KA THIAN LO LA BEIDAWNG SUH AW

Beidawnna ațangin hringnun hi i thlir a,
     Hlimna tuihna zawng zawng pawh a kang chat zo a,
     I khawvel chu thimin a bawm maw?

Ka rah chin chin ka ram ti țhin khan
     I ram chin pawh i rap pha tawh lo em ni?

Ti hian ngaihtuah teh,

Hringnun hian hlimna ringawt min pe thei lo,
      Hlimna tawpah lungngaihna a awm a,
       Beiseina tawpah beidawnna in min hmuak a,

Lawm vanga nuihna karah pawh mittui a tel tho asin.

Hei hi ani hringnun awmzia chu.

Mahse...hnungtawlh lo a hmalam i pan phawt chuan,
       I la kalpel leh ang lungngaihna hmun pawh.
       Tunah i țap anih chuan i la nui leh dawn,
      Engkim tawng thei turah inngai la,

Ni tla a pil hlen ngai lo angin,
        Angai rengin hringnun hi a kal dawn lo tih hre phawt rawh aw._