan schoolah a va thlah a. Tlai Dar 2:30 ah Schoolah a va lam leh a ni. A thlah leh hmuah inkar ah dar kar 4 a tla a. Chumi kar chu Gregan tual a thah nan leh school atanga a nupui a hruai leh hmaa a lo insilfai nan a tawk em em a ni. Shelley nunchang an han chhui a. Shelleyi chu a pasal nen sual lam kawngah an inthurual hle hian an hria a. Greg Markwardta thuhnuaiah a kun a ni tih pawh a hriat a ni. Grega hian Shellyi chungah thuneihna a nei hle niin an hre bawk a ni.
Investigator ten ngun taka an enfiah ngial pawhin pawi khawhna hmun chuan a tanpui nep hle a. Grega finger print leh sam te chu Kathyi In atangin hmuh a ni ngei a. Chhungkhat dang finger print te pawh hmuh a ni ve tho bawk. Sawi tawh ang khan a laizawnnu pasal a ni a. Ahma pawhin In ah chuan a kal tawh thin ngei a. Chuvang chuan a finger print leh sam lo awm ve chu dang pangai a ni ve tho a ni.
Kathyi kha pawngsual ngei a ni tih finfiah chu a ni ngei mai. Mahse vanduai thlak takin he pawi khawihna hi tualthahna chhui nana DNA hman lar a ni hma kum tam fe liamta a thleng a ni a. Kum 1980 chho vel kha chuan hetiang a tan Serology hman a ni thin. Serology ah chuan Blood Group Typing an ti thin a. A khirh mai bakah sample (thisen) tam tawk tak an mamawh a. Bakah Blood Type chauh a hriat theih a ni. Rape Kit a Blood Type leh Grega Blood Type te chu an inang a. Grega Blood kha Type ''O" a ni a. Mahse, mihring za zela 50 hian Type "O" nei ang a chhut a ni. Chuvang chuan Blood Type atang ringawt chuan finfiahna dang han hmuh belh a hriat belh tur em em a awm tawh lo a ni. Evidence dang a awm tawh miau loh avangin case chu chhui zui lova hluihlawnin a awm ta a.
Kathryn Louise Odom ruang pialleia zalh a nih atangin hun tam a vei tawh a. Apa chuan a fanu thlan chu a tlawh chamchi a. A fanu chungah kha tiang taka nunrawnga thil titu chu tu nge tih hriat tumin a la bei chhawnzawm ta fan a. Pawi khawihna hi thla khat chhunga hnu thar lam ber ber umzuia chhui chhuah a nih loh chuan chhui chhuah a ni ang tih theih ngawt pawh a ni lo a ni tiin an lo sawi thin a ni.
Gregory Markwardt leh Shelley te pawn an hringnun hunbi chu an chhiar chho ve zel a. Mahse Kathyi pa chuan hun khirh tak a paltlang mek thung a. A fanu thahna vanga tawrhna te paltlanga chumi hnua a fanu thattu ngei nia rinhlelh chuan a fanu dang zawk nupuiah a nei a ni tih hre reng chunga hun a hmang tur chu suangtuah phak bak a ni.
Kathy Odomi Rape Kit a biological evidence te atangin DNA Profile siam turin DNA Testing chu innghahna tlak a ni tih hriat chhuah nan kum 11 nghah a ngai a. Tichuan Kathy Rape Kit atanga DNA Profile an neih leh Greg Markwardt DNA chu an khaikhin ta a. Chu khaikhinna tang chuan za a za a dikin thuthlukna an siam thei tlat lo. Mahse, Grega chu mihring 2% zinga thilsual titu ni thei zingah a tel ve a ni tih a tarlang thung a. Chung chanchin vel Kathy pa in a lo hriat chuan, "Greg a ngei chu a ni e" a ti hial a ni. Mahse, Grega chuan insawifiahna a nei ve ta tlat mai. Kathyi nen chuan an duh thu ngeiin an inngaizawng a ni tiin a sawi a. Thah a nih tuk pawh khan a bulah a awm a. An duh thu rengin mipat hmeichhiatna pawh an hman thu a sawi a ni. A kalsan lai chuan a dam ngei a ni tih a sawi bawk. Hemi tum hian Greg Markwardta chu man a ni lo va. Achhan chu a hun laia District Attorney khan Grega tanchhan atangin an convict theih a beisei lo a ni.
