GAS CHAN HAH NGAILO A BOOK DAN HI

Hei hi a tam thei ang berin i hria ang u..

Note : (Min hrilh chhawngtu Pu Sawma (MCS), Chawnpui Veng hnenah lawmthu ka sawi nghal e).

>A SUR A SA HNUAIA GAS LA TURA INTLAR I NGAI ȚHIN EM?

>IN GAS HMAN LAI ZAWH HMA-IN I LA LEH HMAN LOVANG TIH I HLAU ȚHIN EM?

> GAS SUBSIDY CHU I BANK ACCOUNT AH A LUT ZAT ZAT LO ŢHIN EM?

IVRS/SMS/Internet hmanga gas cylinder book dan hi lo hmelhriat ve rawh le

A țhatna te:

1.Mahni awmhmun ațangin gas a book theih (Phone call, SMS emaw Internet kaltlangin).

2.Distributor ten hun tiam chhungin Gas book tawh te chu an pek ngei ngei a ngai.

3.Nangmah ngeiin gas chu I book avangin subsidy pawh nangma account-ah ngei a lo lut ang a, subsidy kal sual tur a veng ang.

4.LPG supply khawp kham lo emaw mumal lo emaw he system-ah hian a rawn lang chiang nghal thei ang.

5.Home delivery system kan neih theih nana rahbi pawimawh hmasa a ni bawk.

Gas online-a book turin I mobile register hmasa la, I gas chu han book chhin ve teh le.

HETAH HIAN LUT LA = REGISTRATION

Thil harsa a awm lo..

One Time Registration (Telephone hmangin) :

1.In landline/mobile phone ațangin ph.no. 9089024365 ah hian dial rawh.

2.Hindi I duh chuan 1 hmet la, English I duh chuan 2 hmet rawh.

3.In distributor landline number hmet rawh. Entirnan, in distributor chu Kapliani Indane Agency a nih chuan 03892325744 hmet rawh. Aizawl khawpui chhunga Gas agency phone number te chu a hnuaiah khuan dah a ni e.

4.IVRS chuan i distributor agency hming a rawn sawi chu a dik tih confirm nan 1 hmet leh ang che.

5.I Consumer Number hmet la.

Entirnan, i customer number chu 22954 a nih chuan 22954 hmet la. Customer should dial the numeric part of the customer number (eg. If the customer number is 12345, then dial 12345 and if customer number is A12345, then also dial 12345 ). IVRS in a rawn sawi nawn chu ngun takin lo ngaithla la, a dik chuan confirm nan 1 hmet leh ang che.

6.Subsidy tih tawp i duh leh duh loh a lo zawt ang che a, reject nan 1 hmet la, booking menu ah i kal ang.

7.Refill book nan 1 hmet la;

8.Complain tur (entirnan: subsidy dawn mumal loh te, gas cylinder hmuh loh rei lutuk te) i nei a nih chuan 2 hmet la;

9.I gas book hnuhnung ber chungchanga hriat duh i neih chuan 3 hmet rawh.

10.Gas i book hnu chuan i va call na number chu i personal number a nih leh nih loh a lo zawt ang che a, confirm nan 1 hmet leh la, i number chu a hnu zelah gas book-na chungchanga hman tur atan register nghal a ni ang.

Number register tawh te tan :

1.I number register tawh sa ațang chuan Ph.no. 9089024365 dial rawh.

2.Gas  ibook dawn chuan 1 hmet la;

3.Complain tur i neih chuan 2 hmet la;

4.I gas book hnuhnung ber chungchanga hriat duh i neih chuan 3 hmet rawh.

Gas chu I book rualin i number ah chuan Reference number a lo thleng ang.

Chu bakah heng hunah te hian SMS I dawng thin ang :

1.Gas I book apiangin;
2.Cash memo print a nihin;
3.I Gas book chu a lo thlen-in;
4.I gas book chu engvang pawha cancel a nih-in.

SMS hmanga tih dan :
1.Registration : No. 9089024365 ah hian hetiang hian SMS thawn tur a ni: IOC<STD Code+ Distributor Telephone Number><Consumer number>.

Entirnan: I distributor chu Kapliani Indane Agency (2325744) a nih a, I consumer number QX00827C lo ni ta sela, heti hian sms thawn tur a ni IOC 03892325744 QX00827C

2.Booking : No. 9089024365 ah tho hian SMS <IOC> tih hi thawn mai tur a ni.

3.Refill*: No. 9089024365 ah tho hian SMS <IOC> tih thawn tur.

*Distributor te’n engtinnge an sem ang?*
Distributor te hi koh khawma sawiho pui tawh an ni a. Tun dinhmunah chuan danin a phut anga in tina sem hi kan khawpui ruangamin a zir loh avang leh chhan hrang hrang avangin ti thei dinhmunah an la ding lova. Mahse, online-a gas book te chu pe hmasa ngei ngei turin ruahmanna an lo siam ang a, an gas sem hunbi te pawh a țul ang leh mipui tana rei tak tak intlar ngai lo turin an her rem ang.

*He system thar hi thil awlsam a ni ang em?*

A tirah chuan distributor te ruahmanna thar siam chhung nen a kal zaih bik lo mai thei. Amaherawhchu gas pakhat la tura chawhma pum emaw chawhnu pum emaw intlar țhak țhak ngai lo tur leh subsidy kal sual nasa ţhin pumpelh nana kan rahbi pawimawh hmasa-ah ngai tlang ila, mipui tana awlsam zawka gas lak dan system kan neih a țul si a ni.

He thil thar hi lo hmelhriat ve in han hmang țangkai ve chhin la, harsatna I nei a nih chuan Indane helpline 1800-233-3555 ah emaw Aizawl Bawrhsap Pisapui Face book page-ah te comments i han thai lang dawn nia. Kan lo pui ang che.

Sl.No.

LPG Distributor                        Phone Nos.

1.Kapliana Indane Agency = 0389 2325744
2.Vanbuangi Gas                   = 0389 2325268
3.Suakchhunga                     = 0389 2341092
4.Biakkungi Gas                    = 0389 2341150
5.Zothan Indane                   = 0389 2306833
6.Zopuii Gas                           = 0389 2347409
7.Zoram Indane                    = 0389 2393140
8.Mizofed, Aizawl                 = 0389 2305707
9.V.Neihkunga Gas               = 0389 234950
10.Caravan Gas                     = 0389 2350888

Subsidy chungchanga zawh duh nei tan Indane transparency portal link hi click rawhh = webapp.indianoil.co.in ah hian distributor hming chhu lut la, select la, proceed tih-ah hmet rawh.

Consumer consumption/ cash transfer details tih-ah click leh la, i distributor hnuaia consumer details zawng zawng, bank seeding tih tawh a ni em, subsidy engzahnge i hmuh theih, adt. a lo lang ang.

I hming/consumer ID hmangin i hming i zawng thei bawk a, bank seeding column-ah button a hrin chuan i bank seeding chu a dik tawh tihna a ni a, a la hrin loh chuan i distributor hnenah siam țhat tir a ngai ang.

I bank seeding dik reng anga lang siin subsidy i hmu ngai lo a nih chuan Indane toll free number 1800-233-3555 ah complain i thehlut thei ang. I bank nen pawh i account details check chian a țha ang.