YMA BRANCH SECRETARY ATAN NULA LALMUANPUII (TETEII) AN THLANG

January 18, 2018 : Special Report han tih hluai chiam chi chu a ni lo. Mahse, Branch YMA Secretary atana Hmeichhia (nula) han thlan chhuah ve nalh chu a fakawm reuh em mai a, ka’n post keuh. Mizorama khaw hmingthang tak “Sairang” pawhin Branch YMA hruaitu President atan Pi Theresa-i a lo nei tawh thin a, ani pawh kha a hun laiin mipui fak a hlawh hle thin a nih kha.

Nl Lalmuanpuii (alias Teteii) pawh hi a awmna Muanna Veng (Zuangtui bul) Branch YMA Secretary atana thlan a ni. Amah hi kohhranah pawh inhmangin, an kohhran (Baptist) Bial level-a Thalaiah Fin. Secy leh Unit -a Treasurer ni lai leh Bial Zaipawlah te member tangkai tak a ni mek. YMA hruaitu nih hi “tlawm ngaih thil” midangte tana inpek ngai tak a ni a.

Muanna Vengin Branch YMA Secy atan Nl Lalmuanpuii an nei hi a inhmehin, an “muanpui” ngei turah ngai ang!
Mizo hmeichhiate hian khawvel hmasawnna kawng hrang hrang kal chho zelah, a bikin Mizo society-ah dinhmun pawimawh an luah chho ve tan mek a. Mipa tih theih ang tam tak nihna leh chanvo an rawn hauh chho tan hi thil lawmawm tak a ni. Advocate/ Lawyer, Doctor, Civil Service, Engineer, Missionary, Business-lines leh Theology etc.

lamah te mi thiam leh tha tak leh tangkai tak tak an awm nual tawh a, mahse, Journalist lamah erawh an la zuang chhuak meuh lo thung!

Khawvel news-media lar deuhvah hian Hmeichhiaten hmun pawimawh changin, huaisen tak takin indona hmun (war zones) ah te kalin, live-news reports an ti fova, thuziak kawngah pawh ngaihdan fing leh tha tak tak te an ziak fo thin. Kan Mizo hmeichhia te pawh heti lamah te hian han thangharhin, Journalist duhawm leh hmingthang, huaisen bawk si te hi lo chhuak ve tawh sela, ka va duh thin tak em!