Prosecutorte chuan kha tualthahna thlen lai khan Grega kha a awm ngei a. Kathy that turin pawi khawihna hmunah khan a awm ngei a ni tih chu rinhlelh tur awm hauh lo va an finfiah a ngai a ni. Eng tin nge an tih tak ang?.
DNA Test in Grega chu Kathy Odomi pawngsuala thattu ni thei mihring 2% zingah a tel ve a ni tih a tarlan hnuin kum 4 lai a vei leh tawh a. Mahse, Prosecutor te chuan Gregan tualthahna thlen lai vel khan Kathyi nen an inngaizawng tia a tanchhan chu eng tianga han pheh thlak tur nge tih an la hre mai bik si lo. Chutiang a nih mek lai chuan Investigator te chu Katherine Long, Orchid Cellmark, Private Forensic Lab, Dallas a DNA Analyst nen an thawkho a. Katherine Longi pa hi Elpaso Texas a Police hotu thin a ni a. Chuvang chuan Scientist pangai te aiin Katherine Longi ngaihdan hi a dang deuh hlek zawk a. Chung hun lai vel chuan Orchid Cellmark te chuan Experiment dangdai tak an buaipui mek a. An thil enchhinna ah chuan mi pahnih inhmachhawnin an nghawng ve ve ah an inrek a. Hlimhlawp nana ti an ni mai lo. Tualthattuin mi a rek laiin a mireh nghawngah chan skin cell a hnutchhiah em tih finfiah tura enchhinna neih an ni zawk. Tichuan nghawnga inrehna lai chu lapaw hmangin an han hru a. Kuta rektu kut zungtang tepawh an hru tel bawk a. Chuti chuan skin cell tam tham zet a kaichhawng thei tih an hmuchhuak ta a ni. Tichuan Investigator te chuan Kathy Evidence File atangin tualthattu skin cell awmna eng emaw ber chu an hmuh ngei a ngai ta. Chu chhanna chu Kathyi kut khirh nana hman Electric hrui chu a ni. Eng lai pawhin khawi hmunah pawh kal i la kan them eng emaw ber hi chu kan hnutchhiah ngei ngei thin. Chung kan thil hnutchhiah chu skin Cell emaw Hair Folicle emaw Finger Print emaw pawh a ni thei a ni.
Vanneih thlak takin chu Electric hrui chu plastic bag chhungah ni lovin paper bag chhungah vawn that a ni a. Paper bag chhunga evidence ah khan hnawng lo awm ta pawh nise a hul/ro dawn tihna a ni a. Chu chuan DNA dam hun chhung kha a pawtsei dawn a. Plastic bag chhunga awm aia reiin a lo vawnghim dawn tihna a ni.
Electric hruiah chuan thisen tam zet a lo kai a. Scientist te chuan thisen leh thisen nena inpawlh skin cell zawngin lapaw hmangin an han hru a. DNA Teting chu an han ti ta. DNA Testing chuan Genetic Profile pahnih a rawn tarlang ta. Pakhat chu Kathy Odom DNA ngei a ni a. Adang pakhat zawk chu Greg Markwardta DNA a ni. Kathy hnungkhirhna Electric hruia Grega DNA awm thei dan awmchhun chu tualthattu a nih chauhin Electric hruiah khan DNA a hnutchhiah thei a ni.
Greg Markwardta chu man niin Kathy Odomi thata puh a ni ta. Tan Ina a tan laiin a tanpui hnenah chuan thil thlen dan kimchang rapawm tak chu a lo hrilh ta vek a. Khami nia Kathy te In lama a va inkhalh tum khan Heroin a ruih niin a hrilh a. Inchhung a luh ve leh mipat hmeichhiatna hmanpui tumin chet a la ta a. Kathyi chuan a lo hnial fithla hmak a. Kathyin a duh zawng a tihpuitlinsak theih nan kum 4 a upa Kathy fanu Tashai chu va pan hnaiin a lu ah a hnek ta chawrh chawrh a. Thi turin a hnutchhiah ta a ni. Nausen Shawna chu room lehlamah a awm a. Grega chuan nausen pawh a that ang tiin kathyi chu a vau a. Nausen nunna chhan nan Kathyi chuan Grega duh chu a tihpuitlinsak ta a ni. Chokaa chemte hmangin Grega chuan a bul hnai maia Electric hrui chu a tan chhum a. Kathy kut phuar nan a hmang ta a. Chutah chuan a DNA chu a hnutchhiah ta a ni. Mipat hmeichhiatna a hmanpui zawh chuan a vit hlum ta a. Tichuan bathroom-ah a va insilfai a. A car chhunga thisen a tikai loh nan Kathyi pasal thawhnaw inthuamin In chu a chhuahsan ta a. Grega chuan Science hmasawnnain kum 15 ral hnu pawhin Grega chu tualthattu ngei a ni tih a finfiah thei tih a hre lo a ni ngei ang.
