HMEICHHIATE TAN CHAUH AW.

SOURCE = LIANA JH FACEBOOK

Hmangaihtu diktak chuan an hmangaihte thunun tumna an nei thin tih hria la, nula fel leh nupui tha i nih theih nan a thunun tum tu che BIALPA i nei a nih chuan, titau bar bar lovin lawmtakin Pathian hnenah lawmthu sawi zawk rawh.

I bialpa kha lungtum a ni lova, a chhiar ve i phalloh message i dawn lai te, a hriat ve i phalloh, mipadang phone call i pickup san laite khan a rilru a na ve thin a, a mittui hial pawh a tla thin tih hriain, a hriatpui theih loh tur che in mipa dang nen inthlun zawmna nei ngai suh.

Nangmah be tha tu che mipa zawng zawng lakah beiseiawmin awm hawrh zel suh. Chhaihtu che zinga sawm a pahnih pawhin an chhaih che tih kha an hre zui lovin an theihnghilh leh nghal tih hrereng la, chhanlet chintawk nei ang che.

Hmangaihna diktak chuan ngaihdamna a kengtel thin tih i hriat avang mai khan, nangmah hmangaihtu che i bialpa tana ngaihdam ngai rengin awm suh. I bialpa kha Pathian a ni lova, a dawhtheihna khan tawpchin a nei ve tho tih hria ang che.

Mipate hi Robot an nilo, duattu leh pangchhanna tur bialnu mamawh ve tho an ni. Ngaihsakna dawngtu tura chunglam belruatah in ngai hmin hmiah thin suh.

Dawngtu tur hrim hrim a Pathian serhhran i ni lo tih hria la, i sas lakah thilpek beisei reng suh. Petu zawk nih hlutzia leh hautak ve si sia te pawh hriat tumin pe ve thin rawh.

I chhas thar bulah i bialpa hlui chanchin sawichhuak fo suh.I chhas hlui chanchin i sawi rik kha i bialpa thar tan chuan bengbula teltin ruak vuak aiin a bengchheng zawk.

"Nula luck" ti a miin an sawi che i thlakhlelh lai khan, i bialpa chuan chhas rinawm' i nih a duh zawk a, hmeichhe piannalh satliah aiin, hmeichhe rilru tha hi mipate'n kan ngaisang zawk a, i mal chauh var lovin i thinlung kha fai tel se, i incheina aiin i rinawmna kha langsar rawh se.

I bialpa chu a rethei emaw, zu ngawlvei a ni emaw, i thiante kawppui aiin a hmeltha emaw, i bialpa hmasa aiin a zir sang lo a nih pawhin midang bulah zahpui ngai suh.

I chhas thikthu a chhiat viau khan thinrim ngawt lovin nangmah kha inenfiah hmasa ang che. I lerh vang a thikthuchhia pawh a ni thei a sin.

I ngaihzawng chu eng mi pawh nise midang bulah rel ngai suh. I bialpa thatlohna i sawi chhuah thiam poh leh i mawng i hlim lang thiam tihna ani.

Hei hi hrereng rawh: Kristiante innghahna, Bible hi tawng hrang chi sing sang sawm sarih paw'n letling se he thu hi chu a ngai reng ang.

 " HMEICHHE LÛ CHU MIPA ANI"....