Policeten Evidence an nei thar te Gregan a han hmachhawn meuh chuah Kathy Odom thah thubuaiah chuan thiamthu sawi tur nei lovin an puhna chu a pawm ta a. Kum 45 tang turah hremna pek a ni. A tan hun chhung kum 4 chauh a tlak hman tiin thin tha loin a thi ta a. A thih hian kum 56 a upa a ni.
×××××××××××
Mike Odoma chuan Kathyi chu High School an kal laiin a tawng a. An inzui chhawmzawm nghal a, a hnu rei lo te ah chuan dam chhung hun hmang dun turin thuthlukna an siam ta a ni. Mahse, vanduai thlak takin an inneih hma lawkin Mikea chu Heroin zawrh vangin man a ni a. Chu a thil sual tih vang chuan kum hnih lai a tan phah a ni. A tan hun chhung zawng chuan Kathyi chuan Tan In atanga a lo chhuah hun tur chu nghakhlel takin a lo thlir reng thin a. A tan hun tlak zova tan In atanga a lo chhuah chuan an inzui chhunzawm leh ta a. Tichuan a hnu deuh lawkin an innei a, fa pahnih Tasha leh Shawn te an neih a ni. Kathyi pa chuan Mikea chu a sumdawnna ah hnathawh tur a pe a. Kathyi pawn chhungkaw tha tak din tumin theih tawp a chhuah a. Khawsak nunphung pawh a pangai chho viau zel. Mahse zan khat chu Mikea chuan an nu chu phone hmangin biak a tum a, a bepawp thei ta hauh lo mai. Kathyi chu an fate pahnih nen Inah awm tura ngaih a ni a. Mikea chuan an thenawm te chu phone a biain an inah chuan thil dik lo a awm em tih va ensak turin a ngen ta ngawt mai a ni.
Thenawmpa chu Mikea te Inah chuan va kalin kawngka chu a han kik a. Kathyi chu a koh pah bawk a. Chhangtu an awm tlat lo. Inchhungah chuan a va dak lut a. Eng chu a lo thim thuap a. TV chu a lo inchhuah a. Rinhlelhawm riauin a hria a ni. Tichuan Police te phone mai lovin amah ngei khawchhung lamah mel chanve dawn inkhalh in Police a hmu a, thil awm dan hrilhin an pahnih chuan Odom te In lam panin an inkhalh let leh ta vang vang a ni.
Police Officer chu kawngka inkalh lo va awm inchhungah chuan a han lut a. Living room sofa ah chuan kum 4 mi Tashai chu sawisak hrep leh unconcious hian a lo awm a. Mahse a la dam a ni. Room hnung kil lamah chuan thla hniha upa Shawna chu him damin a va hmu thung a. A lo tap nasa hle a. Chumi room dawt chiahah chuan chhuata saruak leh thisena bual huh hnuanga Kathy Odomi lo let reng chu a va hmu leh a. A ni chu vih hlum a ni. Ambulance hmangin kum li mi Tasha chu hmanhmawh takin hospital an panpui ta nghal a.
Kathy pain pawi khawihna hmun a lo thlen chuan thil thlen dan vel chu chipchiar takin an hrilh duh lo va. Ani chuan, "Khaw nge naupangho hi?" tiin naupangho chu a lam nghal a. Hospital lama hruai an nih thu lo hrilhin amah ngei pawh hospital lama va kal a naupangho va ngaihven turin an lo rawn ta zawk a ni. Tichuan ani pawh damdawi in lam pan chuan a kal ve ta nghal a. Damdawi Inah chuan chinchang ngaihvena a thut laiin TV a tualthahna chanchin an puan chu a en a. Tah chuan a fanu thah chu thah a ni tih a hre ve ta chauh a ni. A thu hriat chuan a thawng hle a. Pawn lamah va chhuakin rei tawk fang a va tap a. Ngai a awh leh thlengin tah chuan a va awm a. Chumi zan chuan pawi khawihna hmun chu a tlawh leh ta lo. Mak pawh a inti hle a ni.
Michael Odom an pawi khawihna hmun a lo thlenin a khawsa zia leh lan dan chu police te chuan an lo bengkhawn hle a. A car a lo inkhalh thlengin jean kekawr pawl leh kawr pawl a ha a. Investigator zinga pakhat chuan a kawr a rawng kai chu a lo hmu chat a. "Thisen a ni em?" tiin a han zawt a. Ani chuan, " Thisen a ni lo" tiin a chhang a ni.
Odom te in chu ngun takin an han dap a. Bathroom ah chuan thisen an hmu a. A awm zia chu tualthattu chuan chu lai hmun chhuahsana a insaseng hmain a intifai ngei tihna a ni. Police te chuan tharum hmanga luhna hnuhma an hmu lo va. Kawngkapui tih loh kawngkhar dang zawng chu a lo la inkalh thlap a ni. Kathyi chuan amah thattu chu a hria tihna a ni ngei ang.
Kathy Odomi autopsy atangin Kathyi chu vawi 19 vih a ni tih hmuh chhuah a ni a. Pawngsual ngei a ni bawk. Kelly Siegler, Prosecutor sawi dan chuan he pawi khawihna hi tisa chakna vanga pawi khawihna thleng ta niin a lang a. Hmelhriat loh pawn lam miin tual a thahna niin a lang lo bawk. A chhan chu hmelhriat loh chuan eng vang mahin vawi 16 lai vitin a hrawk hmun 3 ah a zai kher na chhan tur a awm lo a ni.
- Kathy Odomi thawmhnaw awm dan chuan Police te chu thil thlen dan hrilhhriat a nei a. A thawmhnaw lo awm dan atang chuan Kathyi chuan a thawmhnaw te chu hlipin fimkhur takin a thlep a. Chhuatah awmze neiin a dah khawm a. A thawmhnaw ah chuan tet emaw pawh thlerna emaw hmuh tur a awm lo. Chuvang chuan amah ngeiin a thawmhnaw te chu a hlip niin a lang a ni.
Police te rin dan chuan anmahni beitu chuan a duh ang apiang Kathyin a tihsak theih nan Kathy Odomi fanu Tasha chu a sawisa a. Bakah a sawisak avangin Tasha tap lai chu a bang dawn a. Chu aia pawimawh zawk chu a thil tih tum chu a fiamthu lo tih Kathyi a hriattir a. Chuvang chuan a duh tih puitlinsak chu Kathyi tan a tha zawk tih lantirna a ni tel bawk a ni.
Pawi khawihtu chuan Kathyi a pawngsual hmain a bul hnai maia awm electric hrui chu tan bungin Kathyi kut hnungkhirh nan a hmang tih a lang a. Tichuan a pawngsual hnuin a vithlum ta a. Kathyi chuan a nunna leh a fate nunna chhan nan theih tawp a chhuah a, mahse atawpah chuan a nunna chu a chan ta tho a ni.
A chhungte tan chuan Kathy thihna chu paltlang thiam har tak tur hi a ni a. Chutiang karah chuan an tunu kum 4 mi Tasha i dam thuai theih nan an tawngtai bawk a ni. Tashai chu na taka vuak nihin nikhawhre lo Coma in a awm a. Doctor ten theih tawpa Tashai an buaipui laiin Police te chuan Mikea chu an lo kawm ve thung a.
A nupui thihna vangin Mikea chu a tuar hle tih a hriat theih a. Rilru mumal pawh a la pu thei lo, a la chi-ai rih a ni. Mahse, pawi khawihna thlenna Ina cheng ve a ni avangin police te chuan ngun taka thu an zawhfiah ngei a ngai a ni. Rinhlelh a kai lehna em em chhan chu Kathyi thah a nih zan khan Mikea chu a hnathawhna atangin In lamah haw ding nghal mai lovin a thiante nen an lengchhuak a. Chuvang chuan a haw tlai tur thu hrilh tumin khami zan khan an nu kha va phone pawh a ni reng a. Police te hi chuan mi tu emawin thalthahna a ruahman a. Pawi khawihna a thlen laiin hmun dangah ani chu a lo inthiar fihlim daih thin tih ang hi chu an hmu tamin an hre tam tawh a. Midang phone a biain an nu va nghaihven lawk tura han tir mai te kha chhuanlam tha tak a ni tih pawh an hria a ni. Chuvang chuan inhnamhnawihna a nei lo ngei a ni tih an chian hma chuan an mi rinhlelh a ni lo thei lo a ni. Chuvanga Mike Odoma chu thu zawtfiah pawh an ni reng a ni.
Mikea kawra thil kai awm chu enfiah turin Forensic Lab lamah an thawn ta a. Police te pawh chuan Police te hnena chanchin lo hrilh hmasatu an thenawma Tim Robinsona car chhungah rawng them kai an hmu bawk a. Tichuan car chhuatphah chu khawkin Lab lamah an test tir ve leh ta bawk a ni.
Medical Examiner chhut dan chuan Kathyi chu a ruang an hmuh hma dar kar 6 vel liamta a thah angin a sawi a. Chuti a nih chuan chhun dar khat velah thah a ni tihna a ni. Chutiang hun velah chuan Mike Odom leh Tim Robinson te chuan an hnathawhna hmuna ve ve ah an awm thu an sawi ve ve a. An thusawi chu a dik reng em tih an finfiah lai mekin witness Tashai chu Coma atangin a lo harh chhuak hlawl a. Thu an han zawt a. Investigator te a hrilh dan chuan an inchhunga mipa lo lut lai chu a la hre thei a. Chu pa chuan ani chu lo pan hnaiin a kut chu a hmel hliahin a dah a. A sawi dan chuan chupa chuan api angin a sam rawng a eng ve a ni. Mike Odoman sam buang a nei lo va, Tim Robinson sam pawh a buang hek lo. Tualthattu sam rawng chauh chu Tashai hriat theih awm chhun chu a ni ta mai si a. A bak hriat engmah a nei tawh lo a ni.
Forensic test result chuan police te hnen a lo thleng ta a. Tim Robinsona Car chhunga rawng kai chu motor oil a lo ni a. Mike Odom kawr a mi pawh rawng (paint) a lo ni bawk. Chu mai bakah an thawhpuite ve ve chuan an pahnihin an hnathawhna hmunah an awm ngei tih an nemnghet a. An pahnihin Polygraph Test pawh an paltlang ve ve a ni. Tichuan tualthahna nen inzawmna an nei lo tih a chiang ta a. Police te chuan a rang thei ang bera an hming chu rinhlelh zing atanga an dah fihlim vat a ngai a ni. A chhan chu chutia an tih chuan anni chu buaipui zui ngai tawh lovin rinhlelh dang zawngin an buaipui leh vat thei zawk dawn tihna a ni. A dawt leh a an mi rinhlelh chu Kathy hretu tawh phawtin a an mirinhlelh nia an sawi Kathyi laizawn, Shelley pasal, Gregory Markwardt a ni.
Mi zawng zawngin Kathyi nen an inlaichinna a tha lo tih an hre vek a. Kathyi a ngaihmelh thin a ni tih pawh an hria. Kathyi khan a ngaina lo va. Hepa hi a tih/hlau tlat a ni. Ahma pawhin mipat hmeichhiatna lam hawiin chet a thawh tawh a. Chuvang chuan kathyi chuan a ngaina lo tak zet a ni.
Kathyi te inchhungah Grega chu a awm ngei a ni tih finfiahna tam tham zet an hmu a. Inchhunga pawi khawihnaah chuan a sam leh finger print tam tham zet an hmu a ni. Mahse harsatna pakhat a awm tlat. Chhungkhat an nih vangin chu Inah chuan vawi tam a leng lut a. Finger print leh sam hmuh vang ringawtin engmah a finfiah tak tak lo a ni.
Kathyi thah a nih laia mita hmutu awm chhun kum 4 a upa Tasha chu a lu ah na taka hnek a ni a. Hliam na tak tuarin a hmai te chu a vung luk a. Kut tuma hnek ngei niin a lang. Ni hnih chhung Coma a a awm hnuin Tasha chu a rawn har chhuak ta a. Damdawi In atanga chhuah tir a nih hmain a patea (a nu laizawn pasal) chuan a rawn kan a. Chumi tuma Tashai leh a patea inhmuhna chu Tashai pi Sharlene Martin chuan a theinghilh thei tawh ngai lovang. Tashain Grega a hmu ve leh hlauh nei hmel em em pu hian a pi chu a melh ta ran mai a. A hnuin bei an tawh zana Inchhunga rawn lut kha a pate Grega a ni em tiin Tashai chu an han zawt a. Ani chuan a hriat chhuah thei lo thuin a lo chhang a ni. Tih dan hrang hrang hmangin a hriatna chu kaih thawh an han tum thin a. Hriat chhuah thei eng emaw tal a nei beiseiin vawi khat phei chu an dawi mu (hypnotise) hial a. Hliam nasa tak a tawrh vang nge hriat chhuah theih erawh a nei tawh tlat lo.
Kum 35 a upa Greg Markwardt leh Kathyi laizawn Shelley te hi kum 4 zet an innei tawh a. An nupa hian Cocaine kawl vangin tan inah an lo tang tawh nghe nghe. Dik tak chuan Kathyin In thara insuan a duhna chhan pawh mipat hmeichhiatna lam hawia vawi tam chet la tawh Greg hlata awm a duh vang a ni a. Grega chu a hlau a ni ber. "Keimah chauh chuan a bulah ka awm duh lo" tiin anu bulah a lo sawi tawh hial a ni. Mak tak maiin chutiang khawpa hnar a nih hnu pawhin Greg Markwardta chuan Kathyin a hip thu zep lovin tlang takin a sawi ngam a. A bik takin Kathyi dul chuan a hip zual bik a. Chu chu a danglam bik tlat. Eng vanga a dul ber kher ngaihvena it tlat nge a ni ang le?. Kathyi chunga Grega mit fukna chu hai rual lovin a hriat thei a. Kathyi pawn a thiante bulah a lo sawi chhuak nghe nghe tawh a ni. Kathyi chuan, " Eng e a chhan ka hre lo. Ka dul ah hian eng emaw a awm niang. Min mutpui a duh a ni" tiin a lo sawi tawh a ni.
Investigator te chuan mi thenkhatin ke thiah no hniak mai emaw kut tang sawl sei pilh pelh emaw in an rilru a luah thu an sawi an hre tawh thin ngei mai. Mahse dul ber kher chu an hre ngai meuh lo. An vawi khat hriatna a ni hial mai thei. Chungte nen inzawmna nei ni ngeia rin theih turin Kathyi kha a dulah thuk takin vawi tam vih nawn a ni. Heng te vang hian Grega chu rinhlelh a kai ta em em a ni.
Greg Markwardta chu thu an han zawtfiah ta a. Kathyi thah chungchang ah chuan inhnamhnawih-na a nei lo tiin a pha chiang kher mai. Chutia Detective ten thu an zawh laklawh lai chuan, "Min lo hrethiam lawk mai teh u. Parking Meter a pawisa dah tura ka chhuah a ngai tlat mai" tiin chhuah zawk a dil a. A thutna atangin a ding chhuak a. Pawn lamah chuan a va chhuak a, a let leh ta miah lo va.
Grega nupui Shelleyi pawh thu an han zawtfiah a. A sawi dan chuan tualthah na thlen ni khan zing lam dar 10:30 ah Grega chuan schoolah a va thlah a. Tlai Dar 2:30 ah Schoolah a va lam leh a ni. A thlah leh hmuah inkar ah dar kar 4 a tla a. Chumi kar chu Gregan tual a thah nan leh school atanga a nupui a hruai leh hmaa a lo insilfai nan a tawk em em a ni. Shelley nunchang an han chhui a. Shelleyi chu a pasal nen sual lam kawngah an inthurual hle hian an hria a. Greg Markwardta thuhnuaiah a kun a ni tih pawh a hriat a ni. Grega hian Shellyi chungah thuneihna a nei hle niin an hre bawk a ni.
Investigator ten ngun taka an enfiah ngial pawhin pawi khawhna hmun chuan a tanpui nep hle a. Grega finger print leh sam te chu Kathyi In atangin hmuh a ni ngei a. Chhungkhat dang finger print te pawh hmuh a ni ve tho bawk. Sawi tawh ang khan a laizawnnu pasal a ni a. Ahma pawhin In ah chuan a kal tawh thin ngei a. Chuvang chuan a finger print leh sam lo awm ve chu dang pangai a ni ve tho a ni.
Kathyi kha pawngsual ngei a ni tih finfiah chu a ni ngei mai. Mahse vanduai thlak takin he pawi khawihna hi tualthahna chhui nana DNA hman lar a ni hma kum tam fe liamta a thleng a ni a. Kum 1980 chho vel kha chuan hetiang a tan Serology hman a ni thin. Serology ah chuan Blood Group Typing an ti thin a. A khirh mai bakah sample (thisen) tam tawk tak an mamawh a. Bakah Blood Type chauh a hriat theih a ni. Rape Kit a Blood Type leh Grega Blood Type te chu an inang a. Grega Blood kha Type ''O" a ni a. Mahse, mihring za zela 50 hian Type "O" nei ang a chhut a ni. Chuvang chuan Blood Type atang ringawt chuan finfiahna dang han hmuh belh a hriat belh tur em em a awm tawh lo a ni. Evidence dang a awm tawh miau loh avangin case chu chhui zui lova hluihlawnin a awm ta a.
Kathryn Louise Odom ruang pialleia zalh a nih atangin hun tam a vei tawh a. Apa chuan a fanu thlan chu a tlawh chamchi a. A fanu chungah kha tiang taka nunrawnga thil titu chu tu nge tih hriat tumin a la bei chhawnzawm ta fan a. Pawi khawihna hi thla khat chhunga hnu thar lam ber ber umzuia chhui chhuah a nih loh chuan chhui chhuah a ni ang tih theih ngawt pawh a ni lo a ni tiin an lo sawi thin a ni.
Gregory Markwardt leh Shelley te pawn an hringnun hunbi chu an chhiar chho ve zel a. Mahse Kathyi pa chuan hun khirh tak a paltlang mek thung a. A fanu thahna vanga tawrhna te paltlanga chumi hnua a fanu thattu ngei nia rinhlelh chuan a fanu dang zawk nupuiah a nei a ni tih hre reng chunga hun a hmang tur chu suangtuah phak bak a ni.
Kathy Odomi Rape Kit a biological evidence te atangin DNA Profile siam turin DNA Testing chu innghahna tlak a ni tih hriat chhuah nan kum 11 nghah a ngai a. Tichuan Kathy Rape Kit atanga DNA Profile an neih leh Greg Markwardt DNA chu an khaikhin ta a. Chu khaikhinna tang chuan za a za a dikin thuthlukna an siam thei tlat lo. Mahse, Grega chu mihring 2% zinga thilsual titu ni thei zingah a tel ve a ni tih a tarlang thung a. Chung chanchin vel Kathy pa in a lo hriat chuan, "Greg a ngei chu a ni e" a ti hial a ni. Mahse, Grega chuan insawifiahna a nei ve ta tlat mai. Kathyi nen chuan an duh thu ngeiin an inngaizawng a ni tiin a sawi a. Thah a nih tuk pawh khan a bulah a awm a. An duh thu rengin mipat hmeichhiatna pawh an hman thu a sawi a ni. A kalsan lai chuan a dam ngei a ni tih a sawi bawk. Hemi tum hian Greg Markwardta chu man a ni lo va. Achhan chu a hun laia District Attorney khan Grega tanchhan atangin an convict theih a beisei lo a ni.
Prosecutorte chuan kha tualthahna thlen lai khan Grega kha a awm ngei a. Kathy that turin pawi khawihna hmunah khan a awm ngei a ni tih chu rinhlelh tur awm hauh lo va an finfiah a ngai a ni. Eng tin nge an tih tak ang?.
DNA Test in Grega chu Kathy Odomi pawngsuala thattu ni thei mihring 2% zingah a tel ve a ni tih a tarlan hnuin kum 4 lai a vei leh tawh a. Mahse, Prosecutor te chuan Gregan tualthahna thlen lai vel khan Kathyi nen an inngaizawng tia a tanchhan chu eng tianga han pheh thlak tur nge tih an la hre mai bik si lo. Chutiang a nih mek lai chuan Investigator te chu Katherine Long, Orchid Cellmark, Private Forensic Lab, Dallas a DNA Analyst nen an thawkho a. Katherine Longi pa hi Elpaso Texas a Police hotu thin a ni a. Chuvang chuan Scientist pangai te aiin Katherine Longi ngaihdan hi a dang deuh hlek zawk a. Chung hun lai vel chuan Orchid Cellmark te chuan Experiment dangdai tak an buaipui mek a. An thil enchhinna ah chuan mi pahnih inhmachhawnin an nghawng ve ve ah an inrek a. Hlimhlawp nana ti an ni mai lo. Tualthattuin mi a rek laiin a mireh nghawngah chan skin cell a hnutchhiah em tih finfiah tura enchhinna neih an ni zawk. Tichuan nghawnga inrehna lai chu lapaw hmangin an han hru a. Kuta rektu kut zungtang tepawh an hru tel bawk a. Chuti chuan skin cell tam tham zet a kaichhawng thei tih an hmuchhuak ta a ni. Tichuan Investigator te chuan Kathy Evidence File atangin tualthattu skin cell awmna eng emaw ber chu an hmuh ngei a ngai ta. Chu chhanna chu Kathyi kut khirh nana hman Electric hrui chu a ni. Eng lai pawhin khawi hmunah pawh kal i la kan them eng emaw ber hi chu kan hnutchhiah ngei ngei thin. Chung kan thil hnutchhiah chu skin Cell emaw Hair Folicle emaw Finger Print emaw pawh a ni thei a ni.
Vanneih thlak takin chu Electric hrui chu plastic bag chhungah ni lovin paper bag chhungah vawn that a ni a. Paper bag chhunga evidence ah khan hnawng lo awm ta pawh nise a hul/ro dawn tihna a ni a. Chu chuan DNA dam hun chhung kha a pawtsei dawn a. Plastic bag chhunga awm aia reiin a lo vawnghim dawn tihna a ni.
Electric hruiah chuan thisen tam zet a lo kai a. Scientist te chuan thisen leh thisen nena inpawlh skin cell zawngin lapaw hmangin an han hru a. DNA Teting chu an han ti ta. DNA Testing chuan Genetic Profile pahnih a rawn tarlang ta. Pakhat chu Kathy Odom DNA ngei a ni a. Adang pakhat zawk chu Greg Markwardta DNA a ni. Kathy hnungkhirhna Electric hruia Grega DNA awm thei dan awmchhun chu tualthattu a nih chauhin Electric hruiah khan DNA a hnutchhiah thei a ni.
Greg Markwardta chu man niin Kathy Odomi thata puh a ni ta. Tan Ina a tan laiin a tanpui hnenah chuan thil thlen dan kimchang rapawm tak chu a lo hrilh ta vek a. Khami nia Kathy te In lama a va inkhalh tum khan Heroin a ruih niin a hrilh a. Inchhung a luh ve leh mipat hmeichhiatna hmanpui tumin chet a la ta a. Kathyi chuan a lo hnial fithla hmak a. Kathyin a duh zawng a tihpuitlinsak theih nan kum 4 a upa Kathy fanu Tashai chu va pan hnaiin a lu ah a hnek ta chawrh chawrh a. Thi turin a hnutchhiah ta a ni. Nausen Shawna chu room lehlamah a awm a. Grega chuan nausen pawh a that ang tiin kathyi chu a vau a. Nausen nunna chhan nan Kathyi chuan Grega duh chu a tihpuitlinsak ta a ni. Chokaa chemte hmangin Grega chuan a bul hnai maia Electric hrui chu a tan chhum a. Kathy kut phuar nan a hmang ta a. Chutah chuan a DNA chu a hnutchhiah ta a ni. Mipat hmeichhiatna a hmanpui zawh chuan a vit hlum ta a. Tichuan bathroom-ah a va insilfai a. A car chhunga thisen a tikai loh nan Kathyi pasal thawhnaw inthuamin In chu a chhuahsan ta a. Grega chuan Science hmasawnnain kum 15 ral hnu pawhin Grega chu tualthattu ngei a ni tih a finfiah thei tih a hre lo a ni ngei ang.
Policeten Evidence an nei thar te Gregan a han hmachhawn meuh chuah Kathy Odom thah thubuaiah chuan thiamthu sawi tur nei lovin an puhna chu a pawm ta a. Kum 45 tang turah hremna pek a ni. A tan hun chhung kum 4 chauh a tlak hman tiin thin tha loin a thi ta a. A thih hian kum 56 a upa a ni.
×××××××××××
On 09 september 2024, at 03:26, Anonymous commented on 
: LIGHTS OUT){kind=link}
0 Comments
I ngaihdan han thawh ve teh le!